-
E1呢個Women，呢刻要爆啦！
女人係公路炸彈？主持竭力平反，點知個個係炸彈！ 倪晨曦油門當逼力、杰寧「朋友」（她稱）發嬲即煞車，娟姐疑患左右障礙症。主持力撐問題與心理學有極大關係， 倪晨曦迫出潛力，心算 Countdown 兩秒駕駛距離，結果只差零點零四秒，技驚四座。
-
E2慾火戰車
出賣朋友大爆料；Elva男性朋友叫女伴作「手部運動」提提神，詎料意外煞車「命根」不保。杰寧男性朋友玩陰濕，叫女友站立往窗外觀星，自己就施「猴擒剝裙手」順勢車震。娟姐朋友則AV女優上身，將車廂變戲棚。
-
E3車埋你？可一不可載
女司機經常被乘客焫著，主持忍無可忍，數臭乘客七宗罪：杰寧載客，時速僅80，卻不停被嘮叨駕駛安全，有損自尊；娟姐做乘客一樣有苦水，曾坐男友車，他「契妹」隨行，竟坐在副駕座，完全無視她…
-
E4我咁索，唔係唔pass吓？
靚女考車有着數？娟姐向拍檔打探考車攻略，換來靚女考牌辛酸史。杰寧考牌四次；第一次衝燈，第二次幾乎撞到阿婆！Elva更狂考足五次，筆試都肥。杰寧引用心理學，直言女人考車比男人更難。
-
E5偷食唔抹車
主持化身偵探，搜查男士在車中偷食的誅蛛絲馬跡！Elva及杰寧分享前度疑似出軌的離奇事件，娟姐更曾身受其害，大爆前度在車中出軌的真實故事，另外還會傳授預防男友偷食的奇招。
-
E6有酒今晚吹…波波
酒後駕駛，千祈咪制。杰寧分享醉駕經驗，雖未超標但遇上警方路障嚇餐死； Elva曾酒後企圖開車，憶述當時心理交戰過程；娟姐坐過醉酒朋友順風車死過翻生。
-
E7我要做車模
香車配美人，節目請來性感車模即場教路；杰寧唔夠高度，擺騎呢 Pose殺出血路 、Elva 發揮Model功夫，一試上手全場歡呼。車模除分享行業辛酸，更大爆上位秘訣，面對鹹濕龍友的自保方法。
-
E8慳妹揸車攻略
娟姐直言「買車容易養車難」，欲於考牌前未雨綢繆，向杰寧同Elva請教養車慳錢方法，並綜合各方意見，公開七大慳錢攻略。誰知兩位「前輩」竟是反面教材：杰寧為慳隧道費，意外撞車爆軚，得不償失；Elva 亂咁踩油，淪為老公話柄，非常敗家。
-
E9愛棍天后
喺香港竟然有班女仔，揸棍波揸到開車會？車會會長現身說法，為女士平反各種迷思。三位主持欲申請入會，可惜娟姐冇車牌，連模擬器都玩到一頭霧水；Elva手勢合格，但腳掣分不清，更自爆揸車時會放空；唯有杰寧信心滿滿，表示連坦克都揸過。
-
E10速度與激情
為咗追求快感，Elva不惜犯險，踩至百四；杰寧甚至大動肝火，「煎人一巴」！快車並唔係咁揸，不如都係請教專家！年輕車手可愛現身，笑容背後實力非凡，更令娟姐「拗」唔過！賽車考牌雖易，卻是有錢人玩意，主持表示：入行前要諗真啲！
-
E11汽車做 Facial
人不可貌相，甜美杰寧原來懶到出汁，嫌煩從不洗車，相反姿整Elva日日抹車，護理做足。洗車屋女老闆大談汽車護埋重要性，女子入行易搵錢，即場sell到杰寧想買洗車套票。主持試做學徒抹零件，娟姐手勢超凡，嘆為觀止。
-
E12新春揸車行大運
初三赤口， 七師傅免傷主持和氣，搶咪講足全集；除大談酒後七日，醉意未醒撞冧大樹的「靈異」醉駕事件外，更公開揸車催運大法，旺乜色邊區好，車中開運五大法寶。杰寧及Elve犯太歲，娟姐紅鸞星動行蜜運，但師傅千叮萬囑，切勿車震，否則後果堪虞。
-
E13情迷兩個轆
電單車踩入錄影廠，型爆女騎士講述入坑及被男仔狂追的故事。杰寧分享在澳門坐綿羊仔的驚險經歷、Elva父母因電單車成眷侶，自己更曾開大膽車、娟姐憶述讀書時代「烈火戰車」愛情故事，與鐵騎士一段難忘情緣。
-
E14「豪」講車經
車迷洪嘉豪攜新歌《黑玻璃》踩場，憑歌寄意大談車廂浪漫史。娟姐與豪更相識微時，大爆他在自修室的溝女故事。另外，主持分享專屬汽車歌單；Elva為滿足子女，坐駕滿戴兒歌猶如兒童樂園。杰寧熱愛有beat歌曲，培養愉快心情chill住揸。
-
E15考牌考到癲
考牌難考完更難。新牌仔時的Elva攞牌兩年唔敢揸，杰寧借車苦練，借無可借才當車主。但考牌考足十一年才有牌的J.Arie，考牌陰影揮之不去；一次被狗仔隊騷擾，另一次被編隱藏路線，杰寧以「暴露療法」力挽J.Arie信心。
-
E16索爆女司機
後生司機靠唔住？索爆女司機以美女角度探討行內苦與樂，賺錢容易但貼士多，又試過遭客人索吻，三主持分享與司機騎呢奇遇。
-
E17一車女人嘢
幕後玩陰毒，突擊檢查主持車廂； Elva全車化妝品，車籠竟沾唇膏印？杰寧滿車紙巾，用過的藥水膠布都有，大開眼界。另外準備了四款騎呢車主神器，給主持大玩競猜遊戲，娟姐將尿壺當水壺，場面搞笑。
-
E18賣車女皇
二手車對於娟姐嚟講，平得嚟又襟撞；杰寧同Elva唔熟車，最怕遇到蠱惑嘢。主持自問口齒伶俐，即場賣車獻技，誰知頻頻犯錯，全因太過囉嗦。車行女老闆親身示範，除咗要提供睇車嘅空間，仲要解決客人嘅困難，主持慨嘆：賣車真係唔簡單。
-
E19電競女車神
首屆《一車》錦標賽激情上演，主持們紛紛出戰！娟姐雖以1秒之差力壓Elva，但二人卻只敢以1波慢駕；杰寧表現優秀，成績比得上賽車手，更玩到唔願走。今集請來電競車隊選手Cythia，分享電競賽車文化，更表示該行前途無限，盼望有更多女性參加。
-
E20車禍回憶錄
馬路如虎口，主持驚險意外大回顧；Elva目擊攔腰撞車，杰寧雪中失控跣呔，娟姐不慎chok親頸。藝人衛詩雅經歷最恐怖，車前貨櫃突然撞壆，快多幾秒魂歸天國。期後懷疑患上揸車恐懼症，久久未能克服。
-
E21趁玩車留倩影
兩名女車癡搖身變了汽車專業攝影師，專門替車主及賽車單位留影。為滿足男車主，山旮旯找靚景，全車內外乜都要影；面對賽車活動，快車擦身而過也在所不惜；圈中男多女少，却又全無優勢，但二人仍樂於工作，一時技癢，更即場替杰寧與愛驅影靚相。
-
E22痛車女孩
女嘉賓深愛以動漫貼紙舖滿愛驅的日本「痛車」文化，享受那令人尷尬，不忍直視的快感（日文「痛」的意思）。他們不惜背上「毒Ｌ」之名，貼過萬蚊貼紙，被誤為改裝車而遭警員截查亦要享受那份「痛」感，當中連大學教授都有！
