息賺
美國加息, 債劵買唔買得過? 房託基金又應該點樣揀, 一齊傾吓收息產品, 睇完更加 "識賺"。 更多
下架日期
2021年12月10日
語言
Cantonese
片長
6 分鐘
集數
8
節目級別
I
  • 10月11日-Chok市一定揀...

    香港大學房地產及建設系客席副教授楊書健指,呢啲房託背後都係實體資產,所以價格同大市嘅相關度會較低,雖然唔係每次大市跌時都可以獨善其身,但長遠嚟睇,房託有分散投資嘅作用,大市插水時都唔會跌得咁勁,而且4隻入面有3隻房託嘅股息率都有6厘以上..

  • 10月4日-高息股點玩好?

    港股9月繼續跌,恒指累跌近1300點或逾0.5%,第3季恒指累計亦跌差不多15%,明顯跑輸亞洲其他股市,大市下跌嘅其中一個副作用,就係好多個股嘅股息率都上升,就連盈富基金嘅股息率都升至3厘以上。

  • 9月27日-跌市點用Short Put自保?

    最近好多股份跌得好犀利,唔少投資者想「撈底」,但又驚買完又跌,好難捕捉到個低位,喺依家市況下,點樣用Short Put嘅方式,達到控制風險之餘,又可以有一定回報?

  • 9月20日-冧市執平貨避開呢3個板塊

    港股今日大冧,恒指一度急瀉逾1000點,插穿24000點,大市近期跌唔停,內銀股、內險股、內房股、本地地產股呢啲重災股冧價,息率就急升,面對唔同嘅政策風險,呢啲股份係咪博唔過?

  • 9月13日-房託今年交到貨

    過去1個月,市值100億元以上的房託,先撇除股息率不談,原來只得越秀房產信託(00405)基金價格錄得正回報,其餘幾隻主要房託,包括領展房產基金(00823)、置富產業信託(00778)、冠君產業信託(02778)全都都要跌...

  • 9月6日-高息內房股安全玩法

    過去1個月,市值1000億元以上、股息率超過5厘嘅股份多數係內房股,包括中國海外(00688)、碧桂園(02007)、華潤置地(01109)。潤地股價更跑贏一眾高息股,1個月內累升近30%。

  • 8月30日-綠色債券基金食正條水

    財爺陳茂波喺啱啱過去嘅周末指,要加大發展香港債市嘅力度,而近期發展綠色可持續金融,亦將成為金融市場嘅新增長動力,例如ESG綠色債券基金,到底回報係咪比同國債掛鈎嘅債券基金吸引?

  • 8月23日-樓價破頂後乾升?

    反映本港二手樓價走勢嘅中原城市領先指數(CCL),其中8月13日公布嘅數字,突破2019年6月底嘅歷史高位,高見191.34,樓價破頂後會唔會因為用家追價意慾下降,拖低整體二手成交,導致樓價掉頭向下?