-
E1日本 - 江戶時期 vs 明治時期
日本被稱為香港人嘅家鄉，但到底香港人有對日本嘅了解有幾深？日本坊間流傳一句說話：「想要了解日本嘅飲食文化起源，必先從江戶時代看起」，本集將深入了解江戶同明治時代嘅飲食文化，由壽司到壽喜燒，窺探日本由封建社會走向現代國家嘅轉變。
-
E2靚仔靚女 - 烏克蘭 vs 韓國
講起靚仔靚女，大家一定會聯想到烏克蘭同韓國呢兩個國家，到底「靚」係咪因為飲得多羅宋湯同食得多泡菜？為咗全人類嘅幸福著想，本集我哋將會向「美麗」出發，尋找呢兩個地方嘅「美的食譜」！
-
E3體育大國 - 美國 vs 葡萄牙
美國同葡萄牙分別係籃球同足球大國，而喺飲食方面，美國係快餐文化嘅始祖，葡萄牙就盛產魚類同海鮮，兩地飲食文化截然不同，但同樣有出色嘅運動員。今集就為大家拆解兩地嘅飲食係咪有助培養運動健將，令兩地成為體育強國。
-
E4快慢 - 港式 vs 法國
香港人講求效率，茶餐廳三分鐘要出好一碗麵；而法國人就講求chill，fine dining餐廳兩個半鐘先煮好一道餸，兩地生活文化完全相反，今集兩位主持化身成港式同法式餐廳嘅侍應，由飲食帶大家體驗兩地截然不同嘅生活文化。
-
E5戰爭 - 以色列猶太菜vs 黎巴嫩
以色列同黎巴嫩長年經歷戰亂，當大家以為呢兩個長年打仗嘅地方一定好多嘢都好唔同嘅時候，原來兩地嘅天氣、食材、甚至宗教對食物嘅戒條都有好多共通點，本集將深入了解以色列同黎巴嫩嘅歷史淵源同飲食文化，探索中東料理。
-
E6姐姐大對決 - 印尼 vs 菲律賓
講起「煮」，住家主廚分三大派：阿媽幫、印尼幫、同菲律賓幫，但香港人普遍都認為印尼姐姐嘅廚藝比菲律賓姐姐好，究竟印尼係咪真係多啲好嘢食，而菲律賓除咗炸雞之外仲有咩食呢？今集就同大家一齊探索姐姐料理！
-
E7麵食 - 意大利 vs 中國
關於麵食嘅起源有人話係嚟自意大利，亦都有人話喺中國嘅新石器時代晚期已經有發現過麵條，究竟兩地嘅麵食料理有咩唔同？今集就帶大家睇麵食係點樣逐漸走向世界，成為國際上最受歡迎嘅料理之一。
-
E8凍熱 - 北歐 vs 巴西
北歐同巴西一凍一熱，一個追求健康飲食，一個追求感觀刺激。但係北歐人竟然鍾意食生冷嘢，巴西人就鍾意食BBQ？今集將會探索天氣對食材嘅影響，展開一場又凍又熱嘅尋味之旅！
-
E9文明古國 - 希臘 vs 埃及
講到世界上偉大嘅文明古國就不得不提希臘同埃及，兩地嘅歷史都留低咗好多唔同國家民族嘅蹤跡，令佢哋嘅飲食文化豐富而多元化，同時保留傳統嘅習俗同風味，今集將會窺探兩地飲食文化，食勻文明古國嘅美食！
-
E10食肉多與少 - 澳洲 vs 印度
大家都知澳洲人出名係食肉獸，而印度就係全世界食素人口最高嘅國家，今集將會深入了解呢兩個喺飲食上看似截然不同嘅國家，又睇下兩地肉食同素食嘅傳統料理點樣走向世界。
-
E11辣 - 墨西哥 vs 川菜
食辣嚟講，香港人多數都會即刻諗到麻辣火鍋、水煮魚呢啲又香又辣得過癮嘅川菜，但係原來辣椒嘅發源地之一－墨西哥嘅菜式都唔輸蝕㗎喎！雖然佢哋烹調方法、食辣嘅口味同用料都好唔同，但有一個大家都意想唔到嘅共同理念 —— 食辣都可以好健康！
-
E12下午茶 - 英式 vs 西班牙
港式下午茶大家就食得多，英式同西班牙式嘅下午茶你又有冇試過？傳統英式下午茶有精緻嘅甜品，講究儀式感；西班牙下午茶有豐富嘅鹹點， 係平民化嘅享受，原來由下午茶都可以睇到兩地文化大不同！
-
E13殖民地 - 加勒比海 vs 越南
「殖民地」一詞對香港人嚟講並唔陌生，但係又有幾多人知道世界各地曾經成為殖民地嘅地方呢？呢啲地方又被統治國影響幾多呢？被統治前後嘅分別有幾大呢？呢啲殖民歷史對世界嘅影響有幾深呢？原來美食真係可以解答晒呢啲問題！
-
E14原住民 - 台灣台東料理 vs 北美印第安菜
原住民對你嚟講可能係神秘、古老、落後嘅代名詞，但事實上嚟到21世紀，原住民仲係咪一般人想像中咁原始嘅呢？答案可以喺今集搵到！喺生活方式方面，大部分原住民族其實都同城市人無異，但係喺食物方面就⋯（聽講主持到今日都未接受到有人會食天竺鼠⋯）
-
E15咖啡 - 非洲 vs 挪威
咖啡相信係唔少香港人嘅精神食糧，你對咖啡嘅認識又有幾多？非洲埃塞俄比亞係咖啡嘅起源地，挪威就係全球咖啡消費量最高嘅三大國家之一，今集就帶大家深入認識兩個咖啡大國，了解兩地嘅咖啡文化。
