-
E10速度與激情
為咗追求快感，Elva不惜犯險，踩至百四；杰寧甚至大動肝火，「煎人一巴」！快車並唔係咁揸，不如都係請教專家！年輕車手可愛現身，笑容背後實力非凡，更令娟姐「拗」唔過！賽車考牌雖易，卻是有錢人玩意，主持表示：入行前要諗真啲！
-
E11汽車做 Facial
人不可貌相，甜美杰寧原來懶到出汁，嫌煩從不洗車，相反姿整Elva日日抹車，護理做足。洗車屋女老闆大談汽車護埋重要性，女子入行易搵錢，即場sell到杰寧想買洗車套票。主持試做學徒抹零件，娟姐手勢超凡，嘆為觀止。
-
E12新春揸車行大運
初三赤口， 七師傅免傷主持和氣，搶咪講足全集；除大談酒後七日，醉意未醒撞冧大樹的「靈異」醉駕事件外，更公開揸車催運大法，旺乜色邊區好，車中開運五大法寶。杰寧及Elve犯太歲，娟姐紅鸞星動行蜜運，但師傅千叮萬囑，切勿車震，否則後果堪虞。
-
E13情迷兩個轆
電單車踩入錄影廠，型爆女騎士講述入坑及被男仔狂追的故事。杰寧分享在澳門坐綿羊仔的驚險經歷、Elva父母因電單車成眷侶，自己更曾開大膽車、娟姐憶述讀書時代「烈火戰車」愛情故事，與鐵騎士一段難忘情緣。
-
E14「豪」講車經
車迷洪嘉豪攜新歌《黑玻璃》踩場，憑歌寄意大談車廂浪漫史。娟姐與豪更相識微時，大爆他在自修室的溝女故事。另外，主持分享專屬汽車歌單；Elva為滿足子女，坐駕滿戴兒歌猶如兒童樂園。杰寧熱愛有beat歌曲，培養愉快心情chill住揸。
-
E15考牌考到癲
考牌難考完更難。新牌仔時的Elva攞牌兩年唔敢揸，杰寧借車苦練，借無可借才當車主。但考牌考足十一年才有牌的J.Arie，考牌陰影揮之不去；一次被狗仔隊騷擾，另一次被編隱藏路線，杰寧以「暴露療法」力挽J.Arie信心。
-
E16索爆女司機
後生司機靠唔住？索爆女司機以美女角度探討行內苦與樂，賺錢容易但貼士多，又試過遭客人索吻，三主持分享與司機騎呢奇遇。
-
E17一車女人嘢
幕後玩陰毒，突擊檢查主持車廂； Elva全車化妝品，車籠竟沾唇膏印？杰寧滿車紙巾，用過的藥水膠布都有，大開眼界。另外準備了四款騎呢車主神器，給主持大玩競猜遊戲，娟姐將尿壺當水壺，場面搞笑。
-
E18賣車女皇
二手車對於娟姐嚟講，平得嚟又襟撞；杰寧同Elva唔熟車，最怕遇到蠱惑嘢。主持自問口齒伶俐，即場賣車獻技，誰知頻頻犯錯，全因太過囉嗦。車行女老闆親身示範，除咗要提供睇車嘅空間，仲要解決客人嘅困難，主持慨嘆：賣車真係唔簡單。
-
E19電競女車神
首屆《一車》錦標賽激情上演，主持們紛紛出戰！娟姐雖以1秒之差力壓Elva，但二人卻只敢以1波慢駕；杰寧表現優秀，成績比得上賽車手，更玩到唔願走。今集請來電競車隊選手Cythia，分享電競賽車文化，更表示該行前途無限，盼望有更多女性參加。
-
E20車禍回憶錄
馬路如虎口，主持驚險意外大回顧；Elva目擊攔腰撞車，杰寧雪中失控跣呔，娟姐不慎chok親頸。藝人衛詩雅經歷最恐怖，車前貨櫃突然撞壆，快多幾秒魂歸天國。期後懷疑患上揸車恐懼症，久久未能克服。
-
E21趁玩車留倩影
兩名女車癡搖身變了汽車專業攝影師，專門替車主及賽車單位留影。為滿足男車主，山旮旯找靚景，全車內外乜都要影；面對賽車活動，快車擦身而過也在所不惜；圈中男多女少，却又全無優勢，但二人仍樂於工作，一時技癢，更即場替杰寧與愛驅影靚相。
-
E22痛車女孩
女嘉賓深愛以動漫貼紙舖滿愛驅的日本「痛車」文化，享受那令人尷尬，不忍直視的快感（日文「痛」的意思）。他們不惜背上「毒Ｌ」之名，貼過萬蚊貼紙，被誤為改裝車而遭警員截查亦要享受那份「痛」感，當中連大學教授都有！
-
E23的士大姐
美少女愛駕駛，揸的士寓工作於娛樂，礙於女仔身份常被行家打尖，醉客滋擾，駛至陰森路段人有三急又百般滋味在心頭。但的士亦另有趣味，如被客人瘋狂搭訕攞電話，乘客將後座變活春宮，人生百態無奇不有。
-
E24一車迷信嘢
「遇上靈車兜路走，買車忌在盂蘭後......」車主迷信之說，迷到你唔信；滿車掛滿佛珠、車軚雕刻聖經，入埋寺廟玩開光！外國車主更迷；十字路口停車祈禱，撞尾意外多到離譜，但最估佢唔到，入隧道閉氣許願，迷到缺氧即場暈倒。
-
E25女師傅駕到
教車界，女師傅僅佔百分之一；因性格腍善，深受女學神甚至修女歡迎。嘉賓Moti為了讓女司機撇甩「公路炸彈」之名，不遺餘力循循善誘：寧願做錯都唔好驚！打算考牌嘅娟姐，仲忍唔住即場斟茶拜師，舖定後路。
-
E26孕婦出沒注意
Elva三度陀B，卻對孕婦駕駛安全守則一無所知。專業助產士Doria現身指導：必須佩戴安全帶、軚盤近肚風險大、盡量避免長途車、速度亦要減慢些。更以的士分娩事件作告誡，勸喻孕婦切忌拖到最後一刻才入院。
-
E27駕勻全世界
出埠自駕遊大受歡迎，專業自駕專家 Myra 誓言遊偏全球，但無拘無束背後，隨時會嚇到一仆一碌；誤入偷車九反地滿地玻璃，巧遇飛車黨生死零距離。主持自駕遊更離奇，ELVA爆軚遇上鹿，杰寧午夜撞袋鼠，生死未卜！
-
E28房車賽女王
在男性主導的賽車世界，Denise作為僅存的女中豪傑，憑實力殺敵無數，勝利背後充滿辛酸：360度旋轉抄車險死一生、賽車場上被視眼中釘，對手故意撞車攬炒，更惡人先告狀落車辱罵，Elva都忍唔住大鬧無恥！
-
E29游住車河去游水
在08京奧進場式，泳手陳宇寧Elaine憑天使面孔及「193」身高豔壓全場，被封「京奧女神」。人靚游水叻，除天資與栽培，「戰友」私家車更少不了；清晨五時出發，往不同泳池練早水，泳衣泳帽「泳池味」一車都係。
-
E30無牌車手
被封「單車女神」的前港隊代表馬詠茹人靚車勁，更被邀擔任2020年東奧主持，轉戰幕前。雖冇車牌卻以車手自居，因昔日於公路常與汽車競速，險被大車氣流卷入車底。但女人最痛；莫過烈日操練曬成斑馬。
