晚吹 - 又要威 又要戴頭盔

晚吹 - 又要威 又要戴頭盔

集數

每集同路人以四人為限,各自戴上真‧頭盔,跟主持人林二汶和余迪偉再遊花園、一同就INSIDER SECRETS進行討論。同路人同聲同氣同仇敵愾,盡訴INSIDER在頭盔掩下難得公開的秘密。

美容業界多年來經常被人投訴,主持請來幾位在美容業界擔當不同崗位的業內人士,大爆行內的秘聞及潛規則,並讓他們有機會為自己大平反。

美容業界為其產品服務推出「試用價」或「免費試用」,本來是希望拓闊市場,但亦因此衍生出一批只試不買的顧客。面對這些「Try精」,業內人士會如何應對?另外,他們日常要面對瘋狂投訴的客人之外,亦要應付麻煩藝人,更試過被客人恐嚇!

貨VAN司機揸住搵食車,日日行勻港九新界。點解佢哋搵食都會驚犯法?師兄之間要避免中伏,就要識「動口不動手」。個個廣告都話貨VAN又平又正,但背後嘅遊戲規則令一班自由身司機待遇,仲辛苦過打工仔。

Slash族最先於美國年輕一輩冒起,Slash 代表住「/」符號(斜號),指那些身兼多職的人。他們往往會用Slash表示自己從事不同的Freelance工作。

香港人生活,總係離唔開一條鐵。呢條號稱世界第一嘅鐵,近幾年令唔少人愈搭愈燥底。面對人口爆炸同埋無止境嘅加密班次,係鐵係人都超哂負荷。而喺前線返工嘅鐵路員工,就更加承受內外夾撃。

明明唔係做Sales,原來做鐵路都要跑數,仲要跑到日日冇停手。一班手足仆心仆命,有意外飛身補鑊,人工包唔哂,加隻水杯再搭個蘋果就可以順返條氣?為優質服務不停OT,儲成個月補假冇得放,竟然被提議「割價賣工時」?

服裝造型師 – 名店、電視、電影、廣告、藝人的好夥伴,但只要有需要接觸尊貴的客戶,就會有不合理及奇怪的要求,例如: 男團爭衫着; 不講明要求,又怪責你不達要求的廣告公司agent 以及要求將平胸女模變36D等。

今集四位服裝造型師會分享行內潛規則 – 當你以為拖糧三個月已經好過份,拖糧九個月,之後,更要求以八折出糧,甚至用不同藉口不出糧的事件在行內比比皆是。

香港人最近相當團結,連情緒都「齊上齊落」。社會氣氛面臨一片「低氣壓」,有朋友都因為周遭發生嘅事情引起情緒困擾,甚至感到了無生趣。呢個時候,可以做咩令自己令朋友繼續撐得住?

香港人,一個都不能少!網上有唔少巴絲打喺討論區狂呻,甚至呻到入去死角位,呢個時候貼求助熱線有咩用?發惡夢都可以打上熱線,接線專員教路點樣戴穩頭盔傾心事。返到現實,真心朋友突然送厚禮講BYE BYE可以點應付?

一講起催眠,大家會唔會即時覺得神神秘秘?其實真正嘅催眠,可以進化到一對幾百人嘅大型表演!一班催眠治療師到底有咩秘技可以以一催百?有咩天份特別適合做催眠師?要幾耐至可以練成催眠術,成為正式催眠治療師?被人催眠會有咩感覺?

催眠治療師每日都要面對帶住唔同煩惱嘅客人:小至失戀減肥,大至勸阻倫常命案,對佢哋都係日常工作。係人打開門做生意,都希望客人再次光臨,唯獨做催眠治療就要識得趕客,甚至街頭見到客人、街尾就要閃。

好多貓狗義工出錢出力幫浪浪,以為「拯救生命」咁偉大,一定備受尊重,點知原來有苦自己知!遇到街坊阻撓,義工們有咩方法幫自己解圍?貨倉搬遷留低幾隻倉狗,女義工不惜以身犯險救狗,究竟可唔可以大團圓結局?留意今集《又要威又要戴頭盔》啦!

成日話「支持領養,拒絕購買」,但究竟點先可以領養寵物?貓狗義工嚟家訪,原來會睇好多嘢!成日聽人講「愛記」、「漁記」濫殺生命,究竟貓狗義工同佢哋關係又係點?仲有義工嘅親身經歷,搞到一個大男人流下男兒淚!

有冇諗過晚晚追劇見到嘅Oppa,有一日會同你同一架van仔仲大叫有落?動畫之中擁有噴火身材嘅女優,原來同時都可以係文青女神?靠把聲搵食嘅,除咗兩位主持,仲有香港專業聲優!

一班專業配音員坐埋一檯,火力全開大講幕後種種奇怪要求同禁忌:震音演繹廣告VO、唔可以講射波嘅足球動畫、唔可以打交嘅武鬥場面…同時又會講下做專業配音員周不時蝕車錢嘅場面、為咗保住靚聲食藥食壞身子、咳到半條人命仲要頂硬上嘅慘況。

注意!本集含有大量閃光彈!當結婚嘅意義淪為只係一紙婚書時,香港一班同志就係為咗呢一張婚書,飛到世界各地結成佳偶。今集我哋就請咗幾位已婚嘅同志上嚟,講下佢哋嘅求婚故事到籌備婚禮過程。

一班同志婚後喺香港用配偶身分生活,表面上係平凡簡單,實際上每個細節都考起大家:平日兩個星期搞掂嘅家屬證,因為係同志身分搞三年都搞唔到,仲要俾HR寸「不如你結多次婚」;明明係行哂禮簽哂紙,報稅剔邊格竟然靠司法覆核;到底叫老婆定老公?

每個電視節目背後,都有一班幕後功臣!而喺呢班「功臣」當中,最辛酸莫過於助導(PA)喇!究竟PA平時做啲乜?試過一個月工時超過400小時,呢班人係點樣捱過?仲有平時節目見到嘅嘔吐物、血漿等等,到底係點樣整出嚟?

成日話娛樂圈係一個大染缸,而作為呢個大染缸嘅一份子,電視台PA可以話見盡人情冷暖。原來呢一行,老臣子唔一定擺架子,反而同老前輩合作仲舒服!咁究竟最難頂係啲咩演員?PA們最無辜被罵嘅經歷又係點?今集《又要威又要戴頭盔》講盡PA血淚史!

「驅魔人」喺電影同電視劇就見得多,但現實中真正嘅驅魔又係咩一回事? 天生有陰陽眼就做到驅魔人? 夾中指、灑童子尿、講粗口甚至出動埋十字架,邊個方法真係驅到鬼,邊個方法只係做戲咁做俾你睇?

驅魔人能人所不能,但面對唔同嘅鬼魂,有時都幾頭痕。當宿主唔想同鬼魂分離,驅魔人可以點處理? 遇上一隻法力高強嘅惡鬼尋仇,作為血肉之軀嘅驅魔人到底可以點樣全身而退? 如果聽唔明隻鬼噏乜,又有咩新奇法寶可以應對?

一班原本主力採訪校政嘅學生記者,因為時局嘅轉變同需要,毅然踏上前線衝鋒陷陣。呢班初出茅廬嘅學生記者上到前線採訪,到底遇到乜嘢困難同制肘?

好多嘢都係由低做起,美甲師都一樣!初入行做學徒月入得$4000,竟然被無良老闆呃錢呃足$8000!修甲聽聽埋埋唔少八卦事,有美甲師竟然發現三角戀三位主角都係自己客人,最後點收科?

波鞋售貨員親身認證,原來呢行好多古惑術語,無論係關於波鞋碼數、衰客行為、身體部位、客人外表、價錢嘅都有,聽到外行人一頭霧水。

波鞋售貨員每日要處理嘅奇難雜症多不勝數,由服待啲客試鞋試足一日、金睛火眼睇住有無人偷嘢,到衰客惡意刁難、無理退貨都要搞掂,點解衰客一地都係?因為香港人心情好買鞋,心情唔好都買鞋。