Finterview

Finterview

集數

Finterview, 重點財金消息, 與專家對話, 即時分析經濟數據, 深入拆解影響股價的投資主題。

市場一直追捧增長動力強嘅新經濟股,但内地監管陰霾一直困擾住呢個板塊,究竟係新經濟股本業增長力度大,定係監管力度大,會唔會遏制呢啲公司嘅增長?

港股之前3年都應驗咗「五窮咒」,港股繼上星期五急挫後,今日仍未止瀉,加埋印度爆發海嘯式疫情,到依家仍未受控,今個5月係咪會迎來連續第4個「五窮咒」?

港股喺「五窮月」開局表現麻麻,噚日連同上星期五累跌逾900點,騰訊控股(00700)等科技股弱勢,拖累大市。

市場擔心美股升到現水平,會唔會因「畏高」而出現大調整,到時港股好大機會跟跌,就連全球最大對沖基金橋水基金嘅聯席CIO,之前接受訪問時都話好驚,仲話美股依家好危險兼有泡沫。

美國財長耶倫吹加息嚇冧美股後,急急「補飛」,澄清佢嘅加息想法,不過,前白宮經濟顧問庫德洛就認為,耶倫嘅「加息論」係真話。摩根大通估計,聯儲局明年1月就會退市,每月買債規模會縮減150億美元,美國係咪會提早「收水」?

人行、銀保監、中證監等公布粵港澳大灣區跨境理財通試點建議,香港投資者適用嘅北向通,同埋內地投資者適用嘅南向通,兩邊總額度都係1500億人仔。對本地投資者有咩好處?對本地銀行股會唔會因此受惠?

世界衛生組織(WHO)喺周末批准國藥控股(01099)新冠疫苗作緊急使用,而復星醫藥(02196)就計劃同BioNTech合資係内地生產疫苗,刺激復藥股價今朝一度報復式反彈逾20%。不過,藥廠輝瑞、歐盟都認為,取消疫苗專利並非當務之急。

內地今朝出咗最新通脹數據,4月CPI按年升0.9%,低過預期,至於PPI按年升6.8%,高過市場預期,加上近期資源價格爆上,通脹似乎已經殺埋身。

港股近月整體走勢麻麻,恒指噚日大冧近600點後,今朝高開後一度升過百點,港股年中以後係咪有望回穩?

美國4月通脹按年升4.2%,遠高於市場預期嘅3.6%,長期通脹係咪逐漸成形?聯儲局會唔會有機會提前加息?