-
E30甲亢
甲亢、甲減、甲狀腺，聽完都唔知係咩？今集主持強尼、米露迪、Ash，仲有嘉賓Coffee，一齊睇片長知識，了解甲亢問題！原來Coffee都曾經有過甲亢，最後點醫好？食藥食得咗，甲亢會變甲減？甲亢又有幾辛苦？
-
E31社交恐懼症
唔想出街，社恐指數加一……而家個個都話自己有社恐，咁其實社恐又係咩？今集主持強尼、米露迪、Ash，仲有嘉賓Sica，搵埋醫生講吓社交恐懼症！社恐可以嚴重到唔敢出門口？社恐又有冇樣睇？身邊人可以點幫手？今集我想身體健康，伸手拯救社恐朋友！
-
E32腎炎
成日話好腰好腎好男人，究竟係咪真有其事？今集主持強尼、米露迪、Ash，仲有嘉賓周漢寧，一齊搵醫生了解腎炎！點先叫做一個好腎？一個腎有病會發生咩事？腎炎又可以點醫？今集我想身體健康，學做一個好腰好腎好男人！
-
E33妊娠毒血症
妊娠毒血症，毒血兩個字聽落好恐怖，究竟係點解？今集主持強尼、米露迪、Ash，仲有嘉賓阿Yu，一齊請教醫生！邊類孕婦容易有呢個病？準媽媽又有咩要注意？今集我想身體健康，幫全天下準媽媽制定安胎計劃！
-
E34紅眼症
紅眼症，係咪就係雙眼通紅咁簡單？原來係結膜炎嘅一種？今集主持強尼、米露迪、Ash，仲有嘉賓阿Mag，一齊請教醫生！阿Mag原來都係紅眼症過來人，佢嘅染病經過仲匪夷所思？今集我想身體健康，同你睇穿紅眼症！
-
E35淋巴癌
成日聽人講通淋巴，咁究竟淋巴係啲咩？又喺身體邊度？今集主持強尼、米露迪、Ash，仲有嘉賓Yoshi，一齊請教醫生咩係淋巴癌！相比其他癌症，淋巴癌有幾難醫？點樣可以Check到自己有冇事？今集我想身體健康，同你分析淋巴癌！
-
E36梅毒
性病，所有人聽到就驚，咁究竟有冇得醫？今集主持強尼、米露迪、Ash，仲有嘉賓J.Arie一齊請教醫生，了解梅毒係咩一回事！唯獨潛伏期有幾長？共用廁所會唔會傳染到？仲有咩匪夷所思嘅症狀？今集我想身體健康，同你公開講性病梅毒！
-
E37減肥
減肥唔係病，但有咩病同減肥有關？今集主持強尼、米露迪、Ash，仲有嘉賓蘇皓兒一齊請教醫生，了解飲食失調！原來厭食同暴食症嘅症狀咁相似？點樣先可以搵返正常飲食生活？仲有素人分享減肥之道！今集Special我想身體健康，一齊剖析飲食失調！
-
E38哮喘
成日喘成日咳，咁算唔算喘哮？哮喘同氣管敏感又有冇分別？今集主持強尼、米露迪、Ash，仲有嘉賓潘杰寧一齊請教醫生，了解哮喘這回事！究竟咩人會有哮喘？觸發點又係咩？今集我想身體健康，拒絕哮喘！
-
E39胰臟癌
聽人講「胰臟癌」，咁本身胰臟喺邊度？又有咩用呢？今集主持強尼、米露迪、Ash，仲有嘉賓林奕匡一齊請教醫生，了解胰臟癌！胰臟癌一發現就末期？咁可以點樣Check到？仲有咩謬誤大家唔知道？今集我想身體健康，解決胰臟癌！
-
E40肺炎
講「肺炎」，大家都諗起Covid。咁除咗呢樣，肺炎又係咩病呢？今集主持強尼、米露迪、Ash，仲有嘉賓陳葦璇一齊請教醫生，了解肺炎！肺炎原來有好多種？以前聽人講「退伍軍人症」都關事？肺炎又會唔會致命？今集我想身體健康，保護大家個肺！
-
E41強迫症
好多人話自己有強迫症，所有嘢要做到100分。係咪咁樣就叫強迫症？今集特別篇，主持強尼、米露迪、Ash，仲有嘉賓Kenji一齊請教醫生，解開強迫症謎思！
-
E42敗血病
一聽到「敗血病」就知好大件事？係咪隨時會致命？今集主持強尼、米露迪，仲有嘉賓Sarika一齊請教醫生，睇吓敗血病有幾咁致命！原來敗血病同免疫系統有關？黃金治療時間應該點做好？今集我想身體健康，解救敗血病！
-
E43鼻咽癌
鼻咽癌咁危險，有冇得自己察覺到？除咗個鼻，仲會有咩事？今集主持強尼、米露迪、Ash，仲有嘉賓李靖筠Gladys一齊請教醫生，搵出鼻咽癌嘅先兆！原來鼻咽癌又叫廣東癌，同香港好有關？食煙又係咪一定會引致鼻咽癌？今集我想身體健康，認知鼻咽癌！
-
E44肝硬化
首集嘉賓娟姐再次出現？唔通佢身體好唔妥？今集講肝硬化，唔通佢識晒答案？今集主持強尼、米露迪、Ash，加埋娟姐強勢回歸，一齊搵醫生解救肝硬化！肝硬化原來冇得醫？有樣嘢叫肝昏迷？點樣先救到個肝？今集我想身體健康，保護大家個肝！
-
E45白內障
白內障係退化病？有冇人後生就會有？做手術危唔危險？今集主持強尼、米露迪、Ash，仲有嘉賓許靖韻Angela，一齊搵醫生驗驗眼，分析白內障！以前話隻眼「熟」晒先好做手術，咁即係點解？而家又係咪咁？今集我想身體健康，落足眼力留意白內障迷思！
-
E46生蛇
成日講生蛇好危險，生一圈就會死，究竟係咪真？今集主持強尼、米露迪、Ash，同埋嘉賓趙慧珊Aka，一齊搵醫生解答生蛇迷思！
-
E47灰甲/ 口臭/扁平足
生活中總有啲難以啟齒嘅小病小痛，跟住講呢幾樣會唔會你都試過？今集特別報篇主持強尼、米露迪、Ash，同埋嘉賓許月湘，一齊搵醫生講吓小病痛！跑馬拉松容易有灰甲？口臭可能係大病先兆？扁平足原來有分先天後天？
-
E48ADHD
成日聽人講過度活躍症，究竟係好動定真係有病？正式學名仲包埋另一個病？，今集主持強尼、米露迪、Ash，同埋嘉賓謝咏欣，一齊搵醫生了解ADHD！ADHD患者同普通人有咩分別？係咪所有患者都先天遺傳？家長可以點樣教小朋友？
-
E49運動創傷
人人都試過受傷，但肯定人人都唔想受傷！奧運在即，今集特別編，主持強尼、米露迪、Ash，同埋前劍擊運動員大師兄張小倫，同大家探討運動創傷！運動創傷分急性慢性，原來有骨折都可以係慢性造成？最易患上網球肘唔係網球員，而係普通人？
