-
E1點解個個都蝦我！
洞悉天機七師傅，神預測人氣逼人，笑容背後，原來却怨氣沖天！同業白眼、導演玩殘、女星出賣，謠言插爆。師傅屈辱大釋放，唱歌放負大聲喊，「化怨版」七連鞭重現江湖，主持驚驚。
-
E2地球上全部女人同我消失！除左我
怨女美豔動人，離奇憎恨女人；女上司面試唔做，女同事合作唔到，女性朋友幾乎冇。怨氣來自Heidi自小被bully的成長史，頭髪被黐香口膠，小學已被罵小三，主持聞之嘩然。
-
E3點解我咁容易跳制㗎！
網紅嘉盈鏡頭前，性感搞笑易相處，但拍起片來，原來經常跳制，極恐怖！惡行如；廣告商前爆粗插老細，玻璃樽險爆經理人個頭！嘉盈自責EQ零旦，望主持協助脫離心魔，從此從「良」。
-
E4點解我咁大食！
「吃播」狂食看似興奮，後遺竟却極不開心；每月飯錢至少二萬、朋友罵她食得太慢，食滿成枱侍應白眼。一次性感照「被」流出，更令她食到瘋狂，神志不清偷雞飯，最終被警方拒捕。
-
E5我俾佢足足害咗10年，趁地腍啦！
貪錢少女赴巴黎代購手袋，詎料浪漫之都却成了她的人間煉獄！慘遭男子落藥迷姦，不知情下更變成為戀人，被困巴黎培慾長達一年。返港分手後，陰影纏繞超過十年，主持怒火中燒，呼籲全城戒備世紀人渣。
-
E6點解我天生係男/女人！
「跨女」TOMO及「跨仔」 LIAM，埋怨上天性別錯配，決定變性滿足心願，但過程前後飽受同學欺凌，家人反目無情，TOMO遠走日本多年才敢回港， LIAM拿起菜刀幾乎輕生，箇中辛酸主持也難以置信。
-
E7忍夠啦！我要打倒20年前嘅李蘊！
一輯意淫濕身照，令十四歲李蘊形象插水，負面新聞接踵而來；未夠秤被列飯局名單、劉謙戀情被屈搏上位、登台名銜變「鄧紫棋閨蜜」。但擔心愈描愈黑，一直「硬食」不作回應，婚變後決定大解放，上節目將廿年冤情 首次公開！
-
E8走音啫，使唔使咁呀？
新女團UNi「魔音」走紅，但曇花一現幾乎絕跡。成員無懼恥笑，上「怨女」澄清真相，並群起埋怨隊長不是，萌生退團衝動。歸根究低，全因隊友冇感情零交流。主持力挽重燃團火，隊友首次盡訴心中情，最終她們能否變成好姊妹？
-
E9做女優好陰公豬呀！我唔撈啦！
滨崎真緒一段無預警引退宣言，震撼日本AV界，原因撲朔迷離。「怨女優」破禁伸冤，拍「潮吹」效果灌水十公升，綑綁遇地震獨吊十分鐘。縱然慘無人道仍敬業死撐，直至去年成人展才毅然劈炮，全因「自尊嚴重受創」……
-
E10佢X得落係佢本事，你恨X唔到咁多，完！
藝人伍富橋迎聚富家女，「軟飯」評擊從此不斷。Shirley忍無可忍大爆料，除網民指控，老豆更「扮跛」玩串婚禮、直指女婿做鴨，她為了婚姻更要放棄家產。Shirley即場致電老公講真心話，場面極感人。
-
E11你玩牛郎？牛郎玩你咋！
16歲那年，女嘉賓初玩牛郎，及後男友家暴，玩牛愈玩愈癲，結果搞上「人牛戀」。包食包住，拍拖畀錢，雖嘉賓債台高築，仍甘當飯局妹賺錢「養牛」，詎料牛郎竟與阿嬸有一手，嘉賓傷心嘔心於一身，最終狠心斷情根。
-
E12做女人醒啲啦！怨咩女呀？學我啦！
「五索」自與富商戀情曝光後評擊不斷，但依然高調毫不忌違，更上怨女柴台挑機，迪偉獸性大發乜都問；雜誌封面夾料定偷拍？連生四胎計劃定意外？富豪關係真情定假義？Mean爆內容，誓必掀起媒體一陣腥風血雨。
-
E13因為窮啫，我想㗎？
「五索」終極一集，大爆「窮」年回憶：住街市被曱甴玩、險些被道友強姦，惶惶不可終日。成為小三後，怕父母失望，親生骨肉竟說成別人所生，一呃便呃足兩年。
