名家給力場

名家給力場

集數

洞悉市場大勢,捉緊市場脈摶,要有名家給力。各路財金猛人每日輪流為你拆局,了解投資秘技,背後玄機,給予力量。

今個星期四被視為「超級星期四」,外圍有美國聯儲局議息、拜登發表演說、多家科技巨頭包括Apple、Facebook出季績,港股方面,北水開始暫停,同埋係期指結算日,暫時睇嚟,港美股市都似乎跌定咗,後市再向上機會係咪較大?

中央喺3月「兩會」繼續強調「房住不炒」,但睇數據樓市仍然持續升溫,中央政策似乎遏制唔到樓價嘅升勢?

據差估署資料顯示,3月私樓售價指數按月升約0.8%,連升3個月,升至20個月高位,樓價首季累升約2.2%,同歷史高位差距收窄到約2%。早前,團結香港基金建議政府精簡土地及房屋發展流程,但似乎遲遲未有回應。

印度疫情持續嚴峻,單日確診數目不斷創全球新高。內地方面就有華融債務問題,呢兩個因素對股市造成幾大潛在風險?

港股已連續第3個交易日冇北水, 如果睇圖連續兩日開出大陰燭,個市就冧咗落去,今日仲插穿埋100天線,到底「死因」係咩?冇北水、擔心印度疫情失控、香港出現變種病毒,還是季績期過咗冇嘢好炒?

美國二手車股Autonation(AN)、Carmax(KMX)、Carvana(CVNA)隔晚都有得升,瑞信發報告預期,車企晶片荒下個月底前或會有改善,又話呢段時間可以考慮投資汽車經銷股,主要係新車少咗,唔少人都會轉買二手車。

美股4月表現標青,但喺5月第2個交易日,美國財長耶倫講咗一句「可能要輕微加息避免經濟過熱」,即時震散美股,美股今個月會點走?

思博資本高級合夥人張宗永指,反而覺得「台灣從來未如此安全過」,今日中方攻台機會係好細,因為一旦出手就比咗一個機會美國。不過,對咁近嘅香港嚟講,有一個咁大嘅不確定性,始終唔係一件好事, 一旦開戰,啲錢就入唔到嚟香港,雖然呢個可能性係唔高。

港股踏入「五窮月」,恒指不停chok上chok落,科指表現更差,今日再失守8000點關口,似乎應該避開新經濟股,假期前開始大爆發嘅醫美股,同埋愈升愈有嘅體育用品股,仲值唔值博?邊啲股份可以睇高一線?

美團(03690)股價今日一度低見255元,大跌逾9.8%。美團CEO喺社交媒體PO咗一篇古詩《焚書坑》,引嚟熱烈討論,之後篇古詩已經消失咗。王興都有解畫,話篇古詩比咗個警示佢,就係美團外賣最大對手可能係顛覆外賣業嘅新對手。