-
E1子宮肌瘤
我想身體健康，幫大家拆解不同奇難雜症。今集主持強尼、咖喱、Ash和嘉賓娟姐，透過模擬片段和專家解答，一同探究婦科病「子宮肌瘤」。在場女士中，究竟誰是高危者？誰又爆出自己「子宮好靚」？
-
E2三高
人人都知「三高」好恐怖，但係咪人人都知點樣醫？今集主持強尼、Ash、米露迪，聯同嘉賓肥腸，一同向醫生請教！三高隨時搞到你周身病，一唔小心仲會中埋風！今集我想身體健康，同大家拒絕三高！
-
E3腕管綜合症
都市人成日都掛住上網，究竟成日撳電話同電腦，隻手有幾傷？今集主持強尼、Ash、米露迪，聯同嘉賓嘉盈，一同向醫生請教，拆解腕管綜合症！手腕重複做同一動作，輕則痛到夜晚瞓唔着，重則隨時肌肉萎縮！除咗撳電話，懷孕女士都係高危人士！究竟係點解？
-
E4濕疹
濕疹，搞到成身皮膚都又紅又乾，呢個病究竟有冇得醫斷尾？今集主持強尼、咖喱、Ash，聯同嘉賓 Hailey，搵埋專家醫生，誓要搵出對抗濕疹嘅方法！濕疹同皮膚敏感究竟有咩分別？搣吓濕疹位係咪止到痕？除咗係戒口，仲有咩方法醫濕疹？
-
E5腸易激綜合症
腸胃唔舒服，應該係每個人都經歷過嘅苦事。但如果成日都腸胃唔舒服，嗰種辛苦真係難以想像！今集主持強尼、Ash、咖喱，仲有嘉賓許寶恆Alice，一齊向醫生請教，究竟「腸胃激」係咩病！原來有「腸腦軸」呢個講法，腸同腦大有關係！
-
E6顳下頜關節綜合症
有冇聽過人講牙骹位唔舒服？原來牙骹痛都係一個都市病！今集主持強尼、Ash、咖喱，仲有嘉賓陳子豐，一齊問吓醫生，究竟做錯咩事會令你牙骹出事？原本唔只食嘢關牙骹事，情緒差瞓得差，一樣關牙骹事！今集我想身體健康，重新認識你每日都用緊嘅嗰個牙骹位！
-
E7牙周病
流幾多牙血就係有牙周病？你究竟有冇好好清潔你棚牙？今集主持強尼、Ash、咖喱，仲有嘉賓吳林峰，向醫生請教，搵出牙周病成因！牙周病從來都只係關棚牙事，分分鐘搞到你有其他併發症！今集我想身體健康，幫大家搵返健康牙齒！
-
E8皮膚癌
曬太陽吸引維他命D好健康？原來曬得多隨時致癌！今集主持強尼、Ash、咖喱，仲有嘉賓陳安立，搵醫生請教，皮膚癌到底有幾常見！咁多種致命癌症入面，原來皮膚癌都「名列前茅」！看似健康嘅小麥膚色，原來可能已經代表你曬傷咗？
-
E9大腸癌
肚痛真係可大可小，最嚴重甚至係有癌症！今集主持強尼、Ash、咖喱，同埋嘉賓Thor，一齊問吓醫生，點樣可以小心大腸癌！如果大便習慣有改變，可能係大腸癌先兆！成日坐、唔郁，都有機會發病！今集我想身體健康，同大家一齊Check吓自己身體！
-
E10子宮內膜異位
成日聽人講「朱古力瘤」，究竟係咩嚟？會唔會致命？今集主持強尼、Ash、米露迪，同埋嘉賓Yoyo，向醫生請教，了解子宮內膜異位症！Yoyo分享拍旅節目遇到便祕情況，係咪關子宮事？患病界KOL米媽亦分享以前患病經歷！
-
E11柏金遜症
成日去廁所，問題可能出自你個腦！如果個腦慢慢退化，後果有幾嚴重？今集主持強尼、Ash、米露迪，同埋嘉賓冰姐，向醫生請教，拆解柏金遜症！究竟柏金遜同認知障礙有咩分別？發得多惡夢都係患病先兆？究竟有咩方法可以預防到柏金遜症？今集我想身體健康，幫
-
E12氣管敏感
小朋友係咁咳又喘晒氣，究竟係氣管敏感定哮喘病？今集主持強尼、Ash、米露迪，同埋嘉賓Soko先生，向醫生請教，分析兒科病！Soko先生一嚟到香港就係咁生鼻毛，原來係因為香港係氣管敏感之都？養小動物，奴才易有氣管敏感又係唔係真？
-
E13乾眼症
對眼成日都好乾，睇嘢仲濛濛地，搞咩呢？今集主持強尼、珈喱、米露迪，同埋Isabella陳海寧，搵醫生請教，剖析乾眼症！原來女主持同嘉賓都有一套戴隱形眼鏡嘅心得？睇戲好易喊嘅人係咪就唔會有乾眼症？最新技術用脈衝治療？太多太多疑問！
