Finterview

Finterview

集數

Finterview, 重點財金消息, 與專家對話, 即時分析經濟數據, 深入拆解影響股價的投資主題。

港股近日調整,之前喪炒嘅新經濟股都要唞唞,今日將會有首批疫苗抵港,並會喺短期內開始接種,經濟復甦似乎邁進一大步,新舊經濟股部署應該點調整?

港股進入業績高峰,今個星期有多隻藍籌股派成績表,其中滙豐控股(00005)聽日出業績,市場焦點落喺集團重組進展、會唔會恢復派息,高盛、摩根士丹利估滙控會恢復派末期息10美仙至15美仙,最新美銀亦估派息12美仙

港股嘅科技指數近日顯著調整,可唔可以解讀為資金由較貴嘅股份,換馬至較平嘅股份?例如資源價格上漲就買入呢類股份,又或者舊經濟股、落後股,然後狂掟新經濟股,而隨著開始接種疫苗,就連賭股今朝都大升。

近期市場驚債息升、通脹預期升溫會令聯儲局「收水」,睇返反映實際利率嘅美國10年期TIPS孳息率,雖然依家仍然係負0.8厘,但已出現上升趨勢,值得留意係,舊年3月大市急挫時,TIPS RATE都係扯高。

港府28年以嚟首次上調股票印花稅,噚日消息一出即震散港股,恒指一度急瀉逾千點,北水淨沽出更破紀錄。雖然唔少大行話,加印花稅長遠對港股冇乜影響,但短期震盪會有幾大?

美國10年期債息落返1.5厘樓下,係咪之前太顛,一下子就搶高,還是同地緣政局急升溫有關,因為據外電最新報道,美國空襲敘利亞。

「兩會」星期五就會喺北京開幕。國信證券研究部副總裁程嘉偉認為,投資者焦點會重新落喺「兩會」主題上,又預期港股將會回升。

恒指公司噚日收市後公布完善恒指諮詢結果,涉及5大改革,包括成分股遞增至最多100隻、上市3個月可納入等,恒指「變天」後係咪更有代表性?對資金嘅吸引力係咪會大增?

恒指世紀改革備受市場關注,市場原本預期成分股會增至80隻,但結果是遞增至100隻,令部分投資者感到意外,究竟本港市場有冇足夠深度容納100隻成分股?值得留意係,現階段仍未有一個清晰嘅擴容時間表。

「兩會」今日開幕,市場聚焦總理嘅工作報告,睇下經濟增長目標會定喺咩水平,但好多大行都估計今年會有一個目標,主要係舊年有疫情,唔想畀壓力地方政府,因此唔會set一個目標,但會唔會令外界掌握唔到內地嘅經濟增長情況?