-
E1壽司 (I)
日本，你真識食？帶你深入探討日本嘢到底點食！有宵夜界男神BABYJOHN同大家嘅爺爺岑珈其，一齊玩遊戲贏獎品，爭奪總值$15000嘅日本餐廳禮卷！
-
E2壽司 (II)
講到壽司，點可以唔提大家都一定食過嘅迴轉壽司呢？迴轉壽司嘅最佳座位同升級食法，你又識唔識？唔知會唔會考起BABYJOHN同岑珈其呢？
-
E3拉麵 (I)
日本人對拉麵嘅重視程度不容忽視，所以喺橫濱設立了拉麵博物館！到咗逢星期三嘅拉麵之夜，當然要去參觀吓拉麵博物館！唔知BABYJOHN同珈其嘅最後呢一集，邊個可以拎到獎品返屋企呢？
-
E4納豆 (I)
納豆絕對係日本嘅國民美食，營養豐富而且價廉物美，更加有多種口味！今次有金舌頭嘅Ah Gi同可以一日食十餐嘅米媽面對納豆呢款神奇美食，唔知佢哋覺得如何呢？納豆製作教室上發現原來納豆嘅包裝都有高深學問！你哋又識唔識呢？
-
E5納豆 (II)
今集主題繼續係納豆！主持同嘉賓更會示範多款納豆升級食法，令你容易接受又好味！Ah Gi同米媽喺呢集除咗要爭奪獎品外，仲要避開納豆地獄食法嘅大懲罰！到底邊個贏邊個輸？
-
E6味噌
日本嘅味噌湯大家都飲過，但原來味噌呢樣嘢都大有乾坤！今日就有Kaying同余德丞兩位一齊試食味噌！到底味噌呢款咁精簡嘅食品，可以點令兩位嘉賓食到搲晒頭？
-
E7築地
有”東京廚房”之稱嘅築地市場係遊客必到景點！就算多咗個豐州市場都好，仍然不減築地市場嘅吸引力！充滿人情味嘅築地市場仲有啲咩意想不到嘅嘢？今集Kaying同余德丞就食住豪華海鮮丼，睇吓築地市場有咩嘢玩？
-
E8拉麵 (II)
又到星期三—拉麵之夜！上星期三見識過咁多傳統同元祖拉麵，今日就試吓新奇有趣嘅拉麵！今次依然有Kaying同余德丞一齊嚐遍多款特色拉麵！今次被唔同新式拉麵帶黎味蕾新衝擊之後，佢哋兩個人邊個會突然開竅，贏得呢15000蚊嘅美食禮券呢？
-
E9便利店
今次請嚟ViuTV美少女組合嘅Alice同Yoyo，一齊食盡便利店美食！兩位美少女對於便利店嘅窮人恩物有幾多了解呢？杯麵嘅昇華食法，佢哋識唔識食呢？兩位美少女對便利店料理又有咩感受呢？
-
E10咖哩
今日繼續有美少女Alice同Yoyo爭奪15000蚊嘅美食禮券！原來日本有星期五食咖哩嘅典故！但係點解呢？睇吓兩位美少女點樣剖析！今集嘅大懲罰到底又係咩呢？
