-
E3家居的借位美學
世事無完美，就好似新樓原本嘅戶型都唔一定完全啱你，但可以點樣改變依家新樓嘅奇怪戶型？同復修雷生春一樣，好考室內設計師同建築師嘅實力。香港地少人多，現時流行嘅420分體式冷氣機，就啱晒狹小嘅冷氣機機台。睇完今集你就知點先叫化腐朽為神奇！
-
E4侘寂風納米單位
一間二百幾呎嘅入市盤又點可以有vibe之餘又實用？可替換面板嘅冷氣機都可以配合到屋企嘅vibe㗎！香港嘅海濱唔係得夜景，日頭其實都有啲新嘢玩！卷上地面嘅海浪唔係得颱風嘅時候先睇到，你又知唔知邊到有？
-
E5揉合生活需求的家居設計
設計要計，緊係要計好每一個人嘅生活需求。由一個人住到一家人住，都一樣咁有學問。想知有咩設計應該要留意，咁就不如先留意呢一集。咪行住，水喉漏水嘅問題你又識唔識點樣暫時救急？唔識？咁你就真係要睇啦！
-
E6軟硬兼施 你要知
仲覺得狗屋就係用木板隨便揼一揼嗰款，錯又錯唔晒嘅。都係用木，但就係搭大屋。當你以為登淨係用嚟照明，其實仲可以做藝術裝置，背後仲有故事。當你以為百幾呎就已經係緊局，葦璇同你講仲有得搞，就好似水龍頭漏水，我哋一樣幫到你。
-
E7WFH從此不再成為惡夢
因為疫情而WFH嘅時間，成為咗好多人嘅惡夢。因為生活工作分唔開，但如果你遇上呢個設計師，惡夢從此變美夢。「髮廊」你聽過，「琺瑯」你又有冇聽過呢？當成幅牆都可以畫得，呢個又好似係另類美夢。最後考考你，知唔知街市點解叫做街市？唔知就要睇啦！
-
E8有feel先會chill
住落先覺唔啱住，家居動線全部錯哂，咁就要砍掉重練！家居要夠feel，住落先會chill。藝術漆嘅選擇與運用，今次一條龍教哂。加埋啟德新地標，你又知唔知點解外牆一塊塊？
-
E9麻雀雖小 五臟俱全
講到要打麻雀，都真係要有位先打到麻雀。但究竟呢張麻雀枱又隱藏喺邊度呢？講到拼拼湊湊，呢個世界有樣嘢叫藝術磚，亦都隱藏住大量細節。就好似金屋藏大量狗狗咁，又可以點照顧？又好似牆壁發霉，又點喺細節到出手？睇今集，教你由細節裡設計！
-
E10故事暢通 營造埋自己comfort zone
一個好嘅室內設計就係每一個定格都好似一幅畫，成間屋嘅故事由內到外都咁通順。如果有堵塞好似水喉咁，就要諗方法解決。講起暢通，當年仲係「維多利亞城」水路通達，達官貴人究竟一落船就會去邊high-tea呢？
-
E11每當家居變幻時
有冇人知如果想用磚做地板，但著裙又會走光，可以點解決？就好似間屋想收個小gym room又有咩要留意？今集Sarika帶大家一次過解決呢兩個問題仲順便換埋龍頭芯，救返你哋屋企嘅水喉。在喺每當天氣變幻時，舊地重遊，睇下聯和市場依家係咩樣。
-
E12家居藏寶圖
幾時都話家有一老如有一寶，今集教大家如果屋企有老人家，你張家居設計圖紙要點安排先可以好好藏到寶。同埋邊個話木傢俬一定係木色？我就係要上漆上到佢五顏綠色。
-
E13見海不是海
長沙灣旁邊係海，油麻地旁邊都係海，咁有咩分別？前者係講室內設計，後者係同你講上海街建築。睇埋呢集，教你用埋家居功能漆就唔需要驚畀小朋友畫亂啲牆啦。
-
E14黑白設計
黑白大廚成為最近城中熱話，但原來香港都有黑白大師。黑白家居設計，你又有冇諗過？轉一個香港設計嘅馬桶，你又有冇諗過？但我諗你最估唔到嘅係車公廟旁邊有座寧靜嘅建築係咩！原來建築都有相由心生。
-
E15男女平衡靠設計
「男主人女主人你哋唔好再鬧交啦，我住咗咁耐你哋鬧足咁耐！」唔想聽到你屋企隻寵物咁樣投訴，你哋就要睇呢集設計師點樣平衡無限figure收藏到女主人嘅簡約風。其實，要裝飾有時都唔只figure嘅，花線都一樣幫到你！
-
E16樓盤都有輪廓？
藝術同偽術都有分別，咁樓盤輪廓呢？要突顯輪廓，就要以最小改動突顯最大優勢，就好似智能家居咁，不過想要智能家居，記得要喺裝修前決定好！咁裝修前仲有咩要睇？唔睇又點過到驗樓個一關！其實講到尾，要間屋靚同實用，都係要睇我哋《磚造美學》。
-
E17西式神枱 咩嚟㗎？？？
如題，請指示！究竟西式嘅神枱即係咩意思？你唔好跣我喎！唔好嘅地板就會跣你，今集教你買唔會跣嘅地板。就好似嘉賓Pinky咁，喺電子產品上一定唔會跣你，同樣佢嘅家居設計都一樣。不過唔想收樓個時先俾人跣一鑊，就要睇呢集啦！
-
E18同則不同格
畀你揀，你鍾意望海定望山？有人話，鍾意望海嘅人都係喜歡自由多啲，如果係，今集我哋就一齊自在咁睇一睇海景樓盤可以點做室內設計。同時一齊揀埋有咩窗簾係你心目中嘅理想窗簾。但如果你鍾意望山呢類綠植，咁第二部份嘅麥當勞叔叔之家就啱晒你。
-
E19則則復則蹟 設計要睇則
無人天生係完美，樓盤個則都一樣。但室內設計就係將腐朽化為奇蹟，幾古怪嘅則都可以變成四四正正嘅則。再襯埋專屬嘅櫈，成個室內設計即刻有晒風格。但今集又點可以唔講故，話說以前有一位建築師都將唔同嘅設計理念放咗喺建築上面，呢位就係張肇康先生。
-
E20喵設計先啱
喵喵喵喵喵喵喵（呢間屋企我鍾意！）要令到你屋企主子住得舒服又順心，空間幾大幾細都做到嘅！唔信？麻煩睇睇今集，無論設計、風格都一應俱全。由核心外圍到核心內圍，一樣照顧周全。不過睇完家居設計，都知你一定會想買張好似今次呢個單位咁，好用嘅梳化。
-
E21智能家居系統
試想像一下，當你擁有一套智能家居系統，你人生會幾簡單？不過都唔夠今集咁簡單，無論風格、設計、牆紙介紹都一次過介紹畀你。不過有少少唔簡單嘅係，原來西半山暗藏玄機，一座二戰前二級歷史建築可以好簡單就成幢大廈買晒。
-
E22室內設計第一要事 ：揀門
一間屋咩都可以冇，但唔可以無門！究竟用門分開唔同空間好啲，定好似呢個單位咁，一體過夠哂空間感呢？真係睇下先知，咁唔好執輸，一次過睇埋木門先。咦！同埋教育大學呢到點解會有一片銀色嘅門？
-
E23室內設計要啲色水
成日都覺得屋企室內設計顏色好難諗，想要田園綠又想要沉實灰。人都有好多性格，一間屋其實唔同空間都可以有唔同風格。就好似洗手間揀洗手盤都大把選擇，咁究竟點揀？
-
E24一個單位睇晒日出日落
一個平台睇到日出日落原來都唔難，但要設計到令你享受到日出日落，先係竅妙之處。一入屋就有種渡假感覺，今集Danny帶你睇極致嘅享受！
