-
E1真係要生仔！？
今日喺香港做父母有幾難？《GG家長指引》主持伍家謙同浩南，作為80後同90後家長，將會聯同幾位素人家長，探討現今香港家長圈有幾瘋狂！
-
E2媽媽Group
新世代家長有育兒問題，入「媽媽Group」就好似變咗必需品，但有人嘅地方，就有是非，所以喺「媽媽Group」都唔例外，例如: 有個爸爸喺Group分享自己媽媽逝世1年，太太當日買個蛋糕，慶祝奶奶死亡一周年！？
-
E3夫妻關係 (I)
本身二人世界好Sweet，生完仔又會令夫妻關係變成點？大人加埋小朋友s，會係幸福咗，定係嘈多咗？今集4位素人家長，分成爸爸組同媽媽組，感受男女大不同！爸爸喺節目大呻，自從老婆陀仔，自己就不斷受氣，好似做乜都錯！
-
E4夫妻關係 (II)
繼續上集嘅主題：夫妻關係！今集再傾深入啲，大講性生活！香港地少人多，好多家長都要同小朋友同房，又邊有地方做愛做嘅事呢？素人爸爸用「感謝祭」或「週年慶」形容佢同太太嘅性生活...
-
E5人奶 vs 奶粉
「人奶VS奶粉」，成為咗今日大部份媽媽嘅一大煩惱; 「奶粉派」就飽受閒言閒語，話佢哋選擇奶粉係唔顧小朋友健康！
-
E6工人姐姐
搵到好姐姐，仲難過中六合彩！？今集3位素人家長，就講吓自己工人有幾極品！有一位工人姐姐有公主病，佢話一定要食新鮮食物，隔夜餸同外賣都唔食得，要阿MOM特登煮飯畀佢食！另一個工人就喺放假日飲醉酒，甚至有人會接色情生意！
-
E7經營親子IG
今日BB出世，10個家長9 個會幫小朋友開IG，或者會用自己本身嘅IG發布育兒內容，令到佢哋成為親子KOL！佢哋可以有成過萬追蹤，可以成日幫兒童品牌做宣傳，拎到好多免費育兒產品之餘，仲可以優先暢玩新嘅遊樂設施！
-
E8小B儀式感
儀式感係生活嘅點綴，時下家長由懷孕開始已經有滿滿嘅儀式，從性別揭曉派對、影孕照、產房佈置、到BB出世後嘅花式慶祝方法各有不同！
-
E9學前教育
自BB出世，就好似要迎合各式各樣嘅兒童發展指標，BB幾多歲識行？1歲半要識幾多組疊字？學前教育專家嘅建議千變萬化，令唔少新手父母都無所適從。
-
E10小孩的學術之路
上集講完學前教育，今集緊接由虎爸媽派同自由派父母分享小朋友正式嘅學術之路，原來正式入學前，報讀有用嘅興趣班已經係爸媽必爭之地？每月用五位數就只為小朋友有張靚CV? 細路樣樣皆精，全因要夠料入名校，到底所謂「名校」有咩咁吸引？
-
E11黑白父母
父母好多時都會一個做黑面，一個做白面！究竟佢哋係點分工？其中一個黑面爸爸就試過因為大女食飯慢，就一分鐘抌佢一條公主裙，最後一共抌咗足足六條，然後個女嬲咗佢！
