甜爺爺
現今世代,做律師要考牌,揸車要考牌,為人爺爺又需不需要考牌? ViuTV 全新真人騷節目 《甜爺爺》,聚焦時下的跨代矛盾與衝突,期望透過5位藝人/素人爺爺學習「成為一位與孫仔孫女融洽相處的爺爺」的過程,為跨代相處提供一個共融方案,讓老人家不用慨嘆小朋友係「港孩」,新生代不再稱呼老人家做「廢老」! 更多
下架日期
2022年02月26日
語言
Cantonese
字幕
中文
片長
30 分鐘
集數
15
節目級別
I
  • E1
    集結! 爺爺公公們!

    年紀大,係咪就係廢老? 爺孫之間,係咪一定存在成呎厚隔膜同代溝? 《甜爺爺》搵嚟5位爺爺公公,連同孫仔孫女,挑戰爺爺們嘅極限,一齊完成乖孫們心願!

  • E2
    回到孫兒初生時

    每個爺爺公公都唔會忘記第一眼見到孫仔出世時嘅情景,但係,孫仔永遠唔會記得爺爺公公們喺幫手湊自己時,係幾咁雞手鴨腳! 今集其中三位爺爺 – 夏韶聲、阿 Bee、皓嵐公公將會重新學習新生代係點樣湊孫!

  • E3
    潮爺爺

    扮靚係女人一生嘅事業,扮型係爺爺一時嘅衝動! 爺爺們今次嚟個改造初體驗! 由孫仔孫女畀意見,再由著名男士造型師 RickyKAZAF 幫手打造! 參考 MIRROR 造型、突破年齡界限!

  • E4
    爺爺們的戀愛

    孫仔孫女經常聽爺爺們想當年,提及如何追到嫲嫲婆婆,永遠覺得很遙遠陌生。所以製作組便安排娟姐一人分飾多位嫲嫲婆婆,與爺爺公公們重現當年的甜蜜故事!

  • E5
    爺爺廚房

    爺爺們總有一兩道菜式,係可以氹得孫兒們心花怒放! 但如果要即場試煮其他爺爺們嘅拿手菜式,再加上周中師傅嘅地獄式 mean 爆評語,會否令現場變成地獄廚神爭霸戰?!

  • E6
    爺爺「翻叮」變小學面試生

    當年「邊間近,就讀邊間」嘅「幸福」爺爺們,能否明白孫仔孫女當年面對升小一面試嘅壓力?今集我哋為爺爺們度身訂造咗「直資小學」及「私立小學」嘅面試大考驗。

  • E7
    爺爺們膽生毛 挑機「網絡紅人」小薯茄

    唔少老友記都對網絡短片嘅內容嗤之以鼻,認為係小兒科!今集節目,請嚟「小薯茄」嘅程人富、童童率領少年隊,用網絡短片內常見嘅「冷笑話」及「新舊廣東歌」,與爺爺隊展開對決!爺爺隊派出阿Bee講咸濕笑話,能否出奇制勝?

  • E8
    巨型爬蟲「突襲」節目!爺爺們如臨大敵

    幾位公公爺爺,素來喺孫仔孫女面前講到自己冇嘢驚;但原來佢哋都有「天敵」,就係「四腳爬爬」嘅爬蟲類動物!今集節目,我哋請來專家帶大家零距離接觸一班罕見嘅爬蟲類生物。到底連外星人「陳仔」都唔怕嘅Danny,會唔會被可愛嘅小蜥蝪嚇窒呢?

  • E9
    爺爺們變身NEW MIRROR

    今時今日,老友記都可以有活力! 今集節目,節目組首先揾來「MIRROR御用排舞師」Rock sir訓練爺爺們成為NEW MIRROR!到底「爆肌爺爺」阿Bee經過苦練,能否成為孫女心目中嘅Anson Lo?

  • E10
    新世代遊戲考起爺爺

    究竟有咩遊戲, 可以令爺爺們玩完贏埋,但都唔知自己玩緊咩? 今集節目請嚟經常於網上短片拍攝Board Game嘅KOL,開班教授爺爺們點玩狼人桌遊。同埋加映爺爺們分享上一代遊戲,年輕一代會否又會否問: “我究竟玩咗啲乜?”。

  • E11
    為咗個孫真係乜都得?

    挑戰阿 Bee 底線嘅大考驗 -- 眾人一齊拜訪紋身師!聆聽人哋家族紋身嘅故事,睇吓 Irene 同紋身師 Rosey 如何將爺孫之間嘅難忘時刻化成紋身圖案,究竟會唔會打破到阿 Bee 嘅銅牆鐵壁,接受家族紋身?

  • E12
    爺爺興趣無極限

    爺爺興趣交流班,由皓嵐公公分享道長冷知識,仲即場教眾人寫符。各位公公爺爺似乎早有秘密練書法,最後成品都有板有眼!有夏韶聲就有結他! 小 FANS 阿 Bee 今次為求願望成真,獲得 Danny 親身指導,竟然決定自掏腰包!

  • E13
    皓嵐與公公

    適逢公公嘅最後工作日,皓嵐特意親自下廚,喺公公嘅午飯時間送上驚喜午餐盒。回想起工作嘅日子,公公送皓嵐「堅持」二字,勸勉孫仔喺生活中繼續努力。屬於公孫二人嘅真心話時間,原來大家都為彼此準備咗秘密驚喜,公公更因此流下男兒淚……

  • E14
    Bee 與孫女

    神徒 Irene 嘅私心打卡之旅,開始!今次仲有爺爺阿 Bee 同行,行勻 Anson Lo 嘅 MV 取景點同熱門打卡點。過程會係尷尬到核爆,定係爺孫二人依然可以有講有笑?

  • E15
    Danny Summer 與孫仔

    夏韶聲與孫仔 Kyle 嘅車廂共聚,載有二人數不盡嘅溫馨回憶:遊車河、講舊時、唱 Beatles、講結他……Kyle 將一點一滴,化成畫作送畀公公。踏出車廂,夏韶聲帶 Kyle 繼續探險,認識氣槍、一齊觀星,創造更多屬於二人嘅美好回憶。