今餐有料到
放工仍要準備晚餐實在累人。即使是家庭主婦,日復日的準備晚餐也會有江郎才盡的一天。為此,節目會預備一連串簡易食譜,讓再忙碌的你都能成為「Home Foodie」,提升吃飯儀式感,從此忙碌不等於需要「劣食」。 更多
下架日期
2023年01月30日
聲道
粵語
字幕
中文
片長
30 分鐘
集數
125
節目級別
I
  • E294
    今餐我Chef你 - 炸蝦肉蘇打餅 / 匈牙利燉牛肉配意粉

    Andy同男主持夾咗咁多集,今集終於可以同女主持夾喇!仲要喜事成雙!就連女神Ash都上埋嚟做嘉賓!今次Andy仲唔開心到飛起?既然心情咁靚,Andy決定為女神度身訂造兩道神級菜式:「炸蝦肉蘇打餅」同「匈牙利燉牛肉配意粉」,喜上加喜!

  • E295
    食極都唔厭 - 咕嚕肉 / 陳皮叉燒

    一聽到浩南話想食「咕嚕肉」,雷師傅即刻二話不說,決定煮俾浩南食!仲要用更好味更有層次嘅豬頸肉嚟煮,浩南真係好幸福呀!再加多道「陳皮叉燒」,今次真係除咗偏心都唔知點解釋喇~

  • E296
    一餸一湯 - 大地魚肉節瓜湯 / 鬼馬蝦兵蟹將

    呢排天氣咁熱,又到咗節瓜出動嘅時候喇!再配埋可以祛風濕、活血通絡嘅大地魚,煲番個「大地魚肉節瓜湯」,咁就唔怕又濕又熱嘅天氣啦!既然有魚湯,又點少得蝦同蟹呢?加埋呢道「鬼馬蝦兵蟹將 」,咁就啱啱好喇!

  • E297
    食得低,食得抵 - 蒜泥雞脾菇伴黑豚肉 / 紫薯水晶西米盞

    又想食得健康,又想有飽腹感?唔洗食咁多肉嘅,食雞髀菇就得喇!有請Mabel教大家整番道「蒜泥雞脾菇伴黑豚肉」,無論係邊個,個胃都滿足到啦!仲未夠?咁就整多個「紫薯水晶西米盞」,咩都滿足晒啦!

  • E298
    還原靚靚廚 - 椰汁雞湯 / 芒果糯米飯

    到咗暑假嘅時間,一諗起就開心喇!再加埋有Andy上嚟教煮嘢食,真係「泰」興奮喇!既然大家都咁高興,不如就叫Andy整番兩道泰國菜:「椰汁雞湯」同「芒果糯米飯」,今集實在「泰」享受!

  • E299
    今餐我Chef你 - 藜麥蝦Salsa / 叮叮紅絲絨迷你蛋糕

    香港人出晒名熱愛去旅行,當然Carlina同米露迪都唔例外啦!不過個世界咁大,咁多地方值得我地去,究竟去邊個地方好呢?唔使擔心!今集有旅遊達人Chris,同大家分享佢最近喺疫情下嘅加勒比海之旅!

  • E300
    食極都唔厭 - 椒鹽鮑魚 / 白灼鮑魚

    難得浩南著到咁大方得體上節目,又點可以唔煮番啲高貴嘅菜式嚟襯番佢呢?雷師傅有見及此,即刻攞幾隻靚鮑魚出嚟,整兩道簡單又矜貴嘅上等菜:「椒鹽鮑魚」同「白灼鮑魚」,襯晒我地嘅「鮑魚公主」浩南啦!

  • E301
    一餸一湯 - 牛蒡青紅蘿蔔煲青欖 / 和風滑蛋炸豬扒

    近年疫情成為咗我地都好擔心嘅事情,所以補養身體真係好緊要!要保護上呼吸道,一於交俾Natalie教大家煲一道護肺又清肺嘅「牛蒡青紅蘿蔔煲青欖」啦!淨係得個補字又怕太寡?整多個「和風滑蛋炸豬扒」中和番就啱啱好喇!

  • E302
    食得低,食得抵 - 沖繩風苦瓜豬肉炒蛋 / 抹茶亞麻籽麻糬菓子

    夏天食苦瓜已經係古時流傳落嚟嘅習慣,但未必個個都鍾意苦瓜獨特嘅味道㗎!唔知Dixon又頂唔頂得順呢?就等Mabel整番道「沖繩風苦瓜豬肉炒蛋」俾佢試吓啦!太苦搞唔掂?一於整多道「抹茶亞麻籽麻糬菓子」,先苦後甜都唔錯呀!

  • E303
    還原靚靚廚 - 豬柳強 / 芋頭薯餅

    快餐店嘅美食相信大家成日都會念念不忘,但係又唔想為咗食個包而特登出街⋯⋯其實Andy都身同感受!所以佢今集帶咗「豬柳強」上嚟,俾大家喺屋企都煮到快餐店嘅味道!加埋個「芋頭薯餅」,就更加Perfect啦!

  • E304
    今餐我Chef你 - 鱈魚柳配羊肚菌汁 / 赤蝦蔥油拌麵

    自己嘅人生自己決定!無論係未來十年定廿年,自己都係自己嘅主角!最有資格講呢啲嘅,莫過於洪嘉豪 Kaho 喇!Carlina 見佢百忙之中抽空上嚟咁有心,決定整番兩道 Kaho 嘅摯愛:「鱈魚柳配羊肚菌汁」同「赤蝦蔥油拌麵」,好好慰勞吓佢!

  • E305
    食極都唔厭 - 家燒蟹粉豆腐 / 薑蔥蟹粉撈粗

    聽講浩南除咗鍾意食蟹之外,仲同大閘蟹呢個名好有緣份!既然係咁,雷師傅決定教佢自己親手炒蟹粉,然後再用蟹粉煮兩道中式名菜:「家燒蟹粉豆腐」同「薑蔥蟹粉撈粗」,等浩南同蟹蟹再續前緣!

  • E306
    一餸一湯 - 茶樹菇黑靈芝煲黑豆 / 黃金蟹肉玉子豆腐

    正所謂「只要養好肝,一年都健康」,我哋個肝對身體嘅健康非常重要!所以Natalie專程嚟教我地煲番個「茶樹菇黑靈芝煲黑豆」,俾我地飲吓湯護吓肝!飲完湯想搵啲好嘢填一填個肚?加埋呢道「黃金蟹肉玉子豆腐」就啱啱好!

  • E307
    食得低,食得抵 - 金不換香辣魚肚 / 怪味涼拌海參花

    眾所週知 Melody 最鍾意重口味嘅嘢食,嚟到主打健康嘅主題,唔知 Mabel 搞唔搞得掂呢?呢方面絕對唔需要擔心!Mabel 話健康得嚟都可以重口味,就連泰國菜都完全冇問題!

  • E308
    還原靚靚廚 - 薯仔大蔥濃湯 / 飄浮之島

    唔好見浩南好似好惡咁,其實佢話晒都係口罩小姐,都係一個仙氣女神!有靚女主持助陣,Andy 都唔可以失禮!即刻整番個大方得體嘅「薯仔大蔥濃湯」,再加多個賣相爆燈,色香味俱全嘅「飄浮之島」,今次咩都靚晒啦!

  • E309
    今餐我Chef你 - 蜜椒薯仔牛柳粒 / 野莓甜酸雞球

    凡事都唔可以單睇外表,就好似嬌小可愛嘅寶欣,竟然特別鍾情於大排檔嘅麻甩小炒!對於呢位有著硬漢內心嘅少女,Mabel 決定煮兩道豪邁之餘又不失優雅嘅菜式—「蜜椒薯仔牛柳粒」同「野莓甜酸雞球」,唔知啱唔啱寶欣心水呢?

  • E310
    食極都唔厭 - 煎釀四季豆 / ViuTV 小炒王

    用食物嚟形容自己嘅人真係好少見,連套衫都著到食物咁就更加稀有!不如問吓自稱四季豆化身嘅 Win Win 點解要咁做啦!不過雷師傅似乎都理解佢嘅諗法,決定用兩道惹味小菜:「煎釀四季豆」同「ViuTV 小炒王」,配合吓佢!

  • E311
    一餸一湯 - 南瓜甘筍忌廉湯 / 金湯竹笙釀美國蘆筍

    身為湯水達人,又點會淨係識得煲中湯咁單調呢?為咗俾多啲選擇各家庭嘅湯水專員,Natalie 決定教大家整番個濃厚嘅西湯:「南瓜甘筍忌廉湯」!再配埋個鮮味十足嘅「金湯竹笙釀美國蘆筍」,今餐有冇得諗先!

  • E312
    食得低,食得抵 - 香辣蓮藕餅 / 蓮花蓮子燉雪梨

    自古以來,蓮花都係一種好有詩意,充滿意境嘅植物,亦都係一種「全身滿是寶」嘅食材。今集Mabel難得帶到呢種極品食材上嚟,就緊係要好好利用啦!先有「香辣蓮藕餅」,再有「蓮花蓮子燉雪梨」,今次真係物盡其用呀!

  • E313
    還原靚靚廚 - 越式煎餅 / 越南法包

    正所謂越難就越要愛,咁有啲咩嘢係越食就越好食?答案好簡單!就係越南菜喇!為咗分享食嘢嘅喜悅,Andy決定帶兩道越南傳統美食上嚟:「越式煎餅」同「越南法包」,務求令大家越食越過癮!

  • E314
    今餐我Chef你 - 菊花魚 / 西湖醋魚

    今集好高興有爸爸⋯⋯唔係,係爺爺⋯⋯都唔係!係岑珈其!今集好高興有珈其上嚟一齊煮一齊食!雷師傅知道珈其想學整甜酸魚俾老婆食,所以攞咗兩道又靚又好味嘅菜式出嚟:「菊花魚」、「西湖醋魚」,今次珈其學滿師,一定氹到老婆同囝囝好開心!

  • E315
    食極都唔厭 - 絕味撈蠔 / 荔枝生蠔炆雞

    雷師傅今集心情大好!所以決定獎勵吓Melody,一於豪啲食蠔!先有一道食完會令人眼睛發光嘅「絕味撈蠔」!再整多道食完會令人火力十足嘅「荔枝生蠔炆雞」!今次唔止食得豪,仲食得好補!

  • E316
    一餸一湯 - 冬瓜封 / 香辣雞球

    夏天仲未完,仍然都係食冬瓜嘅好季節!今集Natalie帶俾大家一道色香味俱全嘅客家名菜:「冬瓜封」,同大家繼續消暑!食得太多冬瓜又好似涼過頭?唔怕!加埋呢道惹味嘅「香辣雞球」,咁就啱啱好喇!

  • E317
    食得低,食得抵 - 素牧羊人批 / 焦糖椰棗班蘭蛋糕

    邊個話食齋就一定好 Dry?其實食齋都可以好 High 好愉快!就等 Mabel 教我哋整番個狂野嘅「素牧羊人批」,證明俾大家睇!食完個批,都好似唔係好夠威?咁就要整多個「焦糖椰棗班蘭蛋糕」,你哋話好唔好?

  • E318
    還原靚靚廚 - 韓式厚蛋三文治 / 甜餅芝士蛋糕

    成日都聽人講:做人最緊要有儀式感!就連簡簡單單食個三文治都唔可以 hea!放心,有Andy 喺到,就算係三文治,甚至乎係餅乾都可以改裝成高檔菜!唔信?睇吓「韓式厚蛋三文治」同「甜餅芝士蛋糕」就知啦!

  • E319
    今餐我Chef你 - 芯駖雞湯 / 北歐醃漬三文魚

    到底係邊個會令口罩小姐都咁期待?冇錯喇!就係女人之中嘅天花板!每個女人都追求嘅目標 - 芯駖@COLLAR!為咗滿足芯駖嘅心靈,Andy 特別準備咗個「芯駖雞湯」俾佢!再加埋華麗嘅「北歐醃漬三文魚」,芯駖同心靈都滿足晒喇!

  • E320
    食極都唔厭 - 橙香燻魚 / 醬烤倉魚

    作為一個食魚嘅新手,到底應該選擇由咩魚入手呢?雷師傅唔洗諗就答到!答案就係又少骨,又唔洗去鱗,又肉質鮮嫩嘅黃立倉喇!不過識揀魚都要識煮魚!就等佢用「橙香燻魚」同「紫蘇家常燉魚」嚟示範一下啦!

  • E321
    一餸一湯 - Nat Nat 小炒王 / 豬橫脷紅蘿蔔煲粟米

    唔知大家平時去大排檔食飯,最常會點邊道餸嚟送飯食呢?相信十有八九都會點番道小炒王!而 Natalie 就知大家心意,教一道大家喺屋企都可以炒到嘅「Nat Nat 小炒王」!再加多個滋潤嘅「豬橫脷紅蘿蔔煲粟米」,一齊食餐好嘅!

  • E322
    食得低,食得抵 - 杏仁寶雲酥比目魚 / 牛油果紫蘇大蜆貝殼粉

    比目魚作為愛情嘅象徵,可以話係浪慢嘅化身!既然要用佢嚟煮嘢食,又點可以馬虎呢?就等 Mabel 將佢幻化成為華麗嘅「杏仁寶雲酥比目魚」啦!仲未夠喉,想要啲飽腹感?加多個「牛油果紫蘇大蜆貝殼粉」,今次真係又華又實喇!

  • E323
    還原靚靚廚 - 鮮肉鹹湯圓 / 台式炸醬麵

    台灣菜好多香港人都鍾意食﹐台式飲品、小食、火鍋經常都大排長龍!不過其實正宗嘅台灣嘢,相信大家試就可能試過,但煮就唔係個個識!就睇吓 Andy 帶上嚟嘅「鮮肉鹹湯圓」同「台式炸醬麵」,大家快啲學吓嘢啦!

  • E324
    一餸一湯 - 石斛甘筍煲猴頭菇 / 泡菜辣椒仔檸蜜牛仔骨

    夏日炎炎,每日都俾個太陽咁曬法,啲脾胃唔虛就奇啦!有咩辦法?Natalie 有辦法!即刻煲番個「石斛甘筍煲猴頭菇」,可以益胃生津,又可以清熱解毒!再加多一道「泡菜辣椒仔檸蜜牛仔骨」,簡直係夏天嘅恩物呀!

  • E325
    食極都唔厭 - 冰脆涼瓜 / 釀錦荔枝

    咦?雷師傅做咩無啦啦帶咗個鎚仔上嚟廚房嘅?睇真啲,原來係涼瓜嚟嘅!唔緊要!雷師傅為咗解決大家嘅誤會,決定用佢嚟整番兩道神級菜式:「冰脆涼瓜」、「釀錦荔枝」,食完即刻身心舒暢啦~

  • E326
    今餐我Chef你 - 順德撈魚生 / 醋烹蝦仁

    到咗嘉賓嘅集數,就緊係要請個勁人上嚟啦!講開勁人,不如就請敬仁上嚟一齊煮一齊玩啦!雷師傅知道張敬仁 Kendy 鍾意食魚,特登準備咗個「順德撈魚生」俾佢,食得又撈得!再加多個中式名菜「醋烹蝦仁」,一個字,勁呀!

  • E327
    還原靚靚廚 - 唐揚雞翼棒棒糖 / 羽根爆茜日式餃子

    講到去日本旅行,相信大家一定會去最具代表性之一嘅居酒屋!而佢哋嘅小食更加可以話係食過一定番尋味!今次Andy真係好有浩南心,難得地教佢整兩道日式居酒屋美食:「唐揚雞翼棒棒糖」同「羽根爆茜日式餃子」,大家記得抄低重點喇!

  • E328
    食得低,食得抵 - 紅火龍果田園蒟蒻米飯 / 桂香紅棗心太軟

    大家想keep fit減肥嘅話,係唔係都會由拒絕食飯開始呢?雖然減低澱粉質嘅吸收係有功效,但完全唔食嘅話會有反效果㗎!一於試吓Mabel嘅「紅火龍果田園蒟蒻米飯」,食得飽又健康!食開飯又口痕想食埋個甜品?「桂香紅棗心太軟」幫到你!

  • E329
    今餐我Chef你 - 金蒜豉汁盤龍鱔 / 高力豆沙香蕉

    空氣做咩突然間安靜咗咁多嘅?原來係Dixon想學嘉賓阿Gi咁,展示一下有型嘅一面!不過學還學,都係專心Serve嘉賓啦!原來阿Gi除咗鍾意食鱔,煮「金蒜豉汁盤龍鱔」都有一手!就連「高力豆沙香蕉」都可以輕鬆處理!完全係做主持嘅材料呀!

  • E330
    食極都唔厭 - 尖椒拌皮蛋 / 芫茜皮蛋豆腐肉羹

    作為一個友善嘅朋友,Win Win絕對唔會拒絕朋友嘅請求!仲要難得有外國嘅朋友想學整中菜,雷師傅都忍唔住開心埋一份!一聽到嗰位朋友想學整皮蛋,雷師傅即刻準備兩道名菜:「尖椒拌皮蛋」、「芫茜皮蛋豆腐肉羹」,滿足佢地嘅心願!

  • E331
    一餸一湯 - 回鍋肉 / 羅漢果黃耳素湯

    身為湯水達人嘅Natalie,又點會忍心睇住Mishy食罐頭咁唔健康呢?想食「回鍋肉」啫~一於交俾Natalie親手炮製啦!食完成碟肉想飲番碗清清地嘅湯水中和一下?呢款零脂肪嘅「羅漢果黃耳素湯」一定啱晒你!

  • E332
    還原靚靚廚 - 巴東牛肉 / 珍多冰

    東南亞嘅美食種類非常豐富!無論喺餐廳嘅名菜,定係屋企嘅撈麵,都會見到佢地嘅蹤影!但係有 Andy 喺度,又點會教大家煮撈麵呢?起碼都要有印尼美食「巴東牛肉」咁有睇頭啦!再加多個「珍多冰」,有風味又夠滋味呀!

  • E333
    食得低,食得抵 - 香煎鴨胸配神石榴汁 / 翡翠鮮蝦翠玉瓜麵

    年齡對於任何女士嚟講,都係一把殺豬刀,在容顏上刻下道道皺紋,令人唏噓。就算係大美人 Melody 都難逃呢個宿命!有見及此,Mabel 決定出動 Super Food 去幫幫手!

  • E334
    今餐我Chef你 - 露絲瑪莉皇冠羊架 / 拖肥香蕉撻

    今集咁難得請到同 Dixon 一樣,都係咁優雅咁有氣質嘅嘉賓-鄧家禮上嚟,又點可以馬虎呢?起碼要整番個「露絲瑪莉皇冠羊架」先襯得起佢啦~再加多個高貴嘅「拖肥香蕉撻」,即刻又提升多幾個層次呀!

  • E335
    食極都唔厭 - 紅糖豆沙糍粑 / 香蕉豆沙鍋餅

    平時跳跳紮嘅 Win Win 做咩突然咁冇神氣既?原來係掛住紅糖糍粑!放心啦,有雷師傅喺度,要滿足呢啲心願簡直係易過借火!一於整道更好味嘅「紅糖豆沙糍粑」俾佢,加埋個甜入心嘅「香蕉豆沙鍋餅」,真係雙重滿足呀!

  • E336
    一餸一湯 - 燈籠茄子 / 節瓜雙豆螺片湯

    Mishy 屋企冇嘢多,就係茄子多!點解會有咁多?答案並唔重要,最重要係有咩煮意!既然平時成日食茄子,Natalie 決定加多啲心思,整一道靚靚嘅「燈籠茄子」!再煲埋個滋補嘅「節瓜雙豆螺片湯」,呢一餐真係非常寫意!

  • E337
    食得低,食得抵 - 三蔥蚵仔燒豆腐 / 魷魚蝦醬韭菜釀飯

    呢個百厭星 Dixon,竟然連放咗幾日嘅生蠔都夠膽食?真係好傷胃呀!但係 Mabel 又點會俾呢啲情況繼續發生呢?見 Dixon 想食蠔,就整番個「三蔥蚵仔燒豆腐」俾佢!仲有條魷魚喺雪櫃?攞埋嚟整個「魷魚蝦醬韭菜釀飯」啦,唔好浪費~

  • E338
    還原靚靚廚 - 巴斯克佐酒小食 / 西班牙焦糖布甸

    西班牙除咗有好多鬥牛之外,其實仲有好多靚酒!有靚酒就緊係要配番啲美食啦!由Andy 親手炮製嘅「巴斯克佐酒小食」就最啱風味喇!飲飽食飽都嚟多個甜品?冇問題!仲有個「西班牙焦糖布甸」等緊你!

  • E339
    今餐我Chef你 - 味菜豉椒爆肥腸 / 黯然豬油臘腸撈飯

    當平時餐餐都以健康少油做準則嘅 Mabel,遇上食得夠晒 heavy 嘅肥腸,到底會令佢做出點樣嘅突破呢?答案就係以嘉賓為本,多油為上!用兩道邪惡美食:「味菜豉椒爆肥腸」同「黯然豬油臘腸撈飯」,滿足大家嘅慾望!

  • E340
    一餸一湯 - XO 醬香煎腸粉蝦 / 竹蔗馬蹄煲北沙參

    就算晨早流流去排隊,都未必買到新鮮即製嘅手拉腸粉?唔緊要!Natalie 教大家煮番個「XO 醬香煎腸粉蝦」,填補一下心靈嘅空虛!食完 XO 醬有點燥熱?不如煲番個清潤不寒涼,清肺熱啱飲嘅「竹蔗馬蹄煲北沙參」,身心舒暢啊!

  • E341
    食極都唔厭 - 東北羊肉串 / 小炒羊肉

    餐餐都要諗食咩,相信係絕大部份都市人嘅煩惱!既然諗唔到食咩,不如就食「咩」啦!要食「咩」,就緊係要食最有風味嘅「咩」啦!雷師傅用私家炭爐嚟整嘅「東北羊肉串」,同埋鑊氣十足嘅「小炒羊肉」!絕對夠晒「咩」呀!

  • E342
    食得低,食得抵 - 菠菜大阪燒 / 味噌鴛鴦蘿蔔燴豬肉

    事隔多日,Mabel同Pony終於都可以再次母女相逢!過左咁耐,Pony好似發福咗唔少喎!一定係冇好好控制飲食啦!一於交俾好女兒Mabel,整番兩道日式健康菜:「菠菜大阪燒」同「味噌鴛鴦蘿蔔燴豬肉」,幫一幫好媽媽啦!

  • E343
    還原靚靚廚 - 俄勒岡黑莓批 / 周打蜆湯

    當來自加拿大嘅Andy遇上來自美國嘅Mishy,究竟會出現咩火花呢?答案好簡單!就係會出現佢兩個都喜愛嘅北美特色食物!無論係甜品「俄勒岡黑莓批」,定係最出名嘅「周打蜆湯」,都係佢地成長中嘅重要歷史!

  • E344
    今餐我Chef你 - 酥皮海鮮湯 / 西班牙香辣蒜片大蝦

    咦?好似有啲神奇嘅氣飄緊出嚟⋯⋯喔!原來係女神Yoyo散發出嚟嘅仙氣!既然今集仙氣十足,咁就要煮番啲海鮮先襯得起喇!就等Mabel為Yoyo準備兩道名菜:「酥皮海鮮湯」同「西班牙香辣蒜片大蝦」,一於仙上加鮮!

  • E345
    食極都唔厭 - 鵝肝小籠包 / 鵝肝鮮蝦小盒子

    Pony作為一個青出於藍嘅主持,當然要食番啲同樣都係青出於藍既食材啦!正所謂「鵝肝仲貴過隻鵝」,小鵝子嘅肝就啱晒Pony啦!就等雷師傅炮製出兩道用心用力嘅菜式—「鵝肝小籠包」同「鵝肝鮮蝦小盒子」。

  • E346
    一餸一湯 - 百花釀冬菇 / 黨參栗子蟲草花

    身為半個宅男嘅Dixon,會悶到生菇可以話係合情合理嘅事!但係生生埋埋有咁多菇,到底點樣處置佢地好呢?唔使擔心!一於交俾Natalie煮個「百花釀冬菇」啦!食太多菇食到攰?咁就要飲番啖「黨參栗子蟲草花」,補一補喇~

  • E347
    熱情果涼拌青木瓜燒雞 / 原個木瓜雪燕杏仁奶凍

    身為一個熱情奔放嘅主持,Pony當然會好好招呼Mabel啦~為咗回應Pony呢一份熱情,Mabel決定整番道「熱情果涼拌青木瓜燒雞」俾佢!但係加埋個熱情果,又好似熱得滯喇喎,唔怕!仲有道「原個木瓜雪燕杏仁奶凍」中和一下!

  • E348
    還原靚靚廚 - 西班牙白凍湯 / 西班牙炸鮮奶

    最近天氣忽冷忽熱咁,心情真係有點不爽!唔食番啲正嘢又點對得起自己呢?有見及此,Andy為大家準備咗個「西班牙白凍湯」,等大家身心舒暢一下~仲未夠滿足?唔緊要!加埋呢個「西班牙炸鮮奶」包你開心晒!

  • E349
    今餐我Chef你 - 特濃番茄湯烏冬 / 番茄牛油檸檬龍蝦

    邊個話得米線舖先有三小辣?我地都有一個!佢就係美女三小辣 Giann!話時話,究竟Giann平時係食啲咩先可以咁辣呢?答案原來係番茄!既然係咁,雷師傅就整番個「特濃番茄湯烏冬」同「番茄牛油檸檬龍蝦」,一於齊齊變辣!

  • E350
    一餸一湯 - 台式甘栗三杯雞 / 花旗參椰子煲烏雞

    呢排去旅行嘅人數持續上升,我哋嘅Dixon都開始掛住台灣嘅味道喇!冇問題~有Natalie為佢準備「台式甘栗三杯雞」,俾佢止住個癮先!不過呢排天氣凍,除咗頂癮都仲要補一補,呢個清潤滋補又醒神嘅「花旗參椰子煲烏雞」就啱晒喇!

  • E351
    食得低,食得抵 - 洋蔥蘋果豬柳卷 / 玫瑰蘋果金寶蛋糕

    洋蔥同蘋果呢兩款食物,相信大家都好熟悉。但係如果要將佢地合體,大家又有咩諗法呢?就等Mabel用一道「洋蔥蘋果豬柳卷」,解答呢個問題啦!煮完仲有個蘋果多咗出嚟?一於攞埋去整多個「玫瑰蘋果金寶蛋糕」啦!

  • E352
    還原靚靚廚 - 愛爾蘭黑啤燉牛肉 / 愛爾蘭忌廉甜酒奶凍

    飲酒對於我地嚟講,並唔係一個好習慣!但對於遠在歐洲嘅愛爾蘭人嚟講,可以話係生活中嘅必需品,每一餐都無酒不歡!好難想像得到?一於交俾Andy用兩道愛爾蘭名菜:「愛爾蘭黑啤燉牛肉」、「愛爾蘭忌廉甜酒奶凍」,俾大家感受一下啦!

  • E353
    今餐我Chef你 - 炸魚薯條 / 香蕉拖肥批

    為咗慰勞一下咁辛苦煮嘢食嘅Andy,Mishy帶咗個美少男Thomas上嚟,一齊幫手煮嘢食!旺一旺個場!既然Thomas係半個英國人,又點少得呢道「炸魚薯條」呢?再還原埋呢個「香蕉拖肥批」,完全係靚仔配靚餸呀!

  • E354
    食得低,食得抵 - 三杯秋栗烤魚 / 桂花栗蓉西米布甸

    天氣一開始轉涼,就開始懷念秋栗嘅香味喇!就連Mabel都係身同感受,決定整番道「三杯秋栗烤魚」嚟應吓節!得一個餸又點會夠呢?再加埋呢個「桂花栗蓉西米布甸」,充分地體驗呢個秋栗嘅季節啦!

  • E355
    一餸一湯 - 惹味肉碎豉蒜炒粉絲 / 蘋果南棗煲猴頭菇

    仲煩惱緊晚餐煮咩餸飯好?唔使諗得咁辛苦喇!有Natalie教大家整番個「惹味肉碎豉蒜炒粉絲」,大人細路都啱食!話說回來,其實又有冇大人細路都啱嘅湯水呢?當然有啦!就係呢個「蘋果南棗煲猴頭菇」,男女老幼都啱飲!

  • E356
    今餐我Chef你 - 紅酒牛尾 / 紫花果黑桑椹玫瑰茶

    講開睇波,又點少得今集嘅嘉賓葉巧琳 Mischa 呢!話晒佢身為一個唔踢波嘅女仔,都可以講得出咩叫越位!真係難得中嘅難得呀!一於整番道「紅酒牛尾」獎勵下佢!再加埋個養聲補品「紫花果黑桑椹玫瑰茶」,到時睇波點嗌都得啦!

  • E357
    食極都唔厭 - 煙燻蛋 / 油炸醉蛋

    正所謂「入波未必贏,失波未必輸」,想穩穩陣陣咁贏波,唯一嘅方法就係請對方「食蛋」!以前有「以形補形」,而家有「以蛋補蛋」!就等雷師傅教大家整番兩道蛋之菜式:「煙燻蛋」同「油炸醉蛋」,教大家點樣請人「食蛋」!

  • E358
    今餐我Chef你 - 豉椒牛扒 / 蜜汁脆皮棉花魚

    足球呢一樣野,睇落好似好輕鬆,但實際上想踢得好,其實要花十年功!就好似今集嘅嘉賓阿神咁,又靚仔又多才多藝,仲要開埋餐廳,背後都經歷咗相當嘅努力同付出㗎!見佢咁叻仔,就用「豉椒牛扒」同「蜜汁脆皮棉花魚」獎勵吓佢啦!

  • E359
    一餸一湯 - 黑椒薯仔牛柳粒 / 椰子雪蓮果素湯

    唔怕神一般嘅對手,只怕豬一樣嘅隊友!踢波最怕就係隊友成個薯仔咁,有破壞無建設!Natalie 見 Dixon 好似有點身同感受,決定煮番個「黑椒薯仔牛柳粒」俾佢發洩吓!仲係好燥?飲埋呢個「椰子雪蓮果素湯」,即刻滋潤番晒啦~

  • E360
    食極都唔厭 - 響油鱔糊 / 蒜子炆黃鱔

    相信大家都聽過好多所謂嘅偏方,不過現今科學昌明,好多偏方都被證實係冇用,甚至對人體有害!更何況係用生嘅食物嚟醫病嘅偏方?雷師傅見 Pony 準備咗咁多黃鱔,一於用嚟煮「響油鱔糊」同「蒜子炆黃鱔」,千祈唔好攞嚟當偏方用呀!

  • E361
    懶人料理 - 中東番茄炒蛋 / 中東熱狗

    等咗咁耐!萬眾期待嘅世界盃終於都準備開幕喇!相信每個足球愛好者,都一定會全身投入呢個盛事!既然今屆世界盃喺卡塔爾舉行,就等Carlina整兩道中東小食:「中東番茄炒蛋」同「中東熱狗」,俾大家感受一下主辦國既激情啦!

  • E362
    食得低,食得抵 - 墨西哥甜椒釀素肉 / 牛油果香辣烤雞卷

    大部分球迷每次睇波嘅時候,都離不開薯片同汽水!不過世界盃咁多場波,如果場場都咁食法,一定熱氣到爆啦!不如跟Mabel學整呢兩道健康小食:「墨西哥甜椒釀素肉」、「牛油果香辣烤雞卷」,一齊「有營」地睇波啦!

  • E363
    今餐我Chef你 - 清湯牛三寶 / 坦都里烤雞

    究竟要靠啲咩,先可以令一場足球賽事嘅氣氛提升到極致?華麗嘅插花?定係完美嘅世界波?兩樣都錯!答案係足球評述員!今集嘅嘉賓方柏翹更加係當中嘅佼佼者!平時佢就serve得球迷多喇,今次就用「清湯牛三寶」同「坦都里烤雞」serve番佢啦!

  • E364
    還原靚靚廚 - 法式紅酒燉雞 / 橙酒火焰班戟

    一踏入世界盃嘅倒數時間,好多人都會開始猜測今屆嘅冠軍會係邊隊!不過波係圓嘅,未到最後一刻都唔會知道邊一隊可以笑到最後!咁不如食住上屆冠軍法國既菜式:「法式紅酒燉雞」、「橙酒火焰班戟」,一齊期待今屆冠軍嘅誕生!

  • E365
    一餸一湯 - 紅咖喱雞翼 / 桑葉菜乾湯

    嚟緊世界盃有咁多場大戰可以免費睇,真係諗起都即刻流曬口水呀!仲要有埋呢道「紅咖喱雞翼」助陣,真係口水流成河呀!不過除咗口水之外,對眼每分每秒都會用到盡!咁就要靠「桑葉菜乾湯」幫幫手,等我地可以安心睇波!

  • E366
    還原靚靚廚 - 萬能阿根廷青醬 / 巴塔哥尼亞蛋糕

    今屆世界杯每一隊都好有睇頭,尤其係球皇美斯所在嘅阿根廷!有傳今屆將會係佢最後一屆參加嘅世界盃,希望佢可以帶住阿根廷勇奪冠軍啦!就等 Andy 整兩道阿根廷菜:「萬能阿根廷青醬」、「巴塔哥尼亞蛋糕」,全力支持阿根廷啦!

  • E367
    食得低,食得抵 - 丹麥魚餅 / 杏脯核桃蛋糕

    足球會被稱為男人嘅童話,係因為就算平時份人幾嚴肅、幾惡,一落到球場踢波,就會自然地露出天真爛漫嘅笑容,由一名硬漢變做一名樂天小孩!咁就不如等 Mabel 炮製番兩道「丹麥魚餅」同「杏脯核桃蛋糕」,俾阿 Gi 感受下童話嘅味道啦!

  • E368
    還原靚靚廚 - 水蜜桃烤布樂 / 大大塊豬扒包

    香港同美國嘅美食有咩分別?根據喺兩個地方都生活過嘅 Mishy 嘅意見,最大嘅分別就係食物嘅份量喇!香港地每餐飯都咁細份,又點滿足到 Mishy 嘅胃呢?

  • E369
    懶人料理 - 香煎帶子配辣辣魚仔醬 / 韓式魷魚蒟蒻沙律

    睇波嘅時候就嚟到喇!唔知大家準備好足夠嘅零食未呢?就算買唔夠都唔洗怕!可以整呢道快靚正嘅「香煎帶子配辣辣魚仔醬」,仲好食過薯片爆谷呀!食完個辣嘢想清一清味蕾?咁就要加多道「韓式魷魚蒟蒻沙律」喇!

  • E370
    食得低,食得抵 - 紫椰菜珍珠糯米丸子 / 沙嗲椰菜粉絲豬肉煲

    邊個話想食珍珠就一定要飲珍珠奶茶咁唔健康?有 Mabel 喺到,一定可以滿足 Melody 嘅願望!就睇吓呢道「紫椰菜珍珠糯米丸子」啱唔啱佢啦!咦?原來 Melody 係想要多啲粉絲喎!咁加埋呢個「沙嗲椰菜粉絲豬肉煲」,就夠曬滿足啦!

  • E371
    食得低,食得抵 - 伊朗羊肉飯 / 扁豆茄子燉牛肉

    相信有唔少球迷都會視C朗為偶像,甚至想踢波踢到好似佢咁 fit!但係對於阿 Gi 嚟講,做C朗實在太辛苦喇!都係做伊朗輕鬆啲!起碼有得食「伊朗羊肉飯」、「扁豆茄子燉牛肉」呢啲好餸!唔洗餐餐食雞胸咁 dry!

  • E372
    今餐我Chef你 - 葡萄佛卡夏麵包 / 朱古力莎樂美腸

    每一位上嚟嘅嘉賓都身懷絕技,而今集嘅 Ceci 就更加有「麵包專家」之稱!一於睇吓Andy 準備嘅「葡萄佛卡夏麵包」合唔合格啦!除咗麵包之外,朱古力都係 Ceci 嘅喜好之一!不如就整多道「朱古力莎樂美腸」開心吓啦!

  • E373
    懶人料理 - 蜂蜜烤葡萄配芝士 / 黑松露蝦多士

    要支持自己鍾意嘅球隊,最緊要就係身體力行!但係去唔到現場睇波點算好?不如好似Pony 咁,整番道「蜂蜜烤葡萄配芝士」,食住葡萄支持葡萄牙啦!得個葡萄唔夠喉?加多個懶人版「黑松露蝦多士」,食住睇波啱啱好!

  • E374
    還原靚靚廚 - 巴西芝士麵包波波 / 森巴雞肉可樂餅

    今屆世界盃高手如雲!不過講起最有冠軍相嘅球隊,又點少得現時排名世界第一,實力超群嘅巴西隊呢?為咗俾 Melody 體驗一下「森巴」嘅滋味,Andy 決定用兩款波:「巴西芝士麵包波波」同「森巴雞肉可樂餅」,嚟證明巴西係幾咁出色!

  • E375
    還原靚靚廚 - 意粉鷹嘴豆湯 / 意式海鮮湯

    Dixon咁耐冇見Andy,緊係點都要食番夠本啦!唔煮齊前菜、餐湯、主菜又點滿足到Dixon呢?唯有整番道「意粉鷹嘴豆湯」一次過滿足佢三個願望啦!Dixon咁鍾意飲湯,一個湯緊係唔夠啦!一於整多個「意式海鮮湯」啦!

  • E376
    今餐我Chef你 - 火焰煎Pan叉燒 / 蔥油胡椒餅

    聽講今集嘅嘉賓旨呈喺拳館好打得!唔知入到廚房佢又煮唔煮得呢?既然係咁,不如用一道「火焰煎Pan叉燒」嚟試試佢嘅廚藝啦!不過淨係煮一個餸又點睇到佢嘅真功夫呢?加多一道「蔥油胡椒餅」就差唔多!

  • E377
    一餸一湯 - 薑蔥蠔撈粗 / 西洋菜海竹頭煲吊片

    雖然家常便飯一般都好有溫馨嘅感覺,但係Mishy身為豪爽嘅代表,家常便飯都可以食得豪放啲!咁既話,就整個「薑蔥蠔撈粗」俾佢嘆下,夠晒粗豪啦!不過幾豪都好,都要飲番啲湯水補一補,飲埋呢個「西洋菜海竹頭煲吊片」就啱啱好!

  • E378
    食得低,食得抵 - 酒釀柿子麻酸雞 / 柿子桂圓杞子鬆餅

    天氣一開始凍,大家都需要食番多啲補品!但係每個人嘅身體狀況都唔同,未必樣樣補品都啱食。唔緊要!不如試吓比較溫和嘅柿子啦!就等Mabel教大家煮兩道健康菜:「酒釀柿子麻酸雞」同「柿子桂圓杞子鬆餅」,俾多啲選擇大家!

  • E379
    食極都唔厭 - 櫻花蝦擔擔麵 / 海鮮打滷麵

    雷師傅作為一個親民嘅廚師,一向都會就主持嘅喜好去選擇菜式!既然今集嘅主持Pony有''肥面龐妮''呢個綽號,就整啲''肥麵''俾佢品嘗下啦!唔知呢兩道「櫻花蝦擔擔麵」同「海鮮打滷麵」,啱唔啱佢心水呢?

  • E380
    今餐我 Chef 你 - 芝士大蝦伊麵 / 黑糖珍珠班戟

    幾時都話呢個世界係好唔公平!睇吓今集嘅嘉賓 Aiden 就知喇!佢又高大又靚仔,唱歌又好聽,仲要識得煮嘢食!太唔公平喇!見佢咁叻仔,一於交俾佢煮呢兩道菜式:「芝士大蝦伊麵」、「黑糖珍珠班戟」,俾佢展示吓實力啦!

  • E381
    一餸一湯 - 芋頭油鴨煲 / 蘋果抱心茯神海竹頭湯

    到咗冬天,就緊係要食番啲滋味濃郁又暖身嘅嘢食啦!呢個時候嚟番個煲就差唔多喇!就交俾 Natalie 煮個「芋頭油鴨煲」暖吓胃啦!Mishy 咁食得,得一個好餸又點夠呢?就煲多個「蘋果抱心茯神海竹頭湯」俾佢滋潤吓啦!

  • E382
    還原靚靚廚 - 美式芝士三文治配番茄湯 / 油雞肉汁芝士薯條

    作為一個忙碌嘅香港人,到咗食飯時間,就緊係要好好咁 Relax and Chill 吓啦!不如就交俾Andy煮番兩道 comfort food:「美式芝士三文治配番茄湯」同「油雞肉汁芝士薯條」,俾 Dixon 忙裏偷閑鬆一鬆!

  • E383
    食極都唔厭 - 紅花蟹水晶凍 / 芙蓉薑蔥蟹

    坊間有云:肚餓嘅女仔,脾氣會特別差!甚至乎做嘢都會打橫嚟!為咗唔俾呢啲事情發生喺 Pony 身上,雷師傅決定用兩道打橫嚟嘅菜式:「紅花蟹水晶凍」同「芙蓉薑蔥蟹」,醫一醫打橫嚟嘅 Pony 個肚!

  • E384
    懶人料理 - 氣炸魚皮脆脆蝦 / 滑蛋咖喱煎腸粉

    夜媽媽煲劇硬係想搵啲嘢食吓,但係又唔想淨係食薯片咁 Dry?不如跟 Carlina 整番個簡單又好味嘅「氣炸魚皮脆脆蝦」啦!食完仲係唔夠,想再食飽啲?唔怕!仲有個快靚正嘅「滑蛋咖喱煎腸粉」等緊你!

  • E385
    今餐我 Chef 你 - 黑松露牛柳酥皮盒 / 士多啤梨骨

    凡事都唔可以單睇表面,但係放喺Flavia身上又唔同講法!佢除咗外表甜美,就連內在都係咁親切!就連Mabel都俾佢嘅親和力感染到!決定整兩道有內涵又有賣相嘅菜式:「黑松露牛柳酥皮盒」同「士多啤梨骨」,襯番晒佢!

  • E386
    食極都唔厭 - 海鮮炒米形意粉 / 芝士南瓜汁煎元貝

    雷師傅身為一個出色嘅中菜達人,唔知煮西方嘅聖誕菜又難唔難到佢呢?答案係冇問題!作為一個專業廚師,又點會有煮唔到嘅菜式呢?就等雷師傅用兩道聖誕fusion菜:「海鮮炒米形意粉」同「芝士南瓜汁煎元貝」,嚟證明呢一點啦!

  • E387
    懶人料理 - 飄雪香芋軟心蛋卷 / 荔芋筒仔米糕

    講到聖誕,又點少得Christmas party呢樣重要嘢呢?但係一諗到要準備party food,就即刻唔知點算好,有咁多種類嘅到會選擇,真係揀唔落手!咁不如索性自己整啦!呢兩道:「飄雪香芋軟心蛋卷」同「荔芋筒仔米糕」,絕對係好選擇!

  • E388
    一餸一湯 - 芝士忌廉蝦伊麵 / 香濃酥皮蘑菇湯

    又到咗萬眾期待、普世歡騰嘅聖誕週喇!為咗迎接聖誕,當然要用高貴又大方嘅菜式,嚟配合番聖誕氣氛啦!一於煮番個「芝士忌廉蝦伊麵」開個靚頭啦!再加埋呢個望到就流晒口水嘅「香濃酥皮蘑菇湯」,一齊食住準備過聖誕啦!

  • E389
    食得低,食得抵 - 椰青胡椒煮大蜆 / 椰皇紅棗燉桃膠

    雖然話聖誕節就係要狂歡,但係食得健康同樣都咁重要!想要玩得盡興嘅同時,又唔洗擔心食得太heavy?咁就要請教Mabel喇!希望呢兩個菜式:「椰青胡椒煮大蜆」同「椰皇紅棗燉桃膠」,啱大家心水啦!

  • E390
    今餐我Chef你 - 比賓卡米糕 / 印度果亞豬肉咖喱

    平時都唔見Melody會咁緊張,到底係邊個嘉賓咁有影響力?哇!原來係楊偉倫「卵爺」!既然卵爺咁難得大駕光臨,咁就要準備番啲好難得先食到嘅菜式喇!就睇吓佢鍾唔鍾意「比賓卡米糕」同「印度果亞豬肉咖喱」呢兩道美食啦!

  • E391
    懶人料理 - 簡易藍帶豬扒 / 焦糖海鹽啤梨

    為咗配合優雅嘅聖誕,就當然要煮番啲優雅嘅菜式啦!最起碼都要有法國藍帶咁嘅級數啦!就等Carlina教吓大家點樣可以懶得嚟,又煮到令人讚嘆不絕嘅高級菜式:「簡易藍帶豬扒」同「焦糖海鹽啤梨」啦!

  • E392
    一餸一湯 - 烤春雞釀西班牙炒飯 / 忌廉栗子雜菌湯

    聽日就係平安夜喇!呢啲普天同慶嘅日子,就緊係要同最重要嘅人過啦!既然係咁,不如煮番個好有節日氣氛嘅「烤春雞釀西班牙炒飯」,再加埋節日必備嘅「忌廉栗子雜菌湯」,為聖誕加多一份色彩!

  • E393
    食得低,食得抵 - 香橙柑桔鱈魚柳 / 黑糖香橙杏仁克戟

    一年一度嘅Boxing Day終於都嚟到喇!但係聖誕掛住玩,唔記得準備禮物咁慘?臨時臨急走去搵,點知都係得個橙?唔洗緊張,橙都係一份好好嘅禮物!就睇吓「香橙柑桔鱈魚柳」同「黑糖香橙杏仁克戟」啱唔啱攞去送禮啦!

  • E394
    還原靚靚廚 - 琥珀核桃 / 話梅西瓜雪條

    聖誕節咁多Party,餐餐都食到咁飽,個胃就嚟頂唔順?不如整番啲聖誕小食,俾大家可以過吓口癮,又唔洗驚食得太多嘢啦!好彩雷師傅早有預備!即刻派出兩道Party小食:「琥珀核桃」同「話梅西瓜雪條」,實現大家嘅願望!

  • E395
    今餐我Chef你 - 東歐希靈魚沙律 / 暖笠笠栗子濃湯

    到咗聖誕節,個個人都會大魚大肉,就係為咗兩個字:盡興!但係對於食全素嘅嘉賓梁雍婷Rachel嚟講,又可唔可以食得盡興呢?Andy就話絕對冇問題!希望呢兩道聖誕素菜:「東歐希靈魚沙律」、「暖笠笠栗子濃湯」,啱Rachel口味啦!

  • E396
    懶人料理 - 斑蘭椰汁焗三文魚 / 蘋果扭扭酥

    對於好多懶人嚟講,三文魚係一款非常適合嘅食材!但係除咗就咁煎或者蒸,仲有冇其他又懶又整得好食嘅方法呢?就等Carlina用呢道「斑蘭椰汁焗三文魚」示範吓啦!再送多一道「蘋果扭扭酥」俾大家,分享又懶又好食嘅秘訣!

  • E397
    一餸一湯 - 潮州煎蠔烙 / 番茄豆腐魚湯

    雖然平時Dixon望落好似好hea咁,但係其實真正嘅佢係一個好努力,充滿拼勁嘅人!既然係咁,一於整番個潮州菜:「潮州煎蠔烙」俾佢enjoy吓啦!再加多個「番茄豆腐魚湯」,等佢補充體力!繼續拼搏!

  • E398
    食得低,食得抵 - 當歸燉羊肉 / 蔥爆羊肉叉子燒餅

    話咁快就嚟到新一年!新一年新景象,就緊係要用最佳狀態去迎接啦!但係Mishy嘅面色好似唔係幾好喎,點算好呢?唔洗驚!有Mabel教大家整滋補嘅「當歸燉羊肉」同「蔥爆羊肉叉子燒餅」,就用食療去解決啦!

  • E399
    還原靚靚廚 - 印尼炒飯 / 印尼花生醬沙律

    一講到印度特色食品,相信好多人第一時間都會諗起撈麵!但係撈麵呢啲咁簡單處理嘅菜式,又點會吸引到Andy出手教大家煮呢?起碼都要好似「印尼炒飯」、「印尼花生醬沙律」呢啲色香味俱全嘅美食,先有介紹俾大家嘅價值!

  • E400
    今餐我Chef你 - 椒油醋汁娃娃菜 / 荔浦香芋扣肉

    浩南竟然咁難得開金口唱歌?到底係邊個嘉賓咁有份量?哇!原來係從澳門遠道而來嘅Rachel 劉蘊晴!就連雷師傅都盡現待客之道,為Rachel獨特嘅飲食習慣,細心設計兩款菜式:「椒油醋汁娃娃菜」、「荔浦香芋扣肉」,希望可以留低好印象啦!

  • E401
    懶人料理 - 氣炸粟米骨 / 玫瑰醬長通粉

    身為一個熱愛煲劇嘅懶人,要用嚟送劇嘅菜式當然係愈簡單愈好!但係懶得嚟又唔可以太hea,簡單得嚟又要好食!咁難搞,唔知Carlina搞唔搞得掂呢?不如試吓呢兩道:「氣炸粟米骨」同「玫瑰醬長通粉」,睇吓啱唔啱各位懶人啦!

  • E402
    一餸一湯 - 鹹檸檬蒸烏頭 / 蜜瓜沙參玉竹湯

    一餐完美嘅家常便飯,又點少得一條新鮮又好味嘅魚呢?但係對住多多要求嘅Dixon,一般嘅蒸魚都未必滿足到佢,起碼都要呢條「鹹檸檬蒸烏頭」先掂!仲要加多個又鮮甜又補身嘅「蜜瓜沙參玉竹湯」俾佢,先算得上完美嘅一餐!

  • E403
    食得低,食得抵 - 黃金青口拌西蘭花飯 / 西蘭花芝士蝦餅

    最近想減吓磅要暫停食米飯,但係已經食椰菜花食到悶晒?不如試吓西蘭花啦!望落又翠綠又醒神,仲可以用嚟整呢兩道:「黃金青口拌西蘭花飯」同「西蘭花芝士蝦餅」,就算要減磅都可以食得好嘅!

  • E404
    食極都唔厭 - 芝士菌皇汁焗龍蝦伊麵 / 九層塔辣炒龍蝦

    雷師傅份人大方就路人皆知㗎喇,但係佢對浩南好似唔止大方咁簡單!直頭係偏心呀!見佢攞隻龍蝦出嚟就知咩事啦!仲要煮兩道色香味俱全嘅菜式:「芝士菌皇汁焗龍蝦伊麵」、「九層塔辣炒龍蝦」,就連導演都要同雷師傅投訴呀!

  • E405
    今餐我Chef你 - 泰式咖喱蟹麵包 / 芒果糯米小丸子

    我地今日嘅嘉賓Chloe蘇皓兒有著一個女神嘅形象,又靚女又溫柔,仲好上鏡㖭!但係,入到廚房先至係見真章嘅時候!究竟佢可唔可以入得廚房,出得廳堂呢?就用呢兩道:「泰式咖喱蟹麵包」同「芒果糯米小丸子」嚟考考佢啦!

  • E406
    還原靚靚廚 - 香辣芝士焗椰菜花扒 / 香煎杏鮑菇帶子

    平時Andy就最喜愛煮多國菜,更加可以話係無肉不歡!但係Pony就話嚟緊就到農曆新年,想食番啲齋菜喎!唔洗擔心,區區兩道齋菜,又點會難倒Andy呢?就用「香辣芝士焗椰菜花扒」同「香煎杏鮑菇帶子」,滿足Pony嘅願望啦!

  • E407
    懶人料理 - 日式釀豆腐 / 味噌燒無骨鱔

    整豆腐同講笑話一樣,都係好需要技巧,如果唔係就好容易爛!就等Carlina用「日式釀豆腐」嚟示範點樣完美地整豆腐啦!但係日本嘢嚟講,得一道點夠呀?咁就不如煮多道「味噌燒無骨鱔」,心情點都唔會爛啦!

  • E408
    食得低,食得抵 - 燕麥蝦丸 / 黃金桂花燕麥紫薯湯圓

    黃金香酥唔知大家最近有冇發現,街上多咗好多紅當蕩嘅嘢?冇錯!又嚟到充滿歡樂嘅農曆新年喇!為咗迎接呢個喜慶嘅節日,Mabel決定派出兩款黃金菜式:「黃金香酥燕麥蝦丸」同「黃金桂花燕麥紫薯湯圓」,同大家開個靚頭!

  • E409
    還原靚靚廚 - 韓式年糕湯 / 韓國春節散炙

    到咗賀年嘅時候,家家戶戶都會為咗好意頭而煮啲賀年菜式!然而除咗中國之外,就連韓國都會有呢個新年習俗!如果大家想體驗一下嘅話,不如跟Andy煮呢兩道:「韓式年糕湯」同「韓國春節散炙」,親身感受韓國嘅春節啦

  • E410
    今餐我Chef你 - 辣汁薯片年糕 / 香芒酸辣脆燒賣

    仲有幾日就到新年喇!當然要準備充足嘅賀年食品啦!不過得Mishy同雷師傅,兩個人搞唔搞得掂呀?唔洗擔心!有Gao@COLLAR上嚟幫手,就算係整呢兩道精緻嘅菜式:「辣汁薯片年糕」、「香芒酸辣脆燒賣」,都完全冇問題呀!

  • E411
    懶人料理 - 焗釀蟹蓋 / 金沙脆皮雞

    嚟到年廿八呢個送舊迎新嘅日子,大家都會執一執屋,為求過一個乾淨又整齊嘅新年!但係Melody執完屋,竟然搵到一啲蟹同雞?咁嘅話,不如就用佢地嚟煮「焗釀蟹蓋」同「金沙脆皮雞」,幫Melody處理一下啲舊物啦!

  • E412
    還原靚靚廚 - 生菜膽炒獅頭魚 / 芒果蝦球

    聽日就係最重要嘅團年飯喇!緊係要煮番啲又好食又有意頭嘅菜式啦!一時之間好難諗?雷師傅幫到你!有寓意生財嘅「生菜膽炒獅頭魚」,同埋代表黃金滿屋嘅「芒果蝦球」,包保大家食得開心,食得富貴!

  • E413
    食得低,食得抵 - 素鮑魚冬菇滑雞煲 / 素鮑魚糯米飯

    適逢農曆新年,除咗要玩得開心,仲要食得開心!不過開心之餘又唔想食得太過份,搞到要限住自己?其實唔洗咁辛苦嘅!就算係低卡食材,都可以煮出頂級嘅美食!「素鮑魚冬菇滑雞煲」同「素鮑魚糯米飯」就係最好嘅例子!

  • E414
    還原靚靚廚 - 新春炒粉絲 / 紅棗核桃磅蛋糕

    今日係初三赤口,根據傳統習俗,係唔可以去拜年,以防有口角發生!但係Andy就話百無禁忌,整番個「新春炒粉絲」炒旺個場!咁就冇有怕!再加多個沖喜嘅「紅棗核桃磅蛋糕」,就算係初三都可以笑口常開啦!

  • E415
    今餐我Chef你 - 錦繡齊撈起 / 黃金魷魚

    新年流流,最重要嘅嘢就緊係分享喜悅啦!就算係煮嘢食都可以開心share!就等 Gloria 右雨 同我地一齊煮餐好,一齊歡渡新年啦!加埋呢兩道賀年菜式:「錦繡齊撈起」同「黃金魷魚」,直頭係好事成三呀!

  • E416
    懶人料理 - 笑蝦蝦福袋 / 脆炸金啤蠔

    今年嘅紅日假期已經完結,相信大家都過咗一個盡興嘅農曆新年假期!喺呢個開爐嘅日子,就更加要開個靚頭,為呢一年打響頭炮!就等Carlina送呢兩道:「笑蝦蝦福袋」同「脆炸金啤蠔」俾大家,祝大家新年行好運!

  • E417
    食得低,食得抵 - 蔥香大蝦芋絲煲 / 黃金紅莓開心油角

    有好多人喺新年都會有一個幸福嘅煩惱,就係過完年就會發福!雖然發福的確係好意頭,但係如果食得太heavy又會對身體唔好!一於交俾Mabel,同大家介紹呢兩道好味又健康嘅「蔥香大蝦芋絲煲」同「黃金紅莓開心油角」,幫大家減輕負擔啦!

  • E418
    食得低,食得抵 - 摩洛哥咸檸檬雞 / 檸檬瑪德蓮蛋糕

    食檸檬呢件事情,相信大家都嘗試過,果種酸味係唔係一諗起都震一震呢?不過凡事都唔係絕對嘅,就算係檸檬都會有咸有甜,就好似「摩洛哥咸檸檬雞」同「檸檬瑪德蓮蛋糕」咁,彷彿影射緊五味陳雜嘅人生!