晚吹 - 又要威 又要戴頭盔
每集同路人以四人為限,各自戴上真‧頭盔,跟主持人林二汶和余迪偉再遊花園、一同就INSIDER SECRETS進行討論。同路人同聲同氣同仇敵愾,盡訴INSIDER在頭盔掩下難得公開的秘密。 更多
下架日期
2021年10月20日
語言
Cantonese
字幕
中文
片長
30 分鐘
集數
24
節目級別
IIA
  • E261
    演唱會幕後 (II)

    做得天王、天后、天團,台上實力肯定爆燈,但台下親和力更加重要!今集三位演唱會幕後,將會大爆各位巨星喺台下真面目:大牌歌手出名遲到失蹤、天后極速收工絕技、天王對幕後原來超級用心…而經常出入紅館嘅佢哋,撲飛係咪無難度?買飛揀位又有冇特別攻略?

  • E262
    收音師 (I)

    電影戲劇要有聲有畫,除咗要靠攝影師,更加唔少得要有收音師。咪以為佢哋嘅工作只係舉吓咪擰兩個掣咁輕鬆,收音師要面對嘅挑戰,絕對唔少得過一班攝影大哥...

  • E263
    收音師 (II)

    作為幕後嘅「千手觀音」,收音師有時要一個人睇聽住十幾支咪嘅聲,少啲集中力都隨時出事。一個唔小心,隨時喺拍攝現場發生蝦碌趣事,有時仲可以親身睇到一段段不為人知嘅搞笑經歷,見證一個靈異節目變成一個史詩式鬧劇!

  • E264
    編劇 (I)

    劇本乃一劇之本,一部作品嘅靈魂所在,而當中嘅故事、場口、對白、角色都係由「編劇」所設計,佢哋理應備受尊重,但現實偏偏荒謬過做戲……

  • E265
    編劇 (II)

    三位編劇繼續揭開影視行業嘅神秘面紗,K.O.觀眾腦中一堆問號 — 眾所周知做電影/電視令人貧窮,咁編劇可以有幾窮?點解港產片成日加咁多男主角,同時女主角條劇情線又有啲無謂?搵劇情Bug位已經變成觀眾嘅散場娛樂,但原來編劇有辦法預先拆彈?

  • E266
    武館中學學生 (I)

    傳說喺十八區裡面,每一區都有三幾間「武館中學」,一聽學校名就會令人肅然起敬,甚至望而生畏。

  • E267
    武館中學學生 (II)

    身處「武館中學」,唔止學生要做好即時格鬥嘅準備,連老師都要有隨時接招嘅覺悟,但明槍易擋,暗箭難防,遇上一班擁有驚人創意嘅整蠱專家,一眾老師都要喺學生層出不窮嘅整蠱招數面前舉手投降。

  • E268
    舞蹈老師 (I)

    三位舞蹈老師跳入錄影廠,直視haters撕走身上各種污名化嘅標籤,包括 #貴圈真亂、#喜愛夜蒲、#教壞細路,亦為唔同舞種嚟個大平反 — 電臀舞唔係脫衣舞、中國舞唔等於大媽舞、喺街跳嘅亦唔一定係街舞!

  • E269
    舞蹈老師 (II)

    做老師最怕呢三寶 — 怪獸家長、難教學生同麻煩校長,引爆嘅問題就算唔係鑊鑊新鮮,都肯定鑊鑊甘!之不過跳舞為生,夠叻嘅話就搵真「金」,聽聞有演唱會舞蹈員做完一個騷夠畀首期買樓,行內亦有「姨姨,我不想努力了」嘅故事!?

  • E270
    戒毒人士

    吸毒毀一生、令人眾叛親離、危害精神……人人皆知,但依然有人因為好奇、朋輩誘惑、錢而試第一口,從此喺毒海中掙扎,包括地盤工、露宿者、西裝友、醫生、老師、大老闆等。

  • E271
    工作假期 (I)

    年輕一輩對 Working holiday 一啲都唔陌生,但要走出安舒區、向一個未知嘅地方邁進,當中嘅心情又係點?有人以為去澳洲打工,都係摘吓士多啤梨,最後竟然去咗羊肉廠,仲一做做咗幾個月!

  • E272
    工作假期 (II)

    三位去過工作假期嘅過來人大爆驚險事件!有人喺公路炒車炒到四輪朝天;有人被入屋搶劫、仲被賊人打到頭破血流,留下永久疤痕;有人失業冇工開,身上只剩下四十英鎊過活;有人被當地垃圾分類搞到頭都暈、連垃圾袋都要分顏色?

  • E273
    鏡粉前夫

    最近全城男士上線作反,一振夫綱玩踢爆,大呻MIRROR鏡仔登堂入室,老婆/女友光明正大用新歡姓氏自稱「X太」!自己不特止被前夫化,身為「鏡粉前夫」仲要隨時貨金貼仔、狂loop奸夫作品同奉獻愛巢。

  • E274
    運動員 (I)

    香港地做運動員,可以點開始?今集請嚟三位曾經出戰奧運嘅精英,同大家講講佢哋加入青年隊嘅故事:有人自細就俾家人栽培成體育明星、有人玩完暑期班就無啦啦入選。

  • E275
    運動員 (II)

    去外國比賽表面好威水,實際上有幾辛苦,只有運動員心知肚明。今集三位運動員,會講下自己去唔同地方比賽嘅特別經驗:由最正嘅「和牛放題」,講到最核突嘅「烏蠅撈飯」。去到外地比賽,氣候環境完全唔適應,深刻體驗「人無事至可以做世界冠軍」嘅教訓。

  • E276
    泰拳教練

    講到最熱門嘅減肥運動,泰拳一定走唔甩。今集請到三位經驗豐富嘅泰拳教練上嚟,講下自己遇過各式各樣嘅奇怪學生:有人把口就話減肥,實際連出拳都無力;老婆借上泰拳堂,打到老公出唔到聲;仲有學生唔聽話,起埋飛腳踢教練,差啲動真火打交。

  • E277
    舞台劇幕後 (I)

    睇舞台劇係香港人為數不多嘅娛樂之一。幕前有演員表演,幕後仲有班後台工作人員為開騷做足準備。人人都話做得舞台劇幕後都係「能人所不能」,燒焊、電子、雕泥倒模咩都識做,當中秘辛有幾多人知?

  • E278
    舞台劇幕後 (II)

    有人話最黑嘅地方就可以聚集陰氣——紅裙女、綠色影常客、飄浮人頭…舞台劇幕後見盡「朋友仔」陪住大家睇劇!

  • E279
    視光師 (I)

    睇得電視多,覺得對眼朦朦地?係時候搵視光師啦!香港合資格嘅視光師原來非常搶手,一個星期跑幾間鋪已經係常態。

  • E280
    視光師 (II)

    做視光師,睇遠視近視就係基本,再要應付埋客人配眼鏡時出現嘅奇難雜症,包括:為副眼鏡揀到天黑嘅「選擇困難症」、遲咗成個月埋單錯失優惠嘅「拖延症」、唔肯認老花嘅「硬頸病」、為咗配眼鏡扮睇唔到嘢嘅「偽近視」…

  • E281
    網店店主 (I)

    有得創業做老闆,邊個會想做「奴工」?有班年輕人為逃出朝九晚五嘅魔咒,寧願冒險開店創業。但要創業都唔一定要從實體店著手,呢班人選擇開網店起步。網店店主從經營、揀貨、搵客一腳踢,到底經營網店係咪一如傳聞中投資少、風險低?

  • E282
    網店店主 (II)

    賺錢邊有咁容易?開網店「零成本」傳聞背後,有班網店店主捱更抵夜24小時湊客,仲要面對假入數紙呃錢、客人上門發火、遭無理抹黑,咁都仲唔夠,佢哋有人試過一夜間被封網店,心血全失!

  • E283
    獵頭公司 (I)

    有啲人呻搵工難,但其實請人一樣咁難,所以就需要獵頭公司幫忙啦!3 個 Headhunter 講佢哋點出盡法寶、扮鬼扮馬、神神秘秘幫客人搵到合符資格嘅 Candidate。仲會爆料一啲招聘奇聞同請人嘅 hidden criteria…

  • E284
    獵頭公司 (II)

    Headhunter 無論同客定求職者都要保持良好關係先長做長有,咁佢哋又會點做呢?坊間傳聞,有 Headhunter 為求做到生意會出賣美色,又係真唔係?