-
E389男偶像男粉絲 (II)
成日聽到啲人話女仔追星好癲同好捨得課金,不過原來男仔追起星上嚟,課金力同瘋狂程度絕不亞於女仔!今集繼續有4位鍾情男偶像嘅男粉絲,分享自己為咗粒星可以去到幾盡,甚至令自己無論喺外型、性格及心態都有所改變!
-
E390廟宇工作者 (I)
居住喺華人社會,大家應該都有唔少入廟拜神嘅經驗!但你哋又知唔知一間廟會有乜嘢職位?原來只要有相關知識同考試過關,你我都可以有投一間私人廟嚟「打骰」嘅機會; 仲有一位做廟祝嘅嘉賓,為咗繼承父親遺志,放棄金融工作,全職睇住間廟!
-
E391廟宇工作者 (II)
今集繼續拆解廟宇嘅神秘面紗!竟然有嘉賓「曬命」,話因為有好多善信留底生果,所以佢哋成日搾果汁飲,飲到好驚有糖尿病!講到印象深刻嘅善信,解籤師傅就話有一位男士隔個月就去廟求籤問相同嘅問題,足足維持咗五年。
-
E392車房工作人員 (I)
一直以嚟,每當提起車房工作嘅人,好多人都會將佢哋定型為「古惑仔」或者「粗口爛舌」,不過事實上佢哋可能同大家想像嘅完全相反!今集邀請咗3位負責唔同範疇嘅車房工作人員,分享入行以嚟各種辛酸,對於外界誤解以及青黃不接等等問題,佢哋又點樣面對?
-
E393車房工作人員 (II)
車房工作人員處理過嘅車可謂數之不盡,由輕微損耗到損壞嚴重,甚至連事故車都要處理,今集嘅3位車房師傅喺呢段工作期間遇過咩難忘嘅事,當中有人竟然經歷靈異事件?至於西客無處不在,車房亦無法倖免,呢班西客BB點令師傅們哭笑不得呢?
-
E394本地食品品牌老闆 (I)
今集請嚟三位本地食品品牌嘅老闆上節目!佢哋分享開創一門生意,真係「大有大做」(投資7 位數字) ,少有少做 (1至2萬) ,最緊要夠膽做」嘅道理。亦都分享喺香港要建立本地品牌嘅難度,以至做生意就會同拍檔有拗撬、畀人呃等等情況嘅必然性有幾大。
-
E395本地食品品牌老闆 (II)
做生意邊有咁容易,三位嘉賓繼續大呻苦況!原來好多大公司成日以現金流唔夠做藉口,令嘉賓被拖高達六位數!又有餐廳經理玩嘢,收貨後唔上架,令食物過晒期;仲試過遇上大停電,搞到區內超市雪櫃入面嘅食物壞晒,彈返畀佢哋,要佢哋硬食所有損失!
-
E396背包客
究竟點解有人會揹住個超重背囊環遊世界?原來對背包客嚟講,呢種窮遊方式,瀟洒啲型啲!今集三位背包客,有人曾經踩單車,用一年半時間,由香港踩去南非;有女嘉賓就用月餅罐儲錢,一個人去咗超過八十個國家!
-
E397資料撰稿 (I)
電視節目有好多種,不過唔係個個觀眾都知道幕後有咩分工。監製、導演同PA (助理編導)好多人都知係乜,不過「資料撰稿」呢個位就唔係人人都識得。
-
E398資料撰稿 (II)
《又要威又要戴頭盔》作為ViuTV最長壽節目(暫時) ,歷年嚟邀請咗數以百計嘅頭盔人,為觀眾爆盡唔同身分同行業鮮為人知嘅內幕祕聞。嚟到最後一集,係時候由《頭盔》嘅資料撰稿員,爆畀大家知《頭盔》嘅秘密啦! 究竟被選中嘅頭盔人,係點樣搵返嚟?