-
E1漁樂初體驗
釣魚最緊要係乜？係條魚呀！第一集兩位主持帶大家先學識認魚，知道咩魚打咩魚先可以一擊即中！
-
E2漁樂排排釣
新手禮包大放送，有魚竿有魚餌，開始漁排試釣！主持仲喺海邊撞到鍾意食魚嘅阿豪，順便一齊比賽釣魚，天時地利都齊備，到底佢哋邊個釣到魚？邊個出古惑呃觀眾？
-
E3漁民樂也融融批發市場 (I)
釣魚比賽結果出爐，大家終於有魚食！主持一食飽就馬不停蹄去香港最大嘅魚類批發市場做魚販，跟魚類專家認魚之餘，仲會體驗分魚、鋪冰等等工作。
-
E4漁民樂也融融批發市場 (II)
個個都食魚，唔通個個都識魚咩！今集主持繼續喺香港仔魚類批發市場學嘢，玩完呢個海洋生物知識問題比賽，你都可以拋書包扮專家！到底邊個贏到大廚呈獻嘅美味菜式呢？
-
E5踩水莫踩人
出海天氣不似預期，好彩抬頭望得見「晨曦」！成日聽啲人坐船fit魷魚，但你又知唔知咩係「踩水釣」？
-
E6打魚獵人
今集係許賢嘅Solo集數，佢邀請咗老友豪哥（蘇致豪）及Gi 一齊參與打魚課堂。佢哋一齊接受阿Chris（打魚專家）訓練，到底可唔可以成功訓練呢？阿Chris亦會示範落海打魚，佢又會成功打到邊類型嘅魚呢？
-
E7漁村的古與今
今集係Serrini嘅Solo集數，佢邀請Isabella及關門一齊去到「四大漁村」之一嘅大澳。三人會一同參加「魚菜共生」；傳統鹹魚工作坊，以及到文物酒店睇風景及享用美食。而且會坐船出海觀賞中華白海豚，體驗漁村由以前到而家嘅變化。
-
E8VS大對決 (I)
「西貢論竿 誰與爭鋒」各主持學識釣魚一段時間，係時候要進行一場「大對決」。今次除咗兩名顧問，亦邀請陳柏宇及張小倫擔任嘉賓，今次又會係邊一組最快完成釣魚目標進行下一項比賽呢？
-
E9VS大對決 (II)
繼上集釣魚比賽，今集繼續進行「VS大對決」。到底邊一組會勝出今次大對決，兩組又會分別釣到幾多條魚上嚟，而且下一項比賽又能唔能夠贏到呢？本集就會分出勝負！
-
E10忘不了忘不了
你有冇聽過全港最貴嘅魚叫咩名？你有冇試過食全港最貴嘅魚？今集兩位主持去到「忘不了魚」養殖場，佢哋會訪問養魚場負責人點樣打理同養殖「忘不了魚」，並且會試食呢條神秘嘅淡水魚
-
E11魚！全部都係魚！
今集主持到日本第一件事就係睇吞拿魚解體表演，學魚嘅結構同試食，到底咁大條魚係點樣切開起肉呢？再去泊港魚市場認魚、食魚同打工賣魚，真正From sea to table，最新鮮最多選擇嘅魚生天堂！到着！
-
E12磯之呼氣—魚魚流轉
主持們正式喺日本釣魚，將之前練習嘅岸釣知識學以致用，專家亦會帶大家睇風向揀釣點，同埋佢哋會去泡瀨漁港參觀漁民嘅直營市場，融入當地嘅主持仲會著上傳統琉球服裝去學三線琴。
-
E13Fishing·Playing·Shopping
嚟到水清沙幼嘅沖繩北部，梗係要融入大自然踩水釣魚啦，主持們信心爆棚打算爆釣，到底佢哋可唔可以覆桌成功呢？許賢會用世界共同語言之一——足球，同沖繩嘅小朋友交流，另外仲會參觀沖繩特色景點美國村！
-
E14海洋奇遇記
知唔知道日本最大嘅水族館係邊呢？今集主持們會帶大家行水族館，認識唔同嘅海洋生物，而且佢哋仲會出海船釣，冇咗專家幫手仲釣唔釣到㗎？
