-
E343情趣用品店店員 (I)
聞說行入情趣用品店就好似闖入異世界，色彩繽紛嘅避孕用品、奇形怪狀嘅性玩具，仲有仿如真人嘅矽膠公仔迎接你……咪住！Don't FF too much！
-
E344情趣用品店店員 (II)
當大眾對性睇法愈來愈開放，情趣用品同性生活玩法就唔再單一。除咗搔癢類、捆綁、高潮液、放置play，仲有人嘅性癖好係大家都估唔到，嚇到兩位主持聽到仲大叫唔好。香港人仲係敢玩唔敢講？今集《頭盔》情趣用品店店員同大家分享港人玩另類玩具嘅趣聞！
-
E345的士業從業員 (I)
大家成日鬧的士司機係「的士狗」，究竟行內人又點睇呢個稱號？揸的士就一定態度差？今集就等幾位嘉賓親自平反！除咗前線嘅司機之外，仲請嚟喺背後打理大小事務嘅的士管理人親身說法，講講行內嘅黑暗事。
-
E346的士業從業員 (II)
法例規定的士司機唔可以拒載，但作為乘客偏偏成日遇到「唔過海」嘅司機，尤其係返工放工時間，要成功截車真係唔容易！究竟的士司機點解咁唔鍾意過海？除咗怕塞車之外，的士司機仲有一類客最怕──醉酒客！幾位的士大佬有咩可怕經歷？
-
E347傢俬店員工 (I)
想打造一個安樂窩，揀啱傢俬好重要！但係喺香港買傢俬，無論質素同價錢都好參差，幾位傢俬店員工有咩貼士俾大家？如果預算有限，有咩方法可以執到平貨？某連鎖傢俬店設計到好似迷宮咁，新員工返工會唔會迷路？客人想走捷徑又有冇方法？
-
E348傢俬店員工 (II)
傢俬舖裡面咩人都有：志在嘆冷氣嘅阿伯、玩捉伊人嘅細路、當正間房係自己屋企嘅小情侶…… 每日喺傢俬舖返工，食食埋埋都唔少花生！究竟喺咁多千奇百怪嘅客人之中，有咩事件令幾位嘉賓最深刻？喺香港買傢俬，有咩材料最物超所價？
-
E349舞獅師傅 (I)
就到新年，大家成日講幾時收爐，但有一班人偏偏喺大家食瓜子打麻雀嘅時候，要由朝忙到晚，日日瞓得2、3個鐘，呢班人就係舞獅師傅喇。
-
E350舞獅師傅 (II)
新年時間，大家點都會睇過一兩場舞獅表演，但係精彩表演背後，原來大把危險場面，傷到見骨，不過呢樣都唔係最令舞獅師傅怕嘅嘢，有一樣嘢每位舞獅師傅表演時都好怕遇到，但係又一定會遇到，究竟係咩？
-
E351婚姻輔導員 (I)
有感情問題想搵人傾，又搵唔到愛情顧問廸偉點算好？其實都仲可以搵婚姻輔導員嘅～原來要做婚姻輔導員係要讀唔少書，輔導學、心理學、婚姻及家庭治療等等，唔止傾偈咁簡單。咁四位嘉賓點睇啲「人生教練」呢？
-
E352婚姻輔導員 (II)
每對伴侶都唔會完全無問題，四位嘉賓都話婚前輔導好重要，咁婚前輔導會做啲咩呢？香港常見嘅婚姻問題又有咩呢？婚姻輔導員們打破大家對婚姻嘅幻想，結婚唔等於「王子同公主永遠快樂地生活下去」，唔好諗住對方奉旨對自己好。
-
E353歌唱老師 (I)
如果五音不全，又熱愛唱歌，就需要搵歌唱老師惡補啦！不過市場好多海鮮價，四位嘉賓直指學唱歌分分鐘過千元一堂，咁即係做老師就好好賺？四位嘉賓認同，但真係「人睇我好，我睇你好」！
-
E354歌唱老師 (II)
究竟點解會想學唱歌？四位嘉賓笑指除咗真係想做歌手，亦有學生係為咗識女仔，更有為同老師「集郵」影相！嘉賓分享印象最深刻嘅學生、點睇家長帶小朋友學唱歌、做歌唱老師最大嘅心酸等等。
-
E355天使父母 (I)
做父母係一件開心事，但有一種父母，孩子對佢哋嚟講係永遠嘅傷痛，佢哋就係天使父母，即係失胎或者流產嘅父母。醫生對天使父母失去小朋友嘅原因，通常都會畀出同一個原因，呢個係咩呢？其中一位天使媽媽分享有一個地方對於流產嘅處理，比香港好得多，係邊度？
-
E356天使父母 (II)
對天使父母嚟講，孩子係佢哋永遠嘅傷痛。當小朋友走咗之後，佢哋最怕其他人同佢哋講一句說話，呢句說話點樣影響佢哋？呢份傷痛又可以點樣面對？佢哋會想身邊朋友點樣陪伴佢哋渡過呢？留意今集《又要威又要戴頭盔》。
-
E357關注組版主
無論你想知邊到有好嘢食；邊到有貓睇；邊到有平價貨買，全部都可以去社交平台嘅各大關注組睇！關注組每日有咁多資訊，到底啲版主點解可以掌握到？管理關注組又有咩要做呢？今集有3個關注組版主上嚟做嘉賓分享下做版主嘅辛酸事同埋趣事。
-
E358直立板愛好者
直立板呢項運動，雖然喺香港出現好耐，但係近年因為疫情肆虐、大家都冇辦法旅行，令到唔少人都開始喺香港周圍發掘好玩嘅活動，或者發展咗唔同嘅新興趣；直立板就成為咗其中一樣因此而興起咗嘅運動。
-
E359中古發燒友 (I)
新不如舊？今集四位嘉賓就同觀眾分享就算中古歷史嘅產物，都可以係寶！而佢哋珍藏嘅物品，亦分分鐘比本人年紀更大！究竟咩嘢原因令佢哋入坑？中古對佢哋嚟說又有乜魅力？
-
E360中古發燒友 (II)
作為中古發燒友，四位嘉賓鍾意到要開間舖放心頭好！佢哋大談入貨秘訣，但即使經驗豐富，亦難免曾經受騙！所以佢哋一樣試過買到「甩皮甩骨」嘅中古貨，更有人試過買到假貨！
-
E361紥肚師 (I)
究竟紥肚師嘅工作係乜嘢？紥肚又係唔係只供產後媽媽減肥之用？今集將會揭開呢行嘅神秘面紗！四位嘉賓分享原來呢個行業「性價比」極高，其中兩位老行尊憶述幾年前佢哋入行，原來只係上咗兩日堂，而接一個客人已經抵銷晒學費。
-
E362紥肚師 (II)
四位嘉賓分別係兩位老行尊同兩位新手紥肚師，但無論任職幾耐，佢哋都有同樣嘅體會 – 就係對於同行嘅操守有啲反感 ; 有人「頂爛市 」，亦有人幫客人影紥肚前後對比圖，用「P圖」令人誤以為有極大效果！
-
E363網絡內容創作者 (I)
社交平台爆紅專頁有好多，睇少個都好似跟唔上潮流，同人傾偈都搭唔到嘴！但係呢啲專頁係由咩人經營？一班素人又點靠自己創造網絡潮流？今集有4位網絡內容創作者做嘉賓，為大家解構社交平台世界係點樣運作，同埋佢哋嘅經營之道！到底經營專頁有無錢賺？
-
E364網絡內容創作者 (II)
要成功令一個社交平台專頁彈起，除咗要靠創意，仲要識玩網絡「潛規則」，四位嘉賓同大家拆解 Like 數多少並唔係靠彩數！佢哋仲會大爆網民各種瘋狂行為同埋經營社交平台嘅各種辛酸，並且分享佢哋同追縱者嘅互動，當中竟然有人做埋「月老」幫手牽紅線！
-
E365攝影記者 (I)
對比起文字記者需要採訪同撰寫新聞，攝影記者畀人嘅感覺可能只限於識影相就得，不過攝記嘅工作並唔係想像中咁輕鬆，佢哋為咗完成一單新聞，可以搏到幾盡，換嚟自己自豪嘅作品？
-
E366攝影記者 (II)
為咗要影到同其他行家唔一樣嘅相，或者做到一單獨家新聞，攝記背後要付出幾多時間同勞力，甚至隨時有畀人打嘅風險？另外大家以為攝記影相要影到受訪者靚一靚，但竟然有攝記反而追求越醜越收貨？
-
E367渠務公司職員 (I)
好多人對「渠王」有一種莫名嘅幻想: 例如，大家會想像「渠王」就係「大隻型男」！今集邀請咗四位渠務公司職員，一探「渠王」嘅秘密！其實「渠王」真正負責啲咩嘢工作？
-
E368渠務公司職員 (II)
渠王們繼續大爆料！佢哋話唔少行內人都會報大數，收得特別貴，亦都有人初入行唔識規矩「頂爛市」！而令佢哋覺得最辛酸嘅事，並唔係畀屎淋，而係驚女友或者太太嬲，因為呢行要隨傳隨到，根本無辦法成日陪伴對方。
