晚吹 - 又要威 又要戴頭盔
每集同路人以四人為限,各自戴上真‧頭盔,跟主持人林二汶和余迪偉再遊花園、一同就INSIDER SECRETS進行討論。同路人同聲同氣同仇敵愾,盡訴INSIDER在頭盔掩下難得公開的秘密。 更多
下架日期
2022年07月06日
聲道
粵語
字幕
中文
片長
30 分鐘
集數
26
節目級別
IIA
  • E296
    搭棚工人 (I)

    無論嚴夏或是寒冬,總有班身手敏捷,隨手拎起十枝八枝長竹嘅搭棚工人化身飛天蜘蛛俠,喺幾十層嘅高樓攀爬搭起個棚架。大家路過舉頭望竹棚,但未必低頭知秘辛。

  • E297
    搭棚工人 (II)

    時有聽聞搭棚意外發生!連人帶狗臂架飛落街;長竹高處跌落,即場噴血入院;高空失足,慘變失憶傷殘,一切只因冇戴安全帶咁簡單?又有傳搭棚工人都有鋼條身型、手瓜起腱;攀爬外牆,見盡家庭八掛事;人有三急更會喺棚上解決……種種傳聞是真是假?

  • E298
    搬運工人 (I)

    無論搬屋、搬廠、搬寫字樓,最緊要就係有一班搬運師傅大大力支援!今集搵到三位師傅坐鎮,講下做搬運公司有幾辛苦:日日搬到無停手、好天狂曬、落雨淋到濕哂都要保住批貨,見到垃圾屋都要忍住照搬。

  • E299
    搬運工人 (II)

    一班搬屋界大師,開工時曾經遇上各種離奇經歷:有師傅搬屋搬着鬼屋、又有神化客人一句說話令佛像變輕、搬到新屋至發現入唔到伙。

  • E300
    塔羅師 (I)

    講起塔羅占卜會諗起咩?仲諗起「入黑房」、「捽水晶球」、「恐怖死神牌」?咩年代呀!塔羅牌唔係得複雜難明嘅圖案,可愛寵物、熊仔糖、著到潮童咁款嘅公仔都可以係卡牌畫風;隨時隨地都可以玩塔羅占卜,大至問健康金錢人際,小至問阿仔成績、隻貓諗咩又得。

  • E301
    塔羅師 (II)

    「係咪有第三者?」「佢會唔會還錢?」「點解佢唔鍾意我?」塔羅師每日都要面對呢啲仲難答過「跌落海救邊個?」 嘅問題;除咗要做占卜解難,塔羅師仲要做埋心理諮商,表面上坐低傾兩句收錢,實際係惡啃、奇怪嘅客人一個接一個。

  • E302
    驗樓師

    「上樓」係好多人嘅目標同夢想,但千幾萬買層新樓返嚟,竟然問題多多?今集三位驗樓師大爆驗樓奇聞:地板不平、牆身有漬、漏水不特止,仲竟然變咗老鼠竇?搵咗驗樓師幫手,又係咪貼得愈多 memo 就愈好?驗樓術語多羅羅,你又識幾多?

  • E303
    滅蟲師傅 (I)

    見過網上流傳嘅曱甴屋,相信你都會佩服滅蟲師傅嘅勇氣同專業。今集三位滅蟲師傅上嚟話畀大家知,原來做滅蟲師傅除咗要有各種蟲患知識,仲要有一顆幫人嘅心。三位滅蟲師傅分享滅蟲趣事,極麻煩嘅滅蟲個案,仲為主持解答各種預防蟲患嘅問題。

  • E304
    滅蟲師傅 (II)

    見過網上流傳嘅曱甴屋,相信你都會佩服滅蟲師傅嘅勇氣同專業。今集三位滅蟲師傅上嚟話畀大家知,原來做滅蟲師傅除咗要有各種蟲患知識,仲要有一顆幫人嘅心。三位滅蟲師傅分享滅蟲趣事,極麻煩嘅滅蟲個案,仲為主持解答各種預防蟲患嘅問題。

  • E305
    女僕 café 店員 (I)

    女僕 café——去開嘅人覺得好夢幻;未去過嘅人就對呢個地方充滿疑問。而對幾位女僕嚟講,呢度唔只係佢哋打工嘅地方,更加係一個洋溢日本文化嘅樂園。究竟女僕 café 店員嘅職責,同普通茶記侍應有咩分別?係咪一定要靚女先做到女僕?

  • E306
    女僕 café 店員 (II)

    女僕 café 打開門做生意,當然歡迎任何客人去幫襯:既有同閨密一齊去嘅少女,亦有被另一半夾硬拉埋一齊去嘅情侶。

  • E307
    全職爸爸 (I)

    打工就話好多嘢份糧包埋,難哽都要哽,但係今集嘅三位全職爸爸就話俾大家知就算冇糧出、工作好惡頂都心甘命抵放棄事業做個湊仔公。

  • E308
    全職爸爸 (II)

    點先係稱職嘅全職爸爸?除咗屋企到底仲有冇自己生活?睇落風平浪靜嘅幸福生活會唔會有暗湧?

  • E309
    直播主 (I)

    做直播可以搵食?喺廿一世紀搵錢唔一定要打工、做生意,留喺屋企都大把方法賺到錢。四位直播主話畀大家知做直播到底係點賺錢,直播期間又可以做咩?

  • E310
    直播主 (II)

    想做直播主維生,就好依靠觀眾課金支持,四位直播主又點睇佢哋同觀眾之間嘅關係呢?如果真係有觀眾追求直播主,佢哋又會點應對?

  • E311
    追星族 (I)

    有人會通宵排隊賣飛,都唔想錯過見偶像一面﹔有人會大灑金錢買專輯,都要幫偶像推音源﹔有人會因為想拉近同偶像嘅距離,而去留學學語言。尖叫聲、歡呼聲背後,到底追星族嘅世界同諗法係點樣?追唔同國家嘅明星仲有唔同遭遇?

  • E312
    追星族 (II)

    有人話,偶像係粉絲嘅心靈寄託,粉絲係偶像嘅最強後援。今時今日要追星,各位「最強後援」要搶飛睇演唱會、買專輯、通宵排隊已經係等閒事,背後更多仲有為偶像整廣告應援、食物應援、搞大型應援活動、派應援物…追星真係會使人快樂?

  • E313
    茶飲店店員 (I)

    茶飲店出品好似間間都差唔多,但點樣可以喺咁多競爭者中突圍而出?每間茶飲店,又會唔會有獨門秘方?以為茶飲店店員好易做,但原來記晒咁多杯飲品嘅配方,都唔係咁容易,有啲店舖仲要求員工考試!

  • E314
    茶飲店店員 (II)

    去茶飲店落單都有一堆迷思:究竟嗌少冰係咪會多啲奶茶?果味飲料係咪完全都冇生果?少甜微甜係咪都係隨心?有時客人諸多要求,後面明明排晒長龍都仲要左諗右諗,遲遲揸唔定主意,店員有咩方法應對?客人無理事情多籮籮,竟然真係有人要求「黑糖珍珠走黑糖」!

  • E315
    平面設計師 (I)

    聞說要做平面設計師除咗要有一個新鮮嘅肝臟,仲要有超高嘅EQ;「OT到凌晨3點」、「個客又要改嘢」、「marketing 同事催稿」、「單 job 壓價」、「連續幾日冇返屋企」係等閒事。

  • E316
    平面設計師 (II)

    以下係平面設計師每日都會聽到嘅說話:「想 creative 啲,你識唔識㗎?」、「Logo移左 1mm」、「隻色唔靚喎」;沒有更嬲,只有更 mean,日日要應付個客嘅歪理,仲要被人壓價到月薪九千返足六日,所以有人話:「做設計慘過食屎」。

  • E317
    訓犬師 (I)

    香港人好大壓力,讀書有壓力、返工有壓力、原來連養狗都會有壓力。作為主人,如果你隻狗仔會咬人,唔好諗棄養先,搵訓犬師可能幫到你!4位嘉賓講自己點成為全職訓犬師,由教自己隻狗變到教人哋隻狗。

  • E318
    訓犬師 (II)

    有啲人以為訓犬師係同狗仔玩,好輕鬆。但其實唔係咁簡單,除咗要用體力、腦力教狗,仲要教埋主人。到底教人難啲定教主人難啲呢?除此之外,教狗原來都好危險,隨時被狗咬。

  • E319
    採耳師 (I)

    夏天為大地帶來水上活動,水上活動為大家帶來耳垢積聚~近期興起採耳行業,人人都走去試。聲稱可以做到耳根清淨之餘,又可以按摩輕鬆,更會幫大家達到「顱內高潮」?真唔真呀?就等主持試試採耳師嘅工具!到底佢哋用咩工具搞到連主持大叫舒服?

  • E320
    採耳師 (II)

    你係咪成日覺得耳仔好痕?你係咪又長期戴入耳式耳機聽足全日歌,咁你就要留意!

  • E321
    劏房戶 (I)

    香港地寸金尺土,上唔到車又想有私人空間,有啲人會選擇住劏房!但講到住劏房嘅辛酸事,「冬天沖涼」絕對走唔甩 - 面對「儲水式熱水爐」只有數分鐘嘅熱水供應,嘉賓已經練成快速沖涼策略!