-
E25馬友小食部
讀書嘅時候學過咩，可能好多人都已經還返晒畀老師，但係小食部有咩好嘢食，呢啲童年回憶就算過多幾廿年都會記得。作為學生哥嘅洗錢重地，到底馬友們讀書時期嘅小食部有咩名物？
-
E26前度「遺物」拍賣會
每段感情完結，往往都會留低一堆「蘇州屎」，其中前度送嘅禮物，都係「食之無味，棄之可惜」。今次 Sica 就決定將前度留低嘅「遺物」帶上節目，畀馬友們競投，點知馬友們唔領情之餘，仲想盡辦法推走啲「遺物」！究竟啲「遺物」係咪想像中咁伏？
-
E27打破尷尬研討會
歌都有得唱「最怕空氣突然安靜」，同人 Social 唔知講咩點算好？六個馬友一齊相處就相當熱鬧，但當佢哋要單獨相處時會唔會「空氣突然安靜」呢？節目組特意安排 Sica &珈其及 Alice&Marco 單對單食飯，觀察佢哋會唔會尷尬。
-
E28馬友沙龍
不時會見到「男生最喜歡的女生髮型」或者「女生最喜歡的男生髮型」排行榜，男同女鍾意嘅髮型風格有咩唔同呢？馬友們今集Set咗自己想挑戰嘅髮型出場，珈其完美演繹崩壞版木村拓哉，George 同 Alice 靠顏值 Carry 超易出事髮型。
-
E29交換衣著大會
「呢件 cutting 女仔著得好睇啲」、「呢隻色男仔著會好奇怪」⋯⋯當中性風愈來愈流行，衣服有冇性別之分？
-
E30馬友腦力測試
一個人有幾聰明，似乎係上天注定，但後天嘅訓練同努力，或多或少都可以將智力提升。馬友之中，有人天賦異稟 -- 2歲識背心經，有人默書考試前10分鐘先溫習都滿分過關，但亦有人懵盛盛，甚至派膠搞到人哋輸咗比賽。
-
E31Horsemates’ Art Gallery
Sica 成日話自己讀 Art，今集就畀機會佢 show「Quali」，介紹下自己嘅得意之作。除此之外，佢仲叫埋各位馬友帶自己嘅創作上嚟，等佢鑑賞下、感受下有咩隱藏訊息喺啲作品入面。
-
E32馬友會金靴獎爭奪戰
適逢就嚟世界盃，當然要踢返兩腳啦！今集馬友會請嚟花式足球界表表者──Lyson 嚟過招！馬友們除咗同 Lyson 傾吓足球經……咪住！佢哋都唔睇波嘅，呢集撐唔撐得住架？
-
E33世界盃冷知識問答大賽
四年一度嘅世界盃即將開鑼，馬友們一齊化身大賽球迷，投入世界盃狂熱氣氛! 對呢班大部分成員都唔多睇波嘅馬友嚟講，邊個球員打邊個球員，都可能要搞一輪先認到。不過就算有睇開波，關於世界盃同足球界嘅冷知識，都唔係隻隻波牛都會識。
-
E34馬友美妝大挑戰 (女生篇)
今集馬友美妝大挑戰，女仔幫一班男生改頭換面！
-
E35馬友美妝大挑戰 (男生篇)
上次女仔幫男仔化妝，一班男仔好似唔係幾滿意，「機會嚟喇！飛雲！」
-
E36旅行 - 執篋篇
幾年冇出國旅遊，各位馬友都按耐不住心中要去玩嘅熱情。為咗舒緩吓馬友們搔癢難耐嘅心。
-
E37高齡港孩
「可以hea的話～不會郁～」人人對外都話自己獨立自主，但返到屋企嘅家頭細務，就未必會主動去做。
-
E38馬友齊找數 (I)
節目已經播出咗大半年，馬友們成日口輕輕作出約定，趁年尾佢哋就一齊衝出九龍灣「找數」！佢哋曾經講過一齊去女僕咖啡廳體驗，但珈其、Marco、George竟撇甩3個女仔去玩！？
-
E39馬友齊找數 (II)
「找數」Road Trip繼續進行中，佢哋六個喺母親節都口響響話帶大家返屋企食飯，下一站就由Marco帶路，請大家去自己屋企開嘅餐廳食烤魚。6個馬友一去到就當正自己屋企咁，老實不客氣叫到成枱嘢食，之後仲叫埋Marco姨媽一齊食。
-
E40馬友齊找約定
六人飲飽食醉之後，就去到營火晚會，一齊傾下拍呢個節目嘅難忘回憶。六個馬友轉換認真Mode，分享拍節目嘅後悔時刻、缺席拍攝嘅感受、對大家嘅初印象、以及2023年目標。
-
E41馬友寶物展
每個人都有啲對自己好重要嘅嘢，可能對其他人而言$1都唔值，但對佢嚟講就係無價寶。
-
E42新年吸金大法
農曆新年就到，所有人最關注嘅議題一定係今年又可以逗到幾多利是！平時古靈精怪、活潑可愛又人見人愛嘅馬友們又有幾強吸金力呢？各人分享自己新年嘅吸金力，仲會分享自己逗利是嘅特別方法。
-
E43馬友運程指南
新一年新開始，馬友們2023年運勢到底係好定壞呢？Alice 請嚟老友占星及塔羅師-棍兄，為大家預測來年運勢。棍兄根據佢哋嘅星座命盤推算流年運程，並為佢哋排名，下年六個馬友邊個最好運、最差運氣一目了然。
-
E44馬友煲劇習慣
踏入二月情人節嘅月份，四周圍籠罩住粉紅泡泡，電視節目表上面嘅電影都換晒做愛情片，馬友們都襯住今次機會，請嚟 WinWin 嘅好朋友 KC，一齊扮演台、日、韓經典偶像劇角色，唔止會重演當中嘅經典場面，仲會分享佢哋嘅煲劇習慣...
-
E45Marco 脫單企劃
接近情人節，幾位馬友對於仲係A0嘅 Marco 倍感擔憂，所以決定由「識女仔」開始，分享大家填寫交友APP自我介紹嘅心得，紀正 Marco 「憑實力單身」嘅屬性，同時更加送上「禮物」助佢脫單，製作組更為佢準備咗「活學活用」嘅機會。
-
E46女友力評測大會
2月是戀愛嘅季節，想「出pool」就要視乎你有冇「女友力」啦！三個女馬友一個跳脫、一個女神、一個活潑，加上被網民稱讚超 Girlfriendable 嘅阿冰，個個都唔同路線，邊一個最乎合你心目中嘅「完美女友」呢？
-
E47男友力評測大會
上集3個男馬友做完評審攻擊女生們，今集輪到女馬友反擊，評定佢哋嘅「男友力」。今集三個男馬友會與經常喺影視作品中飾演「別人的男友」嘅黃溢濠比拚，看看誰是「完美男友」！到底係唔係靚仔＝有男友力？A0又係唔係表示必定「男友力」等於零？
-
E48偶像應援研討會
每個人都有偶像，而五位馬友們都有個共同偶像，就係珈其！馬友界國際巨星珈其今集缺席，其他馬友們便借機研究如何應援偶像「其其」。由自己如何應援偶像到討論自己嘅粉絲如何應援自己，從中選出最能夠表達對「其其」嘅「愛的方法」。
-
E49騷擾事件簿
騷擾無分性別，男女都有機會遭遇到，只要對方嘅行為或者言語令你唔舒服嘅話，就可以構成騷擾，當我哋面對被騷擾嘅時候，最緊要勇敢反抗說不！
-
E50成長速成班: I DO！
後生仔總想快啲長大，結婚都可以係其中一個證明自己成長嘅 Mission！究竟「結婚」對幾位馬友嚟講，係天馬行空嘅想像，定係心思熟慮嘅計劃？佢哋又有冇 「FF」 過自己幾時結婚? 另一半會點樣求婚?
