-
E1入讀「智慧學園」
作為入學嘅第一日,當然要簡簡單單測試成員間嘅默契! 不過,輸咗要罰都係一個定律,所以遊戲每輸一局,佢哋下一集就會冇得用一款化妝品,為保靚樣,佢哋「茅招盡出」,打破觀眾既定印象!
-
E2COLLAR崩壞
人人都話一班女仔走埋一齊一定多是非,咁呢隊7人女團到底係唔係面和心不和呢?今集就要透過遊戲搵出COLLAR嘅真面目。
-
E33對3 智慧對決
上集Ivy被淘汰,代表佢永久退出「智慧學園」?節目組為保收視,Ivy將會變身成「財神」隆重登場!其餘成員就分成兩隊,進行3個遊戲,測試佢哋嘅「策略」、「記性」同「知識」上嘅能力!
-
E4為自己而戰
經過前兩集嘅淘汰,淨返嘅5位COLLAR成員將會喺今集進入一個爾虞我詐嘅世界,同之前唔同,今次唔再考驗佢哋嘅團結同默契,相反佢哋需要以獨立個體完成遊戲,透過計謀獲得最後勝利,唔係單靠運氣就能夠保命!
-
E5敗者復活戰
經歷4集嘅智慧考驗,成功消滅COLLAR團魂,將大家分成強者同弱者!勝利者Day、Gao同Candy獲得$1000獎金,任意吃喝玩樂兼早收工。
-
E6偵探遊戲:誰是兇手?(I)
喺《敗者復活戰》成功復活嘅3人,以及一早已經晉級嘅3人,將再次踏上智慧擂台對決!究竟3個復仇者,對戰「被勝利沖昏頭腦」嘅隊友,邊隊能夠喺兇案偵查遊戲入面獲勝?
-
E7偵探遊戲:誰是兇手?(II)
經過第一次案情匯報之後,兩隊對自己估中幾多案情嘅要點,都心中有數,而去到最後一次蒐證,兩邊更加出盡渾身解數,企圖阻止對手攞到關鍵嘅證據。佢哋唔止要鬥智慧,仲要鬥奸詐!而喺最終匯報案情嘅時候,竟然出現驚人嘅結果,令淘汰對決出現重大變數⋯
-
E8孤注一擲の戰
《COLLAR智慧學園》嘅對決去到後半段,已經有兩位成員永久喪失學員資格,今集5位成員將會面對兩個截然不同嘅考驗,一個測試佢哋敏捷度同反應,另一個更加係要求膽識策略兼備!
-
E9決賽席位爭奪戰
遊戲進入白熱化階段,喺今集最後4強將要爭取只有2個嘅決賽席位!第一個遊戲 - 〈搶分大作戰〉﹐佢哋要施展決斷力同埋詐欺之術,透過爾虞我詐去搶分!友情定係勝負,佢哋會點揀呢?
-
E10終極決戰
《COLLAR智慧學園》終極決戰,對戰雙方實力旗鼓相當:一位喺節目初期,已經被譽為「冠軍大熱門」,之後就更加不負重望,以長勝姿態,過關斬將殺入決賽;另一位雖然因為最初表現失準而被淘汰,但係成功翻生之後就愈戰愈勇,堪稱敗者復活嘅傳奇!