MM730 - 男女自然觀察學會
「男女大不同」,就好似既定嘅思想,植根喺唔同人嘅價值觀入面:「女人心海底針」、「點解男友放假寧願約班朋友」等等唔明對方諗乜嘅問題,經常都會成為各大媒體(包括社交及大眾)熱門同洗版嘅話題,有時甚至成為對方睇唔過眼嘅地方──男人對女人出門口前要花三粒鐘化妝整頭而唔耐煩、女人對條佬晚晚打機唔瞓覺而嬲爆爆;今次《男女自然觀察學會》會喺生活嘅不同層面著手,探討男女喺唔同情景下嘅選擇與取向,話唔定可以帶大家看透火星男與金星女嘅世事? 更多
下架日期
2022年10月05日
聲道
粵語
字幕
中文
片長
30 分鐘
集數
7
節目級別
I
  • E1
    男女靚相觀

    6位學會成員首次聚會,先要喺學會入面掛上最代表到自己嘅相片,從佢哋所揀嘅相片中觀察男女對於影靚相唔同嘅睇法,仲會即場嘗試擺大家嘅必殺 pose 影相,睇下效果如何。然後6人共同訂立學會守則,從而觀察出男女不同嘅時間觀、儀式感嘅重視度等等…

  • E2
    男女睡眠習慣

    6位成員第二次聚會將會討論各人嘅睡眠習慣,由姿勢、床單、睡眠必備品,講到睡衣,觀察睡房內嘅男女大不同。男女睡眠姿勢有冇唔同?淨係睇床單款式、整潔度,睇唔睇得出男女分別?女仔特別鍾意攬公仔?女仔睡衣特別講究?透過佢哋嘅討論為大家解開種種迷思…

  • E3
    男女運動習慣

    做運動為健康?為練肌肉?為減肥?終極原因係為呃 like?小至衣著,大至做運動原因、習慣,男女各有不同。

  • E4
    無聊物品定義大不同

    購物慾人皆有之,但買返嚟有冇用就只有自己知。《男女自然觀察學會》一年可能都會有幾次嘅《除舊迎新清貨換物大會》正式開始!除咗可以將物件轉讓外,仲可能從物件中睇到男女不同嘅性格同取向。唔知各位「馬友」會帶咩同大家「開心些牙」呢?

  • E5
    母親節

    記唔記得對上一次拖住媽媽係幾時?歌仔都有得唱「有媽的孩子像個寶……」但人大咗,就愈嚟愈少同媽媽食飯、傾心事,有時連返屋企飲碗湯都變得奢侈!

  • E6
    突擊開袋計劃

    個個都會出街,但係個個嘅必備物品都會唔同!點解男仔個袋好似全部都一樣樣?女仔袋咁細又裝到啲咩? Sica 同 George 會化身成「大小姐與黑執事」檢查各馬友嘅袋,打開呢個神秘宇宙,有垃圾、內衣、充電器!?

  • E7
    Sica 生日會

    馬友們齊齊慶祝 Sica 生日!話明開生日會,梗係要順吓壽星女意,由衣著、食物、慶祝活動,所有環節都係由 Sica 話事!但有啲馬友們似乎好不滿,究竟咩事激親佢哋?男女對「慶祝生日」態度又有咩唔同?有咩環節係生日正日一定要有?