巴絲Let’s go歐
朋友可以揀,兄弟姊妹無得揀。咁藝人同佢嘅兄弟姊妹去旅行,會係一次增進感情嘅愉快體驗,還是互相嘶咬嘅煉獄?<巴絲Let’s Go歐>,將會邀請三位藝人同佢嘅兄弟姊妹,分赴葡萄牙、荷蘭同英國。睇靚景之餘,仲會考驗佢哋係咪真係咁合拍同咁好感情;抑或係性格南轅北轍、懷恨在心,趁今次機會要盡情爆發?唯一肯定嘅係,去完呢個Trip,佢哋一定會更加了解對方,不過仲做唔做到好兄弟、好姊妹就不得而知嘞... 更多
下架日期
2025年01月04日
聲道
粵語
字幕
中文
片長
30 分鐘
集數
12
節目級別
IIA
  • E1
    首次兄妹遊,193同3妹葡國之旅出發

    從未試過兩兄妹去旅行193@ERROR同細妹郭嘉盈(Michelle),踏上葡萄牙之旅,行程充滿未知數!第一站竟然就去193最驚嘅地方,但Michelle似乎就樂在其中;第二站唔係葡萄牙必到靚景,而係帶佢哋去學化妝,而化妝嘅對象仲要係...

  • E2
    3妹要做街頭表演,幫193襯衫大鬧時裝店

    193與細妹郭嘉盈(Michelle)嘅葡萄牙之旅,原來有個重要任務,就係要細妹做街頭表演!Michelle要先跟唱歌導師學嘢,但估唔到學唱歌都令兩兄妹出現信任危機?

  • E3
    整葡撻變咗相睇? 問答大賽考驗193兄妹

    去得葡萄牙,193同細妹郭嘉盈(Michelle)當然要試吓親自製作葡撻,點知整葡撻會變成193想將細妹嫁入豪門嘅契機?

  • E4
    合力挑戰葡國籃球員,3妹突發街頭痛哭

    193同細妹郭嘉盈(Michelle)今次要通力合作,同葡萄牙本地籃球隊員鬥波!身高手長嘅193,原來細妹都唔嘢少,曾經係校隊,今次仲唔贏硬?

  • E5
    193打氣變鬥氣, 3妹表演點收科?

    葡萄牙之旅嚟到尾聲,193為細妹郭嘉盈(Michelle)準備晚飯,為佢即將到來嘅街頭表演打氣。點知打氣變成鬥氣,一餐飯引發一場罵戰,咁點收科?

  • E6
    Marco與天才細佬HEA遊荷蘭,高空活動展現真我

    <巴絲Let’s Go歐>第二周,輪到Marco@P1X3L同細佬Manson遠赴荷蘭。原來Marco的弟弟智商超過140,19歲已經係碩士生。一個歌手,一個天才,性格到底係南轅北轍,還是同樣貪玩?

  • E7
    荷蘭木屐大暴走,Marco同細佬搞到受傷

    Marco同細佬Manson嚟到荷蘭,當然要試吓製作本地名物:芝士同木屐,兩兄弟仲要喺木屐上展現藝術細胞,更無意中透露出Marco執著嘅一面。

  • E8
    高卡車激鬥,Marco同細佬出戰國際桌球友誼賽

    熱愛刺激玩意嘅Marco同細佬Manson,將會喺室內高卡車場內激鬥,賽前仲要不停鬥咀,到底邊個可以贏得「荷蘭巴打極速盃」?之後兩兄弟遇上荷蘭型男挑戰打桌球,敗方將要接受前所未有嘅大懲罰,佢哋抵唔抵受得住荷蘭嘅文化衝擊?

  • E9
    兩兄弟好打得,Marco與細佬重拾跆拳道

    Marco一家原來好飲得,一於帶佢同細佬Manson學吓調酒,再大爆同屋企人飲到啤啤乎嘅趣事;荷蘭街頭藝術盛行,兩兄弟到博物館學吓點噴Graffiti,無意中展現二人對同一個議題嘅重視。

  • E10
    荷蘭探親之旅,Marco細佬被爆兒時往事

    荷蘭之旅來到尾聲,Marco同細佬Manson來到小鎮Zwolle,要答中關於對方問題先可以完成Treasure Hunt,到底邊個會係Loser?途中遇上嘉年華,兩兄弟當然要參與狂歡!

  • E11
    Ranya同細妹暢遊英國,送禮物搞到五體投地?

    <巴絲Let’s Go歐>第三周,李敏(Ranya)同細妹李賢(Leanne)十年無一齊去過旅行,今次到英國之前曾發生爭執,暗藏洶湧!

  • E12
    蒲吧遊戲大挑戰,考驗Ranya Leanne姊妹情

    英國之旅第二站,李敏(Ranya)同細妹李賢(Leanne)勇闖野生動物園餵動物,仲有機動遊戲玩到Leanne發出嬌喘?夜晚兩姊妹蒲吧,以運動項目大戰製作組,輸咗嘅一方將會受到屈辱性嘅懲罰!