MM730 - 娛論潮
近年由韓劇、韓團帶動的亞洲娛樂文化事業急速發展,掀起全球熱潮。亞洲娛樂及潮流文化正悄悄起革命,不論中港台、日本、韓國都努力建構發展屬於本土特色的娛樂事業。令娛樂潮流文化進入一個新世代。香港的演藝界面臨著世界各地的娛樂事業挑戰,生態環境也在急促轉變,究竟未來會朝著甚麼方向前行?本節目每集都會帶出不同的主題,趣味地探討娛樂及潮流文化的發展趨勢。 更多
下架日期
2022年12月06日
聲道
粵語
字幕
中文
片長
30 分鐘
集數
26
節目級別
I
  • E10
    棟篤笑

    唔少人聽到棟篤笑,好自然淨係諗起黃子華或者林海峰,唔通棟篤笑界真係後繼無人?不過香港仲有一班棟篤笑表演者,喺有限嘅資源同宣傳下,仍然為香港人帶嚟歡樂!3位棟篤笑表演者阿 V、Tim 同 Nicholas 將會帶大家了解更多棟篤笑嘅世界。

  • E11
    拍攝安全

    拍攝安全一直係外界重視嘅一環,稍有不慎甚至會造成人命傷亡,無論演員或幕後人員都有一定風險,究竟拍攝事前要做幾多準備功夫?演員張建聲、動作指導梁博恩同女特技人張慧靈一齊分享拍攝辛酸!

  • E12
    改編音樂

    曾幾何時香港樂壇出現一股改編歌熱潮,唔少當紅歌手嘅大熱作品都係改編自日韓、歐美等地,乜嘢因素導致改編風氣盛行?去到後來多返原創歌曲,卻被批評只有一式一樣嘅 K 歌,唔通 K 歌就一定係差?

  • E13
    DJ

    電台係接收訊息及娛樂最主要嘅媒介,相信電台 DJ 嘅聲音亦陪大家度過唔少日與夜,雖然科技同社會嘅進步改變嘅電台嘅生態,但電台仍然有佢無法被取締嘅地方,就由3位 DJ 小儀、科林同 Oscar 帶大家了解電台 DJ 更多!

  • E14
    電影頒奬禮

    各地嘅電影頒奬禮旨在表揚傑出表現嘅電影工作者,而電影節則係提供機會畀各國交流經驗,其中作為參與者嘅陳詠燊、陳健朗,以及採訪者嘅虞逸峯,對於其他地方嘅電影節同頒奬禮,又有咩唔同嘅睇法同感受呢?

  • E15
    演唱會

    紅館係唔少香港歌手夢寐以求嘅舞台,但係好多外國歌手反而選擇喺博覽館開騷,究竟兩個場地各自有咩吸引力?同時而家多咗一啲戶外場地可以舉辦演唱會,但對於歌手嚟講戶外開騷又係咪真係咁正?

  • E16
    劇場文化

    舞台劇同音樂劇嘅風氣喺歐美或者韓國都相當盛行,而香港一直都有唔同嘅劇團演出,但點解好似好難做得起,係資源配套出現問題,定係外界接收舞台劇資訊嘅機會較少?舞台劇經驗豐富嘅梁祖堯同彭秀慧,將聯同音樂劇演員鄭君熾一齊探討香港劇場文化!

  • E17
    配音工作

    配音員涉及嘅範疇包括電影電視、動畫、動漫遊戲,有時候你未必知道佢係邊個,但聽到佢嘅聲音總會有種熟悉嘅感覺,同時仲有唔少藝人獲邀為動畫電影獻聲,究竟現役嘅配音員點睇而家香港嘅配音業?

  • E18
    Rapper

    近年香港嘅 HIP-HOP 音樂受到關注,嚟緊更有香港第一個 HIP-HOP 頒獎禮,發展似乎唔錯,只係外間對 Rapper 仍然有一啲既定嘅負面印象,究竟一班 Rapper 有咩睇法?佢哋又點樣睇組合入面嘅 Rap 擔當?

  • E19
    兒童節目

    曾幾何時,兒童節目陪小朋友度過唔少愉快嘅日子,不過近年嘅兒童節目似乎多咗好多「教學」嘅元素,又係唔係小朋友想睇嘅嘢呢?

  • E20
    創作歌手

    世界各地唔少歌手除咗唱歌外,仲會擔當創作嘅部分,近年香港嘅創作風氣都增加唔少,唱作歌手嘅成績都唔錯,不過越嚟越多歌手打住「唱作」嘅名號,呢個仲係咪一個賣點呢?呢班唱作人喺創作嗰陣又會面臨咩難題?就由林奕匡、黃妍同黃劍文一齊傾吓「唱作歌手」!

  • E21
    星二代

    星二代遺傳咗星爸星媽嘅良好基因,一出道就成為傳媒爭相報道嘅對象,不過佢哋面對嘅壓力都唔少,除咗外界會將佢哋嘅成績同父母嘅比較外,所付出嘅努力都好容易因為星二代嘅身分而被忽視!今集嘅嘉賓陳宇琛同龐景峰又覺得「星二代」嘅名銜係光環定係枷鎖呢?

  • E22
    運動員轉型

    近年唔少運動員因為國際性嘅體育賽事而成為大眾焦點,更因為高企嘅人氣涉足演藝界嘅工作,以往亦有一啲運動員喺退役之後轉型成為藝人,究竟運動員喺娛樂圈發展有啲咩優勢?面對兩個截然不同嘅環境,佢哋又點樣適應呢?

  • E23
    偶像劇

    偶像劇以偶像明星做主角,針對年輕嘅觀眾群,咁多年嚟唔同地方都有推出過經典嘅偶像劇,甚至吸引其他地方先後翻拍,同時唔少都係漫畫改編,咁樣做會有咩優勢或缺點?至於香港嘅偶像劇產量一直唔多,好多時都係同運動有關,箇中原因又係乜?

  • E24
    模特兒

    模特兒憑住身材同樣貌嘅先天優勢,令佢哋成為時尚界寵兒,不過有人講過 Model 界競爭激烈,而且職業生涯相對較短,唔少 Model 最後都會轉型去拍戲拍綜藝,究竟佢哋喺行內嘅競爭有幾大,轉型嘅過渡期又面臨咩問題?

  • E25
    CG 特效

    CG 特效令當今影視製作唔再被題材、環境等侷限,不過唔代表所有拍攝都可以利用 CG特效取代,而演員喺綠幕前面演戲有咩難度?導演點樣幫演員容易啲入戲?視覺特效團隊喺拍攝現場又遇過咩辛酸史?

  • E26
    童星

    有人講過童星嘅演藝生涯可能淨係得幾年時間,當佢哋逐漸長大嘅時候就會面臨唔同嘅樽頸位,最後令佢哋離開螢光幕回歸普通人生活,而今集嘅嘉賓戴夢夢、張國權、楊鎧凝 (Celine妹妹) 作為過來人,又點樣睇童星呢樣嘢呢?

  • E27
    選美

    傳統選美向來畀人一種高貴莊重嘅感覺,不過近年世界各地都多咗一啲別具特色嘅選美,撇開咗固有嘅框架,呢種新派選美同傳統選美各自有咩魅力?國際性嘅選美同香港嘅選美又有咩唔同?

  • E28
    特技化妝

    唔少電影都會利用到特技化妝技術,製作出唔同嘅效果,無論要變肥變老、受傷甚至變成怪獸都能一一實現,不過要做到像真度極高嘅作品,背後花費嘅時間和心血絕對唔少,特技化妝師 Gary Chan 及 KTinCarrie 將會帶大家更了解特技化妝..

  • E29
    媽媽女星

    好多女明星喺演藝生涯中會步入婚姻甚至生兒育女,過程中除咗要面對選擇家庭定係事業,仲有因為自身心理同埋外界評論等原因而帶嚟嘅壓力,佢哋又會點樣取捨同面對?已為人母嘅梁靖琪同何雁詩將會同大家分享佢哋嘅懷孕故事!

  • E30
    藝人創業

    一直以嚟唔少藝人除咗自身嘅演藝事業外,都會創業一嘗做老闆嘅滋味,期望透過明星效應嚟賺錢,不過藝人創業失敗嘅報道亦不時出現,究竟藝人創業有咩優勢,背後又面對咩問題?今集邀請到擁有創業經驗嘅陸詩韻、麥子樂同譚杏藍一齊大談「藝人創業」!

  • E31
    娛樂圈兄弟姊妹檔

    今集邀請到鍾舒漫、鍾舒祺以及駱胤樺、駱胤鳴兩對姊妹檔上嚟,除咗分享佢哋對「娛圈姊妹檔」嘅睇法外,仲大曬姊妹情添!

  • E32
    足球評述

    世界盃2022即將開鑼,球迷好快可以睇到一場場精彩嘅球賽,為自己力撐嘅球隊歡呼打氣,不過一場球賽除咗球員嘅表現外,評述員嘅評述都可以令賽事生色唔少,而作為足球評述員或者主持事前要有咩準備工夫以及條件?當中又有咩需要注意嘅地方?

  • E33
    旅遊節目

    隨住世界各地陸續通關,一心期待旅行嘅香港人終於如願以償,不過無論有冇疫情之前,冇旅行去嘅時候都係靠睇旅遊節目止癮,至於近年嘅旅遊節目唔再單純介紹食買玩,增添咗唔同嘅元素,唔知作為旅遊節目主持嘅謝茜嘉、梁彥宗以及陳俞希又點睇呢個轉變?

  • E34
    填詞人

    一首出色嘅廣東歌除咗要有優美旋律,仲需要有打動人心嘅歌詞,而背後就係靠一班出色嘅填詞人,不過樂迷好多時都留意唱嗰個歌手,又有幾多個會留意幕後嘅創作人?

  • E35
    戲劇指導

    戲劇指導為演員提供建議同培訓,幫助佢哋揣摩角色,外國唔少知名影星都有接受過戲劇指導,可惜喺香港戲劇指導並唔普及,甚至冇一個確實崗位,好彩近年呢種風氣開始興起,究竟戲劇指導對演員嘅幫助有幾大?同戲劇導師又有咩分別?