勁騎26
世人對電單車的印象是剛強、速度、自由自在的代表。究竟二轆是一個怎樣的世界;熱愛二轆的騎士,他們 的生活與平常人有什麼不同呢? 主持走訪不同類型的鐵騎;從他們身上體現什麼是「騎士精神」、「快就是安全」、「一個人的自由」、「型是可以令人成長」等等…..;過程中會挑戰電單車路段,當中會有城市、郊外或夜遊,看到香港日與夜的不同面貌,感受飛馳路上的自由。 更多
下架日期
2022年10月22日
聲道
粵語
字幕
中文
片長
30 分鐘
集數
15
節目級別
IIA
  • E1
    電單車精神

    作為電單車新牌仔,王勁 Alton Wong 對電單車世界仍然有好多未知同好奇。究竟第一日拍攝見到啲咩令Alton 驚訝連連,大讚「ViuTV真係好犀利」?又點解佢會拍攝中途成個人唔同晒?

  • E2
    不一樣的車聚

    第一集感受完男人味重嘅電單車,今集 Alton 點解會出現喺 café 飲咖啡?電單車除咗「型」,原來仲有「溫柔」?史上最「治癒」嘅大場面,令 Alton 超驚喜,甚至鏡頭前向 Lokman 炫耀!係咩驅使 Alton 幫人泊車?

  • E3
    Alton 和女騎有個約會

    電單車淨係男人嘅世界?No !為咗滿足對女鐵騎有一種 fantasy 嘅 Alton,自肥企劃正式啟動!為咗公平公正公開咁帶大家認識女鐵騎,安全為上,帶番個頭盔,蒙住臉說話!究竟 Alton 認識完三位女鐵騎後,會選擇同邊位出一日車呢?

  • E4
    天才車手

    今集 Alton 被製作組綁架到未知地方,接受神秘挑戰。呢款車集合技術、膽量、姿態於一身,令 Alton 「顛覆對電單車嘅概念」!上咗一日速成班,佢雄心壯志咁訂下目標,豪言要奔向月球。

  • E5
    花姐的 26 假期

    坐電單車咁好玩,又點少得至高無上嘅花姐呀!為咗令討厭26嘅花姐改觀,Alton 搵咗架 Side Car 做王座,仲 book 定高級餐廳,務求投其所好,俾花姐享受一日26假期!藉住4年嚟第一次獨處,兩個人仲講咗好多心底話。

  • E6
    浪浪送行者

    今晚 Alton 將會跟隨「浪浪送行者」義工,喺公路上執拾往生動物嘅屍體。一直認為電單車係自由、不羈、型嘅 Alton,第一次以26體驗生死。過程中,佢經歷理性與感性嘅掙扎,盡力送浪浪走好最後一程。

  • E7
    外賣家族

    近年嚟好多香港人做咗外賣常客,唔知你有冇發現,絕大部分嘅外賣員都係電單車手呢?今日 Alton 去到嘉賓 Joyce 嘅屋企,揭開佢哋一家嘅神秘身份!Alton 仲化身外賣仔,同專業級車手一較高下!究竟佢同 Joyce 會經歷咩奇遇?

  • E8
    跌入26漩渦

    今集 Alton 將會同三位唔同風格嘅靚女一齊跳入劃時代嘅26漩渦,化身成唔同嘅人物角色,同大家介紹各種特別車款。究竟介紹咩車搞到Alton要逃避追捕,又係揸咩車搞到 Alton 要接受軍訓、赤裸上半身?

  • E9
    騎著26深度遊

    「香港真係一個好靚嘅地方」講就成日講,但又有幾多人真係熟悉香港嘅地方?有人鍾意揸住電單車周圍去打卡、有人揸電單車為咗送外賣搵食,但有人揸電單車為咗用更近嘅距離去感受香港嘅每寸土地。今集 Alton 將會感受用另一個角度睇呢片土地。

  • E10
    兄弟車聚

    鏡仔s 出沒注意!Alton 召集兄弟 Lokman、AK、Tiger 一齊 ride 車,度身訂造一日行程!做得兄弟就預咗「上刀山、落油鑊,在所不辭」,今集佢哋決意征服高難度山頭,究竟最後成唔成功?

  • E11
    聲眼戰隊

    喺浩瀚宇宙嘅銀河系,地球裏面嘅香港,有人需要幫助嘅地方就有聲眼戰隊!一班電單車幪面超人將佢地嘅力量結合埋一齊,喺徬徨中拯救人類。Alton 作為普通市民,究竟會同佢哋經歷啲咩奇遇?

  • E12
    26 收藏家

    Alton 喺節目遇過嘅嘉賓位位都係「愛車之人」,但今集嘅兩位絕對係達到「發燒友」級別!Alton 將會拜訪兩位電單車收藏家:Ken 哥從世界各地搜購咗50幾架古董電單車。

  • E13
    挑戰王勁極限 天才車手再出現

    繼越野電單車後,Alton 再次迎來新嘅挑戰!發生咩事搞到 Alton 話製作組擺佢上枱,仲「騎虎難下」?Alton 新技能速成班,簡直令人熱血沸騰!刺激挑戰過後,進入電單車的深夜浪漫,感受香港寧靜嘅另一面。

  • E14
    Alton 與師父 OJ 的回憶之旅

    重要人物出現!Alton 請嚟「師父」OJ 一齊重溫往日回憶,原來 OJ 係 Alton 考電單車嘅啟蒙者,以前只係坐 OJ 車尾,而家 Alton 終於可以一齊出車,心情有咩唔同?喺 OJ 眼中,又覺得 Alton 入行前後有冇改變呢?

  • E15
    勁騎 26 車友會正式成立

    經過十五集探索26世界嘅旅程,除咗對唔同類型嘅電單車,以及點樣操控唔同車種更加了解,Alton 仲成功擴闊自己嘅26交友圈!喺呢個節目嘅尾聲,一於舉辦車聚,大家一齊感受26精神!