-
E1英國猛鬼古堡 (I)
<撞鬼自駕遊> 派出自稱”少年鬼王”嘅193同Ash遠赴英國，以自駕遊形式尋找猛鬼熱點。仲要以身犯險，探索地區恐怖傳說、使用西式靈探儀器，誓要揭開英國鬼魂真面目!
-
E2英國猛鬼古堡 (II)
繼續”英國最猛鬼古堡” 靈探之旅。傳聞有鬼魂出沒嘅牢房內，193同Ash到底探唔探測到靈體? 古堡仲有用各種恐怖刑具拷問犯人嘅拷問室，主持喺入面嚇到臉青青，仲聽到奇怪聲響!
-
E3英國猛鬼古堡 (III)
英國最猛鬼古堡靈探第三章! 193同Ash喺睡房內發現神秘暗門，到底會帶佢哋通往咩地方? 去到又會見到啲咩恐怖嘢?
-
E4紐卡素19世紀古堡式監獄
離開古堡之後，193同Ash自駕遊去到紐卡素，進入一條接近200年歷史嘅漆黑隧道。隧道曾經喺二次大戰成為防空洞，入面發生過幾多意外同慘劇，又有幾多冤魂仍然喺隧道內徘徊?
-
E5約克猛鬼酒店 (I)
193同Ash嚟到被譽為”全英國最猛鬼城市”嘅約克，率先走入大學校園，尋找亨利八世被處死嘅妻子怨靈! 到底係邊一任妻子被處死? 原因又係咩? 主持誓要查根究底!
-
E6約克猛鬼酒店 (II)
上集Ash去到約克猛鬼酒店，未開始拍攝已經疑似撞邪。服食七師傅贈畀佢嘅藥丸之後，情況會唔會有好轉? 既然Ash唔住得57號房，193就要頂硬上!
-
E7約克猛鬼酒吧 (I)
繼續約克撞鬼之旅，193同Ash去到一間600年歷史嘅酒吧，喺當地靈探嚮導介紹之下，發現裡面幾乎每個角落都發生過怪異事件!
-
E8約克猛鬼酒吧 (II)
約克猛鬼酒吧靈探之夜尚未完結，193同Ash喺酒吧二樓發現滿佈隱藏壁畫嘅會議室，氣氛詭異，十足邪教儀式現場!
-
E9威爾斯瀑布
約克靈探之旅終於完成，193同Ash駕車前往下一站 — 威爾斯! 傳聞有一隻生前犯下殺人埋屍罪嘅惡靈，死後被困於瀑布，接受永遠被水沖擊嘅懲罰。
-
E10無人古堡 (I)
繼續威爾斯撞鬼之旅，193同Ash去到一座非常巨大但係破落無人嘅古堡Gwrych Castle。古堡大到會蕩失路，仲發生過管家同僕人離奇死亡嘅事件，傳聞佢哋死後，鬼魂仍然留喺古堡內!
-
E11無人古堡 (II)
193同Ash喺Gwrych Castle嘅第二晚，整座古堡只剩低兩位主持，加倍令人心寒! 雜物房探測到有鬼不特止，破落不堪嘅雲石樓梯仲傳聞係古堡主人Winifred女伯爵鬼魂出沒嘅地方!
-
E12臨海小鎮Prestatyn
威爾斯靈探之旅繼續。一個臨海小鎮Prestatyn，明明係沙灘渡假勝地，點解會有白衣鬼修女出沒? 還是另一個傳說，入面高大兇惡嘅女鬼先至係真身?
-
E13利物浦百年銀行
193同Ash離開威爾斯，向利物浦進發! 不過途中佢哋要先去山上，搵一座發生過殺人埋屍、仲有邪教聚會舉行嘅神秘風車! 喺黑夜之中嘅草原搵呢座邪靈風車有幾驚險? 主持又喺風車發現一堆詭異嘅圖案同刻字! 到底有咩含意?
-
E14百年警署
繼續利物浦地下隧道靈探! 193同Ash終於搵到銀行金庫，但裡面嘅靈體拒絕同主持溝通，最終要用咩方法先可以重啟對話? 對話中又可唔可以知道靈體被殺嘅原因?
-
E15利物浦墳場
<撞鬼自駕遊>最後一集，打大佬! 去到利物浦埋葬咗超過6萬人嘅墳場，193同Ash腳下踩住嘅每一步，可能都係屍體! 問你怕未?
