-
E1東京10分鐘便當達人
港日兩邊住嘅Hanna、與納米屋主Isabella，延續「納米無明火」嘅貼地同好心地，出走東京，見証更離奇、更熱血嘅追夢故事。
-
E2澳門仔滑雪夢
澳門人Moses 對滑雪上癮，終極目標係喺日本開滑雪學校，為夢想佢邊做茶記邊做教練儲錢，每個周末日花四個鐘，即日來回東京最近雪場練習！
-
E3港男設計師精明之選
港男Ryan本為設計師，頂唔順日本嘅職場文化，決心裸辭重新整頓自己，家住高田馬場studio flat，坐擁新宿、中野、池袋都心開揚絕景。
-
E4東京納米大廈
東京有地產商睇準年青男女上京追夢嘅商機，專起比龍床盤更細嘅90呎單位，二十出頭嘅萌菜為咗去東京做髮型師，住喺呢個比車位更細嘅屋企，好彩家有貼心爸爸全力支持，為愛女嘅納米單位手製傢私，收納歸一之餘又隨手可得！
-
E5單親媽媽搵屋記
東京廿三區當中，港區等同中環心臟地帶。淑子本來係港區貴婦，幾年前身心經歷鉅變，由七百呎搬去二百呎，落難嘅佢仍然心繫港區繁華，由七百呎搬去二百呎，床可以唔要，但一定要留底舊屋巨型L型梳化，堅信某天可以回到昔日時光。
-
E6納米雞蛋仔店舖
港人Stanley喺新宿租60呎納米舖，賣港式雞蛋仔，幾年間賣過40000底！同時在北新宿買入一人單位做業主，人在異地看似又安居、又樂業，不過心底裡還，還有一個在東京買地起dream house嘅夢想。
-
E7港女東京藝術之夢
Carmen在港畢業後考入東京殿堂級藝術學府-武藏野美術大學，多年來累積半工讀經驗值、熟知最筍part time 門路。家住東京最宜居小區吉祥寺附近嘅武藏小金井，窩居於唔夠200呎嘅單位，全為咗一個眾人眼中搵唔到食嘅油畫藝術夢！
-
E8著名建築師納米愛巢
日本建築師保坂猛同太太嘅愛巢，空間同車位大小差唔多，冇梳化、冇房間，偏偏奢侈到可以有露天浴池、小花園，仲有一個可以睇到到東京夜空嘅天窗。
-
E9舞台劇導演夢
Indi 8年前隻身上東京，千方百計要踏上東京劇社舞台，從低做起，台前幕後置景打雜乜都肯試肯做，終於得到一個自編自導劇作嘅機會！
-
E10新興文青區仙川女生部屋
樹璃小姐才20出頭，一個女仔由栃木縣赴京追夢，希望有朝一日可以成為歌舞演員。她睇中仙川跳舞學校林立，周圍都有咖啡小店，甚有自由之丘嘅文青氣息，於是租咗呢區一個200呎單位，成為佢安心追夢之所。
