名家給力場

名家給力場

集數

洞悉市場大勢,捉緊市場脈摶,要有名家給力。各路財金猛人每日輪流為你拆局,了解投資秘技,背後玄機,給予力量。

汽車業今年持續受缺「芯」問題困擾,已經去到影響產能,而且情況一直冇明顯改善,以比亞迪股份(01211)為例,大行都話比亞迪新車生產都可能受影響,但股價表現又出奇地好,點解會出現呢個現象?

雖然比特幣(Bitcoin)最近又「價崩」,但反而有機構投資者大舉掃貨,Bitcoin最大持有者之一MircroStrategy宣布,發垃圾債掃Bitcoin,其實呢個消息早兩日已經出咗,但完全幫唔到Bitcoin,個價彈都冇彈過。

數碼貨幣逐漸成為國際金融科技發展趨勢,金融管理局早前首次話,會成立跨部門工作小組,探討本地零售層面發行「港元數碼貨幣」(e-HKD)嘅可行性,估計未來12個月會有初步諗法。

港股連跌7日後,今日終於識彈,但收市係咪有得升仲要睇住,因為好多時都「衰收尾」,依家港股仍然係「升唔上,跌唔落」嘅悶局,到底個市等緊咩?幾時先會出現突破?

美國5月通脹錄得2008年以來最大按年升幅,不過,聯儲局繼續話,呢個只係暫時性現象,但其實市場兩邊聲音都有,即有部分人認為唔係短暫。睇返聯儲局3月嘅點陣圖,聯儲局官員預期,會維持近乎零息至2023年,今次嘅點陣圖會唔會有變動?

市場等緊聯儲局今晚出爐嘅議息結果,睇下有冇傾「收水」,依家市場嚴重「水浸」,美銀證券嘅報告話,客戶債務投資佔資產管理規模比率持續喺低位,反映客戶唔願意揸債券,點解會出現呢個現象?

今年至少發生兩宗虛擬貨幣泰達幣現金交易劫案,金額高達200萬及350萬港元。泰達幣嘅基本運作係點?同其他虛擬貨幣有咩唔同?市值又追唔追得上其他虛擬貨幣呢?

航運股近期升唔停,主要係喪炒需求、運費,其中海豐國際(01308)最新發咗盈喜,估計中期多賺最多3倍,刺激海豐股價今日一度升逾9%,高見30.65元。

「謎網股」隆成金融(01225)因捲入細價股風暴,喺2017年被證監會勒令停牌,由於公司已滿足到復牌條件,今日終於復牌,股價一度暴瀉逾55%,更成為半日跌幅最大港股。