-
E1P1X3L 5G - 一團真係會和氣？
首集有再次上台嘅P1X3L 5G，作為一年一度限定組合嘅佢哋，竟然齊齊認不和！喺測謊機嘅恐嚇之下，佢哋自爆成員間千絲萬縷嘅關係：心有所屬嘅Win Win，原來對P1X3L 三子動心？
-
E2《白日之下》簡君晋、林保怡、余香凝、梁雍婷、許月湘
仲有一星期唔到，就到香港電影界盛事--香港電影金像獎頒獎典禮舉行。今屆榮獲16項提名嘅作品《白日之下》，由台前威到幕後，仲包辦曬所有角色獎項提名。
-
E3《打天下2》-「打戲真做至好睇？」歐錦棠、談善言、駱振偉
期待已久嘅《打天下2》終於喺星期一出世！身兼監製、編劇、武術指導同主演嘅棠哥，仲有大師姐談善言、自稱「富二代」嘅Thor，搶先嚟到食住花生，劇透今季必睇場面、同港日兩地空手道女神合作嘅難忘事。
-
E4《但願人長久》—「自編自導自演真係搞得掂？」
祝紫嫣導演首次執導電影，仲挑戰埋自編自導自演，結果喺金馬金像獎奪得好成績。今集當然要請佢同埋一班演員上嚟，爆下佢喺現場點樣分飾三角，示範導演上身必備道具。
-
E5《九龍城寨之圍城 》——「不打不相識？」
成功殺入康城嘅電影《九龍城寨之圍城 》聲勢浩大，其中圍城四兄弟——林峯、劉俊謙、胡子彤、張文傑今集就同我哋食住花生講下佢哋首次合作，點樣打出兄弟情！喺鏡頭前佢哋激鬥連場、入型入格；入到化妝間竟然成為一片「祥和」嘅「老人街」？
-
E6《從今以後》——「點算GG身後事？」
繼《叔．叔》後，楊曜愷再次執導以暮年同志為主題嘅作品《從今以後》，仲奪得柏林影展泰迪熊獎！鏡頭前一對女主角相宿相棲細水長流，鏡頭後更令琳琳姐向嘉雯姐隔空表白，甜蜜氣氛令梁仲恆(阿炳)形容為「10個可愛」！
-
E7夠 Friend至可以打 Band
一隊樂隊除咗要音樂功底好，更加要有深厚友誼至可以成事。今集邀請到成軍十七年嘅樂隊組合ToNick光臨《周六食花生》，好好調教本年新鮮出爐嘅 ROVER 四子點樣夾好一隊Band！
-
E8三叔公園——「壞人可以有幾壞？」
今集壞人齊集食花生！我哋邀請到出名賤咀搶口嘅「三叔」組合，加埋影視界專業壞人俊哥、螢幕騙子堅哥、同埋花姐認證生得一副「犯人樣」嘅Stick，一齊研究下佢哋現實之中遇到嘅壞人壞事...
-
E9《我們的青春日誌》——「喺香港搞音樂劇係發夢？」
舞台劇導演陳恩碩夢想執導港產長壽音樂劇，唔只長做長有到500場，陣容仲愈演愈強勁：今個夏天邀請到向海嵐Anne，長駐演繹準退休校長角色。
-
E10芝姐災難大全——「好伴侶不如好伴旅？」
去旅行最緊要唔係食咩玩咩，而係搵啱個伴，如果唔係就隨時好玩變好慘！今集邀請到才女卓韻芝同佢嘅最佳旅伴——金像剪接李謙明，加埋放浪旅遊達人Chris同流浪美男子Mixson，一齊大呻佢哋遇著豬隊友、歷盡生死關頭嘅bad trip經歷。
-
E11<Di-Dar>原創音樂劇場--「白事未必哀」
黑心喜劇［Di-Dar原創音樂劇］一開賣就爆足廿場，坐擁大量觀眾支持！今集邀請到劇中男角們光臨，講下佢哋籌備呢一套以殯儀、中樂為題材嘅舞台劇時，所經歷過嘅離奇事件：劇名多次改動激親阿祖？阿葛應邀演出懷疑因為阿祖阿Dee落降？
-
E12島嶼協奏曲 —「港台生活大不同？」
遠赴台灣拍攝、齊集靚人靚景嘅新劇《島嶼協奏曲》即將首播！今集邀請到劇中一班演員鄧麗欣、邱士縉、毛曄穎和何洛瑤上嚟，除咗大爆拍攝趣事，仲會分享喺台灣生活嘅文化衝擊︰Stephy原來係台式啤牌遊戲高手？
-
E13運動員轉型無咁易？
巴黎奧運就嚟開幕，大家對運動嗰團火又再燃燒起嚟！今集邀請到5位由體育界轉戰演藝界嘅運動員(何雁詩、余德丞、楊文蔚、吳諾弘、蘇伊俊)，一齊講吓港隊訓練嘅艱苦史，仲會分享大型比賽不為人知嘅趣聞！身兼兩職嘅佢哋竟然一致認為做藝人難過做運動員？
-
E14《反起跑線聯盟2》——「花生圍爐家長會」
樂悠悠七小福全員，齊齊直升小學新丁！今集邀請到導演Benny以及一眾劇中演員，再加埋家長級花生友一齊圍爐互呻家長經；仲會即場默書，挑戰劇中成為熱話嘅「小學生正字」！
-
E15《遺憾收藏館》——「花生收藏館」
由DJ Elsie 編劇嘅《遺憾收藏館》，嚟緊將會由電台搬上舞台，仲搵到釗峰、Cloud、Hillary 一齊演出。演出在即，一眾演員帶備大量排練八卦分享。
-
E16《紥職3》——「大佬唔易做」
江湖爭大佬故事百看不厭，亦成為港產片經典元素。今日就請到戲中惡霸大佬陶大宇、暖男大佬張繼聰，以及現實中兩位前江湖中人，一齊講下戲內戲外嘅江湖有幾難捱：原來浸桑拿仲辛苦過打交？睇清對方江湖地位，要靠隻手錶？
-
E17《望月》——「家家有本難唸的經？」
中秋臨近，我哋請到《望月》演員上嚟一齊團圓聚聚。戲中李麗珍，為咗演繹滄桑媽媽，放棄減肥計劃，以臃腫身形素顏演出，令導演非常感動；以往愛情片常客李靖筠，首次飾演反叛阿女過足戲癮，仲意外得到完美阿哥陳湛文。
