晚吹 - 就係唔科學
曾幾何時,我哋以為「科學就係答案」,一切事物都可以用科學去解釋、推算。然而,隨住世界上奇聞異事被報導、流傳,科學都解釋唔到所有,又無法推翻佢哋嘅存在。踏入21世紀,有人提出「物質科學」不再是萬能key。過往認為「科學都解釋唔到」嘅事,原來不同層面嘅宗教、哲學、心理學,甚至人體之中,一早演繹過當中原理。大家開始意識到:唔科學唔等於唔在。科學以外,仲有好多範疇可以令我哋見識到更多有關世界上各種奧秘。每一集節目,我哋會用不同角度,邀請一啲研究相關領域嘅嘉賓,去拆解一啲就係唔科學嘅事件、設想,探究科學以外的世界。 更多
下架日期
2021年07月26日
語言
Cantonese
字幕
中文
片長
30 分鐘
集數
26
節目級別
IIA
  • E13
    人類圖

    假如每一個人出世,就好似所有電器一樣都有一份「原廠說明書」,而「搵錢」、「收風」,都係天生嘅特別技能!呢份說明書就叫做人類圖,四位主持連同資深人類圖咨詢師Stephen,會透過人類圖,重新認識自己嘅天賦、性格、能量點等等設定...

  • E14
    時間波浪儀

    量子科技嘅概念聽落虛無飄渺,但今日嘅量子科技應用,已經睇透一個人嘅身、心、靈狀態。四位主持輸入自己能量密碼之後,發現儀器竟然測出佢哋從未公開嘅身體狀況、情緒困擾、甚至連自己都唔記得嘅心結。到底呢個儀器嘅運作原理係點?又算唔算係科學?

  • E15
    神秘動物學

    「神秘動物」不只活在傳說,更有可能存在於現實之中!翻查歷史,從前的傳說神獸,今日有可能就是動物園裡的吉祥物;我們認為已經絕種的恐龍,更在剛果出現目擊個案。

  • E16
    神秘牧場

    美國有個牧場,因為每晚都有UFO、Big foot到訪,被各地UFO愛好者視為「聖地」爭相入住;另一個擁有神秘經驗的牧場,就接連發生不幸事件,嚇到牧場主人極速賣地離場。卓飛曾經到訪這兩個風格迥然不同的牧場,他的第一身經驗又是如何?

  • E17
    夢 (I)

    發夢見到內衣少女,原來係想自我反省?「俾鬼砸」原來都關發夢事?瞓覺瀨尿,可能因為太攰?有咩方法叫停惡夢?控制自己夢境其實唔難,但首先你要解通夢中各種暗示。今集邀請到解夢大師夢妮坦,由發夢成因,到各種夢境入面見到嘅奇難雜症都一一解答。

  • E18
    夢 (II)

    原來夢境同現實邏輯,可以完全相反:發好夢原來係對現實不滿?發夢發到嬲,係因為無膽面對現實?「春夢」唔係性暗示…咁夢見乜嘢至會係性暗示?發夢見到外星人,可能代表慘痛回憶?今集解夢大師夢妮坦,繼續同大家拆解每個「怪夢」背後嘅心理信息。

  • E19
    建築風水 (I)

    「風水」可以唔係精密「科學」,但部分「風水」同科學又可以互相解釋,就好似電腦運作都要靠「易經卦象」,今集精通玄空風水學嘅專業建築師蔣匡文,會揉合兩者理論,解釋圍村傳統風水原理,同香港人健康大有關連...

  • E20
    建築風水 (II)

    香港地方雖小,但原來卧虎藏龍,多個風水陣、龍脈都隱藏喺日常生活入面。今集蔣匡文先生會同大家齊齊探索香港龍脈起源、走向;又會講到中環商業區嘅「風水攻防戰」,財團、銀行建築點樣各出奇招,擋走對手「煞氣」...

  • E21
    音頻 (I)

    同一段說話,點解某啲人講得特別可信?「雞仔聲」又會特別吸引? 原來喺聲音頻率上都有所根據。大至天災逃生,小至Shopping購物,生活之中每個聲音頻率都可以影響你決定。即使對音樂品味各有喜好,但本能上對聲音嘅反應都會大同小異。

  • E22
    音頻 (II)

    一個銅碗,可以點樣治癒人心?成日都講「頌缽」歷史悠長,但原來最早嘅記錄只係70年代?今集曾文通老師同大家由「頌缽」起源、構造講起,分析內藏嘅古印度醫學智慧。聽完想即刻試「聲頻治癒」又無工具?

  • E23
    吸引力法則 (I)

    要心想事成,原來要靠「量子力學」?今集邀請到身心靈導師周華山博士,同大家拆解「吸引力法則」, 而當中嘅關鍵就係「個人情緒」: 原來一個人嘅負面情緒係可以吸引到唔少嘅黑仔嘢 ; 甚至令到你成為情場多次損手嘅「賤人磁石」...

  • E24
    吸引力法則 (II)

    「傷心到死」原來有科學根據!心理狀態會影響身體狀況? 日日家嘈屋閉,小朋友都特別容易病?都市人常見小病痛,例如: 便秘同肚屙,可能都同內在情緒有關、俾人屈得多又會胃痛、鼻敏感就係想「自我隔離」…

  • E25
    吸引力法則 (III)

    成日都話做要「正能量」,原來一個人嘅「能量」高低真係有數得計。全世界有8成人口都俾負能量困擾,影響自己身心狀態,到底有咩方法可以幫自己叉足正能量?

  • E26
    印度星相

    網上好多有關印度占星術嘅新聞,到底佢哋點樣預測世界大事?同西洋占星術有咩唔同?同一個出日日期,利用印度占星術計出嚟嘅命盤,又有咩嘢特別之處?

  • E27
    SRT (I)

    人生流流長,總係塞住幾個「樽頸位」,有冇諗過係同你嘅靈魂設定有關?80年代開始風行美國嘅靈性反應療法 (SRT:Spiritual Response Therapy),聲稱利用念動反應,就可以由靈魂層次去解決人生課題。

  • E28
    SRT (II)

    因前世受迫害,今世會造成咩嘢人生障礙?靈性反應療法 (SRT) 導師Emily,利用圖表同靈擺,睇睇四位主持之間嘅前世故事:麻利同Yoshi 原來係靈魂伴侶、Shirley前世受過宗教迫害…

  • E29
    水晶與科技

    水晶嘅能量,係唔少科學家嘅靈感泉源。早喺19世紀,就有科學家研究水晶嘅能量原理,發展出日常可見嘅石英錶、打火機。今時今日,科學家仍然對兩者嘅研究努力不懈,甚至可以用離子科技製造出聚集能量嘅人造水晶。

  • E30
    水晶與埃及

    水晶入面嘅訊息,早喺五千幾年前已經俾埃及人成功解讀?埃及文物常見嘅青金石、荷魯斯之眼,同大腦中嘅松果體描述竟然有驚人巧合! 就連最出名嘅金字塔,經過現代科技探索,發現原來極有可能係能量集散點!

  • E31
    水晶與古文明──亞特蘭提斯、拉姆尼亞

    好多研究水晶能量嘅人,都聲稱透過水晶見到傳說中嘅神秘古國 - 亞特蘭提斯同拉姆尼亞。而綜合世界各地嘅描述,亦都可以大致拼湊出佢哋位置、歷史、科技面貌… 當中更加發現亞特蘭提斯對水晶同科技嘅應用,竟然可能係導致佢哋沒落嘅原因?

  • E32
    筆跡分析 (I)

    寫字潦草代表聰明?「字大」就係霸道?睇戲成日聽到嘅筆跡分析其實又係點?筆跡分析有咩科學根據?今集邀請到執業筆迹專家Maria Lam由一幅「星星海浪畫」開始,透視各位主持內心世界;再研究世界級名人簽名,分析佢哋嘅成功之道。

  • E33
    筆跡分析 (II)

    一張字條就可以分析對方係咪麻煩人?我哋搵到幾位新聞人物嘅手稿,由字跡分析佢哋潛藏性格;亦會透過分析四位主持嘅手稿,睇下佢哋嘅天賦才能:邊一個係「真.文青」、「收藏家」、「音樂人」?

  • E34
    人類起源 (I)

    我哋見慣見熟嘅「進化圖」,原來唔係完全正確!而我哋近親黑猩猩,雖然基因上同人類只係有一點幾嘅分別,但兩者已經差天共地。到底人類喺遠古時嘅祖先,點樣喺咁多靈長類中憑住兩隻腳成功跑出,成為獨樹一格、擁有高度智慧嘅人類?

  • E35
    人類起源 (II) + 喪屍

    人類雖然已經用咗幾百萬年時間,由直立人變成15個人種,當中又由智人進化到今日世界上唔同膚色嘅現代人…但原來我哋嘅進化到今時今日都仲未完,到底我哋最終嘅進化會係點?

  • E36
    基因匙 (Gene Keys)

    人生總係會俾一啲煩惱重覆騷擾?喺身心靈角度,可能係有「功課」未做好!今集Stephen帶咗一套由易經64卦原理啟發嘅「人生使命地圖」,同各位主持檢測佢哋天賦才能、最終使命以及喺不同人生階段會遇到嘅問題…

  • E37
    瑪雅曆

    瑪雅曆法聽落好似好神秘,但係又愈來愈多人開始談論。四千幾年前嘅瑪雅人,係點樣計出一套咁複雜、而且又同中國曆法相似嘅瑪雅曆法?會唔會一早有外星人教路?

  • E38
    奧運

    雖然「靠運」聽落好唔科學,但係古今中外嘅著名運動員,總有自己嘅「幸運秘方」:小至帶住公仔去比賽、大至改變波衫顏色轉運、甚至發動「主場之力」…呢啲秘方「純屬迷信」,定係都有數據支持?除咗靠運,唔同人種嘅身體構造,又點樣幫到運動員成功奪金?