-
E1韓國留學之旅Let’s get started！
COLLAR成員Day & Candy 嘅第一個旅行節目，本來以為兩個吃貨，一定係食勻全韓國，點知飲食節目變成教育節目，要佢哋去學韓文！
-
E2望遠市場掃街 & 仁寺洞散步
Day & Candy喺旅客中心職員嘅介紹下，去到望遠市場搵食，兩個立即發揮吃貨本色，狂掃韓式街頭小食，食得津津有味，又大玩椪糖 Challenge，贏咗可以去超市任掃貨，究竟佢哋買咗啲咩？
-
E3新沙尋根 & 決戰首爾塔
Day曾經喺韓國做練習生，今集佢會帶Candy重遊當年佢嘅生活圈，仲食咗佢回憶中嘅麵包同咖啡，暢談往事，之後去到影韓式貼紙相「人生四格」，留下美好回憶。
-
E4益善洞復古裝打卡
Day & Candy去探訪香港留學生Xenia，同佢傾吓喺韓國留學嘅日常生活以及所面對嘅問題，究竟佢哋又有無想去留學嘅衝動？
-
E5迷妹的江陵之旅
Day & Candy決定來一個小旅行，遠赴江原道東邊嘅江陵！呢度係韓國人嘅旅遊勝地，除咗有好靚嘅海景，更加係大熱韓劇嘅取景地！佢哋兩個都係韓劇嘅fans，嚟到呢度梗係要做返個小劇場過吓戲癮！
-
E6上跳舞課 & 弘大Busking
節目組又畀考驗Day & Candy，要佢哋進行購物大對決，一向係智慧擔當嘅Candy，竟然會老貓燒鬚？節目組安排嘅禮物，係去到韓國舞蹈學校上堂，Day搵嚟兩位朋友伊婷同TY一齊上堂。
-
E7中浪區閒逛 & 聖水洞溫書
Day嘅朋友伊婷去咗韓國留學，Day特別前去探訪，更向Candy分享佢哋識於微時嘅經歷及趣事。之後佢地一齊喺伊婷住嘅社區閒逛，當然離唔開食！
-
E8韓服屋打工初體驗
留學其中一個好重要嘅元素，就係返part-time！Day & Candy去到韓服店打工，體驗一日店員嘅工作，睇起嚟好似簡單嘅工作，原來內裡大有學問。
-
E9漢江情人節約會
適逢情人節於韓國度過，Day & Candy來一場閨密約會！韓國情侶必去嘅拍拖聖地，一定係漢江沿岸！
-
E10初嘗滑雪滋味
難得在冬天到訪韓國，當然一定要去滑雪！Day & Candy從來未試過呢項運動，今次一早已經寫入to-do-list，佢哋搵埋伊婷去到江原道嘅滑雪場，喺教練嘅指導下，佢地可唔可以成功學識滑雪？
-
E11韓文特訓營
韓國之旅進入倒數階段，Day & Candy的韓文大有進步，節目組特別安排咗一個特訓營，等佢哋同一班香港留學生聯誼下，增進感情，而特訓營只有一個規則，就係只可以用韓文溝通！
-
E12韓國家庭Homestay體驗
同香港留學生相處可能仲應付到，同韓國人相處又點呢？Day & Candy 拜訪一個韓國家庭，來一個短短的Homestay體驗，學吓煮韓餐！
-
E13釜山畢業之旅 (I)
韓國之旅的最後一站，是Day & Candy的釜山畢業旅行！佢哋暫時放下學生身份，做返遊客，除咗去到景點打卡吃美食，仲實現咗Day想去玩機動遊戲嘅願望！
-
E14釜山畢業之旅 (II)
釜山在疫情期間有好多新旅遊景點開幕，Day & Candy梗係要去一睹為快！佢哋去到Busan X the sky觀景台，畏高嘅Candy真係嚇到花容失色！
-
E15驗收成果
韓國之旅終於嚟到尾聲，Day & Candy做presentation嘅大日子終於都嚟喇！究竟佢哋嘅表現如何？老師收唔收貨？完成呢個大project，當然要去慶功！
