-
E1打卡之旅開始！
由年長姑媽組帶領年幼少女組，簽台北走到台南嘅打卡之旅正式開始。第一站到達苗栗熱門打卡場景，有台版《千與千尋》隧道之稱嘅「崎頂子母隧道」
-
E2自然系斷橋打卡
四位主持乘搭觀小火車欣賞經歷兩次震災而損毀嘅「龍騰斷橋」，鐵路打卡滿足鐵路迷願望，Gi（樊沛珈）、Alice（許寶恆）更扮喪屍重演屍殺小火車，去到有台版《進擊的巨人》之稱嘅巨人之手打卡熱點。
-
E3熱情的沙漠打卡
四位主持去到全台灣盛產杭菊地苗栗銅鑼鄉，初嘗採菊、炸菊花滋味，Gi（樊沛珈）、Alice（許寶恆）年幼少女組花田嬉戲打卡，年長少女組小儀（阮小儀）、May（林慧美）試飲養生菊花茶，更拜訪農場老闆。
-
E4打卡安全至上主義
四位主持嚟到有台灣景德鎮之稱嘅新北市「鶯歌老街」，分頭行事爭取時間玩，Gi（樊沛珈）、Alice（許寶恆）整少女系呃like陶瓷，製造神秘驚喜畀一個特別人物；小儀（阮小儀）、May（林慧美）發揮藝術知性美。
-
E5藝術系北海岸打卡
想有最好最靚嘅打卡風景一定要走入大自然，今集小儀（阮小儀）、May（林慧美）、Gi（樊沛珈）、Alice（許寶恆）嚟到新北市北海岸，大家參觀有海底龍宮之稱嘅「珊瑚貝殼廟」。
-
E6打卡黃金畫面
為咗捕捉打卡黃金畫面，今集小儀（阮小儀）、May（林慧美）、Gi（樊沛珈）、Alice（許寶恆）嚟到台灣淘金之新北市金瓜石，主持們更到有台版秋名山公路之稱嘅「金水公路」重演《頭文字D》中我要揸GTR！一幕。
-
E7生態綠色系打卡
主持們去到宜蘭「冬山河森林公園」，乘坐生態綠舟欣賞宜蘭第五大河「冬山河」生態風景，仲去咗搵台灣網民稱為神似電影《魔戒》神秘洞窟嘅景點打卡。
-
E8田園系打卡
姑媽同少女繼續喺宜蘭把握親親大自然嘅機會，走入斑比農莊，挑戰同鹿仔、水豚打卡，滿足少女心；除此之外，農莊內每隻鹿仔都代表一個占卜數字。
-
E9驚喜生日打卡
今集姑媽同少女分頭行事，小儀（阮小儀）、May（林慧美）去做金棗蜜餞手作體驗，玩到大叫好減壓；Gi（樊沛珈）、Alice（許寶恆）去cafe打卡，Alice仲同大家分享少女打卡心得。
-
E10偽異世界打卡
姑媽小儀（阮小儀）、May（林慧美）同少女Gi（樊沛珈）今集闖入偽異世界，去咗位於彰化一個擁有多座外形獨特的風力發電機嘅發電廠，搵網民打卡熱點嘅外星場景打卡，話明風力發電，現場就一定係又大風又難打卡，姑媽同少女成功合力發揮創意完成任務。
-
E11偽異國打卡
轉眼間姑媽同少女帶大家去「希臘莊園」打卡，乜唔係台灣打卡節目咩？無錯，資源有限，去希臘就留返下次，今次小儀（阮小儀）、May（林慧美）、Gi（樊沛珈）、Alice（許寶恆）去咗台灣嘅偽「希臘莊園」打卡。
-
E12輕軌打卡遊
姑媽小儀（阮小儀）、May（林慧美）同少女Gi（樊沛珈）、Alice（許寶恆）今集帶大家去睇高雄最有名嘅輕軌，佢哋去咗不同嘅特色車站，發掘高雄輕軌同香港輕鐵嘅不同之處，當中去咗最有名嘅輕軌「龍貓隧道」，滿足日本動漫迷嘅心願。
-
E13挑戰自我打卡日
姑媽同少女今集去咗台南「魔幻工廠」之稱嘅藝術遊樂園區打卡，又有靚靚打卡景，又有得嘆甜品，但輕鬆背後，製作組其實係要佢哋挑戰高空鞦韆、飛索，而畏高少女組Gi（樊沛珈）、Alice（許寶恆）玩到欲哭流淚，幾乎團隊分裂。
-
E14鹽系打卡
「鹽系」，起源於日本嘅網絡潮語，意思為「像鹽味一樣簡單、自然的人」，小儀（阮小儀）、May（林慧美）同少女Gi（樊沛珈）、Alice（許寶恆）更係可甜可鹽、自然無害，稱為鹽系女子就合適不過！
-
E15阿里山系打卡遊
到達嘉義白水湖壽島，姑媽同少女接受任務，要喺茫茫大海搵出「海景第一排馬桶」打卡，搵到後佢哋發現馬桶內有「天然加料」⋯⋯
