-
E19兒童節目
曾幾何時，兒童節目陪小朋友度過唔少愉快嘅日子，不過近年嘅兒童節目似乎多咗好多「教學」嘅元素，又係唔係小朋友想睇嘅嘢呢？
-
E20創作歌手
世界各地唔少歌手除咗唱歌外，仲會擔當創作嘅部分，近年香港嘅創作風氣都增加唔少，唱作歌手嘅成績都唔錯，不過越嚟越多歌手打住「唱作」嘅名號，呢個仲係咪一個賣點呢？呢班唱作人喺創作嗰陣又會面臨咩難題？就由林奕匡、黃妍同黃劍文一齊傾吓「唱作歌手」！
-
E21星二代
星二代遺傳咗星爸星媽嘅良好基因，一出道就成為傳媒爭相報道嘅對象，不過佢哋面對嘅壓力都唔少，除咗外界會將佢哋嘅成績同父母嘅比較外，所付出嘅努力都好容易因為星二代嘅身分而被忽視！今集嘅嘉賓陳宇琛同龐景峰又覺得「星二代」嘅名銜係光環定係枷鎖呢？
-
E22運動員轉型
近年唔少運動員因為國際性嘅體育賽事而成為大眾焦點，更因為高企嘅人氣涉足演藝界嘅工作，以往亦有一啲運動員喺退役之後轉型成為藝人，究竟運動員喺娛樂圈發展有啲咩優勢？面對兩個截然不同嘅環境，佢哋又點樣適應呢？
-
E23偶像劇
偶像劇以偶像明星做主角，針對年輕嘅觀眾群，咁多年嚟唔同地方都有推出過經典嘅偶像劇，甚至吸引其他地方先後翻拍，同時唔少都係漫畫改編，咁樣做會有咩優勢或缺點？至於香港嘅偶像劇產量一直唔多，好多時都係同運動有關，箇中原因又係乜？
-
E24模特兒
模特兒憑住身材同樣貌嘅先天優勢，令佢哋成為時尚界寵兒，不過有人講過 Model 界競爭激烈，而且職業生涯相對較短，唔少 Model 最後都會轉型去拍戲拍綜藝，究竟佢哋喺行內嘅競爭有幾大，轉型嘅過渡期又面臨咩問題？
-
E25CG 特效
CG 特效令當今影視製作唔再被題材、環境等侷限，不過唔代表所有拍攝都可以利用 CG特效取代，而演員喺綠幕前面演戲有咩難度？導演點樣幫演員容易啲入戲？視覺特效團隊喺拍攝現場又遇過咩辛酸史？
-
E26童星
有人講過童星嘅演藝生涯可能淨係得幾年時間，當佢哋逐漸長大嘅時候就會面臨唔同嘅樽頸位，最後令佢哋離開螢光幕回歸普通人生活，而今集嘅嘉賓戴夢夢、張國權、楊鎧凝 (Celine妹妹) 作為過來人，又點樣睇童星呢樣嘢呢？
-
E27選美
傳統選美向來畀人一種高貴莊重嘅感覺，不過近年世界各地都多咗一啲別具特色嘅選美，撇開咗固有嘅框架，呢種新派選美同傳統選美各自有咩魅力？國際性嘅選美同香港嘅選美又有咩唔同？
-
E28特技化妝
唔少電影都會利用到特技化妝技術，製作出唔同嘅效果，無論要變肥變老、受傷甚至變成怪獸都能一一實現，不過要做到像真度極高嘅作品，背後花費嘅時間和心血絕對唔少，特技化妝師 Gary Chan 及 KTinCarrie 將會帶大家更了解特技化妝..
-
E29媽媽女星
好多女明星喺演藝生涯中會步入婚姻甚至生兒育女，過程中除咗要面對選擇家庭定係事業，仲有因為自身心理同埋外界評論等原因而帶嚟嘅壓力，佢哋又會點樣取捨同面對？已為人母嘅梁靖琪同何雁詩將會同大家分享佢哋嘅懷孕故事！
-
E30藝人創業
一直以嚟唔少藝人除咗自身嘅演藝事業外，都會創業一嘗做老闆嘅滋味，期望透過明星效應嚟賺錢，不過藝人創業失敗嘅報道亦不時出現，究竟藝人創業有咩優勢，背後又面對咩問題？今集邀請到擁有創業經驗嘅陸詩韻、麥子樂同譚杏藍一齊大談「藝人創業」！
-
E31娛樂圈兄弟姊妹檔
今集邀請到鍾舒漫、鍾舒祺以及駱胤樺、駱胤鳴兩對姊妹檔上嚟，除咗分享佢哋對「娛圈姊妹檔」嘅睇法外，仲大曬姊妹情添！
-
E32足球評述
世界盃2022即將開鑼，球迷好快可以睇到一場場精彩嘅球賽，為自己力撐嘅球隊歡呼打氣，不過一場球賽除咗球員嘅表現外，評述員嘅評述都可以令賽事生色唔少，而作為足球評述員或者主持事前要有咩準備工夫以及條件？當中又有咩需要注意嘅地方？
-
E33旅遊節目
隨住世界各地陸續通關，一心期待旅行嘅香港人終於如願以償，不過無論有冇疫情之前，冇旅行去嘅時候都係靠睇旅遊節目止癮，至於近年嘅旅遊節目唔再單純介紹食買玩，增添咗唔同嘅元素，唔知作為旅遊節目主持嘅謝茜嘉、梁彥宗以及陳俞希又點睇呢個轉變？
-
E34填詞人
一首出色嘅廣東歌除咗要有優美旋律，仲需要有打動人心嘅歌詞，而背後就係靠一班出色嘅填詞人，不過樂迷好多時都留意唱嗰個歌手，又有幾多個會留意幕後嘅創作人？
-
E35戲劇指導
戲劇指導為演員提供建議同培訓，幫助佢哋揣摩角色，外國唔少知名影星都有接受過戲劇指導，可惜喺香港戲劇指導並唔普及，甚至冇一個確實崗位，好彩近年呢種風氣開始興起，究竟戲劇指導對演員嘅幫助有幾大？同戲劇導師又有咩分別？
-
E36作曲編曲人
一首好歌嘅構成除咗歌詞同歌手演繹外，旋律都係重要嘅一環，香港一直以來有唔少音樂創作人同時兼任作曲編曲，創作多首耐聽嘅作品，不過作曲同編曲各自有咩難度？集體創作又有咩好處？至於近年唱片公司多咗採用外國團隊創作嘅歌曲，作為創作人點睇呢個現象？
-
E37飲食節目
飲食同烹飪節目由以前到而家都係電視台必備嘅節目，近年呢類節目都唔再單純介紹美食，會增添唔同元素吸引觀眾，甚至將節目綜藝化，不過飲食節目嘅重點始終係「食物」，將節目綜藝化會唔會令「食物」變為次要？
-
E38二人組合
組合嘅人數可以有好多配搭，而二人組合都係常見嘅組合人數，對比起多人數嘅組合，二人組合會唔會有咩特別嘅優勢，相處同合作上會唔會亦相對較為容易？
-
E39遊戲綜藝
遊戲綜藝嘅種類多元化，成為唔少觀眾鍾意收睇嘅節目類型，不過遊戲綜藝嘅成功，講求嘅係大型製作抑或主持嘉賓嘅化學作用？同時遊戲綜藝係咪真係較容易令藝人入屋，佢哋又有冇建立人設去突出自己？至於套用喺網絡綜藝又係咪一樣？
