-
E1毛筆書法
少數學多多將會和每一集嘉賓一齊學習新技能，主持indome, Vika, Ana,鈴木,四位將會輪流主持，同嘉賓輕鬆傾下計，希望可以同外國朋友交流多啲本土文化，咁就更容易融入香港社會啦！第一集將會學下點寫毛筆書法，唔知佢哋寫成點呢
-
E2皮影戲
今集會由鈴木同Ana主持，請到鈴木嘅一位同樣好熱愛香港文化同美食嘅好朋友！今集將會學吓點整皮影戲，最後仲要表演短劇，唔知佢係夠唔夠心靈手巧去完成呢？
-
E3中國結
今集有來自尼日利亞嘅朋友一齊學習中國結！中國結呢啲咁複雜嘅手藝真係令到嘉賓同主持都遇上大難題，Indome條眉就嚟可以夾死烏蠅啦！到底最後佢哋有冇人成功呢？
-
E4紮染
中國自古已經有紮染，今集將會同嘉賓試玩紮染，睇下主持同嘉賓點樣發揮創意，整一塊有自己特色既紮染布！
-
E5剪紙
剪紙藝術就見得多，但有無試過自己剪吓呢？今集將會一切體諒剪紙藝術，深入了解中國剪紙藝術嘅故事同歷史，最後仲一切設計左自己嘅剪紙添啊！
-
E6印刷術
今集有來自法國嘅靚仔一齊學習中國印刷術，古代印刷術其實最複雜唔係印嘅時候，而係排列文字，睇吓主持同嘉賓排字排到眼都矇埋就知有幾頭痛啦！
-
E7彩虹書法
今集請到一位係唔識中文字，但識講廣東話嘅朋友一齊學習彩虹書法！佢係香港長大嘅日本同韓國混血兒嚟。咩嘢係彩虹書法？嘉賓唔識之餘，可能連主持都未見過添啊！今次等佢哋一齊寫下咁靚嘅彩虹書法啦！
-
E8高蹺
高蹺呢樣嘢大家一定聽唔少，甚至細個讀書可能都玩過，但係外國朋友眼中，高蹺到底難唔難呢？今集嘅嘉賓同主持又可唔可以順利完成導師嘅指導同3級難度，出師表呢？
-
E9古彩戲法
中國古彩戲法其實同西式魔術有異曲同工之妙，都係用特別手法將不可能變成可能，今次一齊嚟學下中國嘅古彩戲法，睇下嘉賓同主持可唔可以成功變變變？
-
E10燈籠
相信香港長大嘅朋友們對燈籠一定有咁上下認識，但對於點樣整個燈籠出嚟，可能望到都會無從入手，今次有專家教路，燈籠到底點整同點樣修補！嘉賓同主持又夠唔夠心靈手巧去製作呢？
-
E11太極
以柔克剛嘅太極講求嘅係心無雜念同陰陽調和，今次導師帶領主持同嘉賓走進太極嘅世界！睇吓幾位嘅悟性有幾高同可唔可以得到導師認同，成為太極新一代！
-
E12國畫書簽
今次搵咗國畫大師嚟教大家畫國畫！國畫太大可能對初學者不太友好，所以大師就教入門級嘅國畫書簽，俾大家感受一下國畫嘅樂趣！睇嚟主持同嘉賓都玩得好開心喎！
-
E13雜耍
雜耍聽落好似好難，但一定係好玩嘅！導師亦都係充滿經驗嘅導師，包保主持嘉賓一定學得識！古代雜耍都係中華文化嘅精粹之一，學識咗下次可以表演比親朋好友睇！
-
E14絲帶花
傳統布藝手工就聽得多，原來古代嘅絲帶花其實一開始都係布去做，之後先被轉成用絲帶去做。絲帶花其心有多場合都會用到，相信學成之後，嘉賓主持們都可以係不同場合活用呢個技術啊！唔知嘉賓整好之後，最想將絲帶花送俾邊個呢？
-
E15少林
少林功夫好，少林功夫勁啊！呢啲就聽得多，到底少林功夫其實係點呢？今日同大家了解呢款中國武術，唔好再令少林功夫成為傳說，親眼目睹，親身體驗一下啦！到底少林功夫係唔係真係有金鋼腿同鐵頭功呢？
-
E16團扇畫
團扇畫係中國歷史悠久嘅藝術品，藝術家一般係扇上作畫或寫字以抒情達意，而且仲可以係上面寫詩，再送比友人作為紀念。所以今日嚟嘅嘉賓真係有福啦！畫完團扇畫仲可以留作紀念自己第一次上電視添啊！
-
E17詠春
電影經常出現嘅詠春同現實中嘅詠春到底有咩分別？呢一項新興武術其實又係點㗎呢？今日有詠春導師同嘉賓一齊體驗真正傳承嘅詠春拳！
-
E18摺紙
由細到大，大家都一定有玩過摺紙，摺下心形，星星，紙鶴等，但原來摺紙都可以玩到出神入化！今次有摺紙大師教嘉賓及主持大玩摺紙技術！睇吓邊位心靈手巧啲！
-
E19健身氣功
健身氣功以調身、調息、調心為本，不僅增強肌肉強度，更可以舒筋活胳，發揮人體的潛能。所以有好多人都練健康氣功嚟強身健體，唔好以為淨係老人家先玩，原來年青人練都好有用！咁今日就由專業導師同大家試下啦！
-
E20筷子舞
筷子，除左係餐具，原來都係舞蹈用具！筷子舞係蒙古族獨具韻味嘅傳統舞蹈之一，一般都係喺節慶或者婚宴果陣就會跳呢種舞助慶。今次由專業嘅民族舞導師教大家呢下呢隻開心舞啦！
-
E21民族舞
中國少數民族有好多，今次為大家介紹其中少數民族嘅舞蹈！呢款民族舞聽講係重大節目先會跳，而且服飾嘅每一個細節都有特別意義！就係唔識跳，欣賞一下呢套咁美麗嘅服飾都令人開心架！
