-
E1神秘大佬決戰6膠
新一季【膠戰】正式開戰，餓 Game 多時嘅 6 膠，早已摩拳擦掌，準備喺【膠戰】大展玩膠所長。就喺開拍前一刻，Edan同 Jeffrey 竟然喺 ViuTV 化妝間畀神秘大佬嘅手下擄走……
-
E2運氣大對決
無論係比賽定遊戲，有人相信只要本身能力夠強，即使面對連場硬仗，都可以坐定粒六穩操勝券；但亦有人深信「好波不如好運」，皆因運氣都係實力嘅一部份，只要夠運，大衛都可以打贏巨人，聖馬力諾都可以由魚腩變超人!
-
E3膠人馬友大對決: 奪回爺爺篇
常言道：「阿爺喺大廳，大家唔使驚！」但大家又點估到，阿爺竟然有兩頭住家！弊傢伙玩大咗～身為綜藝紅人嘅珈其，除咗係膠人，仲有另一個身份，就係星期五「730馬友」。你估齊人之福咁易享咩？
-
E4「晉升」大作戰
6膠化身「膠戰有限公司」唔同部門嘅員工，佢哋個個都非常熱愛返工，但係佢哋喺公司工作咗好一段日子，都仍然未有得晉升。為免人才被同行挖角，同時為咗增加員工對公司嘅歸屬感，「膠戰有限公司」嘅C膠O，決定舉行N年一度嘅「晉升大會」...
-
E5膠級藝術俱樂部之謎
一年一度嘅「膠級藝術俱樂部會員聚會日」，匯聚咗一班全城最頂尖嘅「藝術膠」。為咗考驗下各位「藝術膠」係唔係擁有符合俱樂部要求嘅智慧同藝術造詣，俱樂部準備咗一系列嘅考驗畀佢哋。各位「藝術膠」好好享受今日嘅party！
-
E6be ONline game
機場入面一部手機響起，將6位膠人聯繫埋一齊，電話裡頭係一個被困喺黑房嘅神秘女子，作為有可能係唯一救到佢嘅人，女子唔放棄機會向膠人發出求救訊號，雖然同對方素未謀面，但6膠秉承大愛精神，救人要緊，決定喺機場展開一場拯救行動！
-
E7膠運會2.0
一年一度膠運會又開爐，上一季6膠畀一眾嘉賓碾壓完敗，今季勢要一雪前恥。既然之前輸畀前港隊運動員，咁今次就一於挑戰現役運動員。單純鬥體力嘅運動比賽對一眾膠人們已經太簡單，所以今屆膠運會索性一次過鬥晒大家嘅體力、智慧同演技。
-
E8膠記冰室大混戰
所謂搵食艱難，喺咁大競爭嘅社會裡面想搵份工你估話咁易咩。6膠為求搵到兩餐食，化身成茶餐廳實習生，爭奪僅有嘅3個員工名額。
-
E96膠老人院
五十年後嘅某一日，喺6膠老人院裡面，6位老人膠（簡稱6膠）食飽飯冇嘢做，諗咗個世紀大陰謀——用「老人院」名義搵製作組籌款！點知呢個陰謀，被日日喺老人院扮工嘅院長識穿咗，一個唔該就獨吞晒佢哋嘅「善款」，仲話要6膠喺扮工時間同佢玩遊戲解悶！
-
E10膠戰狼人殺
6膠定期都會參與狼人殺聚會，喺一次狼人殺玩局之後，6膠因為豬隊友派膠而輸，其後輸家失去理智，紛紛指責豬隊友，而其他玩家亦相繼離場。力求再戰復仇嘅6膠，就急於尋找新玩家加入玩局。
-
E11膠戰人生膠叉點
人會屎忽痕，膠の天神都唔例外，佢得閒得濟無事做，聲都唔聲就用反老還童光束，將6膠send 咗去做返個3歲細佬哥，由幼稚園重新嚟過，經歷人生唔同嘅膠叉點作致勝嘅抉擇成為富豪！
-
E12膠嘢一天遊
隨住6膠名氣越大，大家都越嚟越忙。每日連跑幾十個行程，連休息時間都唔夠。製作組為咗畀各位開心吓，特意安排6膠今日嚟chill吓。但製作組邊有咁簡單，要抖都唔係一件簡單事，想開開心心度假就要贏到今日嘅比賽啦。
-
E13膠戰無極限: 真心膠大冒險
膠戰由2020年開始至今已經接近3年，《膠戰》、《膠戰新春SP》、《膠戰S2》、《膠戰SSP》到《膠戰S3》總共已經播出咗46集，2,335分鐘...真係歡樂嘅時光過得特別快，今集就係《膠戰S3》嘅最終話啦！
