玩X爆香港地
玩X爆系列一直都係爛玩式嘅旅遊節目,雖然因為疫情冇得出國旅行,但只要有爛玩精神,都一樣可以玩X爆香港地!就算你住香港幾多年,相信都認識唔晒呢個地方,玩X爆香港以旅遊節目形式分區去玩,一連十五集,每集約當區嘅地頭蟲作嘉賓,一齊喪玩當區最具代表性嘅項目,除咗玩之餘,KB又會化身港故佬,講出香港每一區嘅歷史冷知識,等觀眾可以多面向了解我哋見慣見熟嘅地方。 更多
下架日期
2022年07月23日
聲道
粵語
字幕
中文
片長
30 分鐘
集數
15
節目級別
IIA
  • E1
    油尖旺 - 傳統歌廳

    唔係得紅磡有演唱會睇,其實油麻地廟街都有!今鋪KB同浩南Alina帶住成班團友嚟到傳統歌廳堅Crossover ,除咗有靚聲王小肥做嘉賓坐陣,唱唱下仲有屯門Happy伯同娜娜嚟捧場,場面有幾瘋狂?睇過就知!

  • E2
    東區 - Roller場及紙紮

    復古潮友出晒嚟!今次三位主持帶你到東區最有80年代氣息嘅Roller場,同成班團友邊學邊踩好過癮!唔止咁,佢哋仲發掘咗一項傳統手工藝,原來紙紮唔只係白事專利,仲可以進軍藝術界別,一於大大聲同全世界講:香港紮作世一!

  • E3
    屯門 - 摔角

    想學返幾招傍身,唔知邊度學好?原來屯門有一班摔角嘅「隱世」高人!今集KB同浩南帶埋成班團友「踩場」學嘢,主持仲話要挑機,究竟鹿死誰手?邊個係摔角之王?咁就要睇過先知分曉啦。

  • E4
    屯門 - 靈探

    細膽仔全部行出黎!今集有KB帶住成班團友,夜媽媽走入屯門荒廢渡假營探靈,到底發生左咩奇怪現象,嚇到KB, Alina, 浩南 喴哇鬼叫?團友們又收唔收到朋友仔俾佢哋嘅信息呢?一齊又要睇又要驚!

  • E5
    黃大仙 - 釣蝦場及麻雀館

    黃大仙區唔只有黃大仙廟,今次跟住三位主持去到釣蝦場,嫌室內釣蝦太簡單?一於加深難度先好玩,轉埋個大輪盤,輸左仲有大懲罰!之後再去揭開麻雀館嘅神秘面紗,想知唔識打麻雀既KB點贏到場牌就要睇下佢出咩古惑啦!

  • E6
    南區 - 蜑家人

    南區除咗有水上樂園,仲有水上人!今集三位主持化身漁民,聯同一班團友向蜑家人取經學習,體驗水上人嘅生活文化!究竟佢地有冇大收穫?邊個先係釣魚王?想知就要睇下佢地點玩x爆南區啦!

  • E7
    沙田 - 龍舟隊

    每年端午節沙田區都特別熱鬧,今次冇估錯!三位主持真係帶埋成班團友去划龍舟,仲分咗兩隊人話要決鬥喎,個個都第一次上手,到底場賽事會有幾咁精彩呢?

  • E8
    西貢 - 露營

    西貢最多咩?最多人出發去露營!因為附近太多世外桃源啦!今次特登揀咗水清沙幼、環境幽靜嘅沙灘,仲搵黎露營達人傳授大家露營秘笈,原來有啲嘢真係唔做唔得㗎!一齊學下點樣喺荒山野嶺慢活嘆世界啦!

  • E9
    北區 - 越野車及冥想

    一講起北區,個個都諗起水貨客。為咗幫北區洗底,三位主持會帶大家去玩越野車同冥想,一動一靜嘅活動,一次過滿足晒你所有願望!原來北區都可以咁好玩,唔止咁啊,仲特別請黎嘉賓MC仁,帶大家進入另一個層次嘅境界!

  • E10
    元朗 - 欖球隊

    天水圍唔再係悲情城市,而係充滿明日之星嘅地方!點解咁講?因為今次有一班欖球少年帶大家進入熱血衝勁嘅運動世界!唔講唔知,原來KB細細個都係Rugby Boy,仲同班後生仔黎場友誼波,打成點?睇過就知!

  • E11
    離島 - 貝澳營地

    之前去完真野外露營,今集三位星級主持升咗級,入貝澳黎個豪華露營Glamping! 黃昏有靚到爆嘅鹹蛋黃睇,夜晚有一望無際嘅星空,唔止有風景睇呀,三位主持仲準備咗啲驚喜俾咁多位團友,搞到個個都唔捨得走添!

  • E12
    黃大仙 - 手工啤廠

    酒唔一定今晚先吹得,今集三位主持去到黃大仙既手工啤廠,喺工廠大廈入面體驗釀酒既工序,同團友一齊試下香港本地製作既手工啤,想知佢哋會唔會酒後吐真言就要睇佢哋傾左咩啦!

  • E13
    觀塘 - 殺陣道

    原來工廈林立嘅觀塘,一直隱藏咗一班武林高手,冇錯,佢哋就係來自「日本」嘅殺陣道武士!三位主持仲聯同一眾武士上演一齣武俠大戲!邊個最似模似樣?咁就要睇過先知啦!

  • E14
    灣仔 - 室內滑雪場及夜蒲博士會

    宜家冇得去日本滑雪,相信大家都身痕咗好耐啦,所以今集就帶大家去灣仔滑雪!單板雙板任君選擇,得咗。唔止咁,灣仔仲有好多飲酒「博士」,嚟到博士會個個都夜蒲專家,帶你進入多姿多彩嘅夜生活世界!

  • E15
    葵青 - Wargame場

    市區都有Wargame場!三位主持帶埋葵青區既街坊玩轉Wargame場,個個著哂全副武裝準備入去亂射,一個二個係咪以為扮七師傅、強尼等就可以擋子彈?究竟邊個先係槍王?