-
E15家家有場難忘的旅行 (II)
上咗飛機，就以為可以放鬆心情享受旅程？四位家長好肯定答：NO！皆因落地之後先係真正挑戰！家長為小朋友預備行程，小朋友竟然跑一個圈就話要走？原來小朋友一心只係想去遊戲機舖買玩具、打機！以為小朋友去打機，家長有得抖？
-
E16與「小情人」談一場戀愛！
成日都話:「仔女係媽咪同爹哋嘅前世情人」...有幸「再續前緣」，注定會擦出轟烈嘅火花！熱戀期嘅難離難捨，爹哋媽咪病到神志不清，都堅持親自接送「小情人」，甚至犧牲me time，夜晚8點一到，即刻同「小情人」上床瞓覺，每分每秒都對住「小情人」
-
E17小財神育成記 (I)
新年派利是，可謂見盡人間百態！今集嘅家長將會分享佢哋仔女收利是嘅經歷。有仔女呢頭接完利是，嗰頭即刻拆開偷睇；亦有家長分享，有長輩竟然會因為性別而派唔同金額嘅利是！
-
E18小財神育成記 (II)
上回提到，小朋友嘅利是錢，會觸發連場親子大戰！但原來「零用錢」亦係親子角力嘅戰場！呢頭家長畀零用錢小朋友，希望佢哋學識儲錢、理財，嗰頭小朋友化身財神，洗晒「成副身家」請全班同學食零食，甚至打算用零用錢買貴價禮物，氹心儀女同學開心！
-
E19仔窮養‧女富養
中國傳統思想「仔窮養‧女富養」仲有家長buy㗎！今集嘅其中兩位素人家長有仔有女，佢哋都當家姐係寶，細佬係草！大女幸福到一出世就收到長輩送嘅6位數教育基金；細佬就乜都冇，仲要著親戚朋友2手衫，仲有位父母打算個仔大個啲就送去讀軍校！
-
E20估你唔到功課 (I)
香港小朋友每日至少做7份功課，好似都唔係啲咩秘密，但其實當中受苦嘅除咗小朋友，家長先至係最崩潰，因為啲功課唔單止深到連大人都唔識，有時仲會指明一定要「親子」一齊做。
-
E21估你唔到功課 (II)
上集主持畀學術功課嘅深奧程度震撼三觀，今集素人家長繼續大爆非主科嘅功課有幾瘋狂，原來幼稚園K1要揼釘做木工、N班嘅「親子功課」，就需要1個月時間先完成到！幼稚園功課已經咁複雜，咁小學生又係點樣「求分數」呢？
-
E22遇XX，我即刻變大個
小朋友真係好鍾意「扮大人」 ，佢哋遇到父母同心儀對象，都會突然長大，秒變「老人精」！
-
E23親子「玄」份大解構
家長同仔女之間，講「緣」亦講「玄」！今集嘅素人媽媽們將會分享佢哋同仔女嘅「玄」份！「擇時辰開刀」同「揀相合生肖」嘅家長一樣咁多，有位媽媽就心心念念為咗生個同自己相合嘅「兔女」，計準時間，努力造人！
-
E24玩具「有」惑？ (I)
對小朋友嚟講，玩具可以用嚟娛樂；但對於爹哋媽咪嚟講，玩具嘅用途，十隻手指都數唔晒！今集嘅素人家長分享玩具對佢哋嘅意義，有爹哋名義上買積木獎勵仔仔，實情係明知佢唔會玩，最終只會落返自己袋！亦有媽咪好捨得，每次仔女飲完一杯奶，就會買玩具獎勵！
-
E25玩具「有」惑？ (II)
「小朋友先做選擇，大人當然全部都要！」今集嘅素人家長成日買玩具「獎勵」自己，對呢句心領神會！呢頭教小朋友「要珍惜玩具」，轉個頭用五、六千蚊買自 己鍾意嘅玩具公仔，甚至一款模型特登買兩盒，其中一盒原封不動，純粹用嚟展示...
-
E26小B戒癮記 (I)
做父母其中一個難題，就係「戒癮」！戒奶、戒片、戒睇電視……戒甩鋪癮真係唔易！有家長認為最難戒係尿片，因為戒片都有分季節，實在唔忍心喺冬天除小朋友條褲，所以要等到夏天先戒得！而除咗幫小B「戒癮」，父母為咗小朋友都捨棄咗自己嘅興趣！
-
E27小B戒癮記 (II)
今集繼續同大家分享「小B『戒癮』排行榜」，第四至五位就係「戒奶咀」同「戒夜奶」！雖然一般只需3日就可以戒甩奶咀，但喺呢段時間，你要任由小朋友喪喊幾日，唔使旨意有覺好瞓！父母同仔女都絕對係用生命值換取成功！
-
E28兩孩相遇記
「小孩」同「毛孩」，兩種生物都令人又愛又恨，當佢哋相遇，上一秒美夢成真，下一秒就有機會變成噩夢！例如: 小朋友細，未學識同理心，成日騎喺毛孩身上，痛到毛孩慘叫！
-
E29我只想BB健康 (I)
新手父母想知道初生BB係咪身體健康，一律建議睇便便，原來唔同顏色同形狀，代表身體唔同警號！節目組同家長做咗個測驗，睇吓邊個係「便便專家」，估唔到優勝者係新手媽媽浩南！
-
E30我只想BB健康 (II)
今集繼續講吓小朋友身體打敗仗嘅故事！原來有啲家長好極端，擔心仔女返學成日病，就選擇唔讀N班，甚至喺屋企連窗都唔開！但更多家長表示一早有心理準備，預咗返N班，同學仔就會分享病毒！
-
E31單親家長唔易做 (I)
喺香港做單親家長嘅挑戰有幾大？今集搵嚟4位家長爆料! 藝人莊韻澄Xenia一個人湊自閉囝囝，仲要打離婚官司，究竟係靠啲乜嘢頂住? 有位家長自稱「離婚界Senior」
-
E32單親家長唔易做 (II)
今集繼續同大家分享做單親家長嘅難題！家長面對「經濟壓力」，生窮水盡有乜計？嘉賓莊韻澄Xenia就曾經同媽媽借10幾萬養家！佢哋仲有「時間管理」問題，24小時畀晒仔女，咁個人興趣又或者感情生活係咪就要放棄？
-
E33MBTI育兒教學法 (I)
MBTI 16型人格分析都可以套落教育方法嘅，今次我哋就會集中喺兩個同行為模式有關人格- 「E外向型VS I內向型」同埋「J規劃型VS P隨遇而安型」！
-
E34MBTI育兒教學法 (II)
今集繼續討論MBTI另一個行為模式：「J規劃型VS P隨遇而安型」！除咗喺網上做問卷，其實根據手袋整齊程度，都可以快速測試係J定P！嘉賓孫慧雪就係J人，佢喺仔仔3個月嗰陣想報名Playgroup，點知間學校就話佢「太遲報名，實在太冇規劃」
-
E35Sharenting事件簿
今集請嚟3位好鍾意喺社交媒體分享小朋友生活嘅家長，包括日日同女女開「早餐直播」嘅陳柏宇Jason，佢曾經將細女嘅家居意外事件放上網，惹嚟網民公審，認為佢「疏忽照顧兒童」
-
E36我的直男老公 (I)
直男老公令人又愛又恨！今集主持同3位家長大談直男老公事件簿，講盡直男8大特質！藝人可宜產後容貌焦慮，畀老公話面黃，擔心到狂碌老公卡做Facial！
-
E37我的直男老公 (II)
今集繼續分享直男老公如何令老婆又喊又笑！主持浩南老公情人節送菊花、百合似拜山，眾人笑言是老公特別孝敬！直男特質雖然難頂，但世事總有辣有唔辣。藝人可宜抱怨老公看輕幼兒求校難度，直至兒子半歲找不到N班，發嬲才令老公變積極。
-
E38仔女有壓力，父母都有壓力
小朋友係幾歲開始感受到壓力？今集請嚟3位家長，佢哋都一致認同仔女喺升小或者升中嘅過渡期，情緒最易波動，其中一位做遊戲治療師嘅家長，仲話曾經見過仔仔望住個窗呆咗，令佢即刻要輔導仔仔！
-
E39繼承者們
原來三代同堂，好多時都會有同一個興趣？今日請嚟3位爸爸，包括歌手布志綸Alan，一齊分享呢啲「繼承」興趣嘅故仔！ Alan鐘意音樂，都係因為爸爸成日喺屋企播英文舊歌，佢話某程度上爸爸係將佢實現唔到嘅夢想，放喺自己身上，令佢成為音樂人。
