名家給力場

名家給力場

集數

洞悉市場大勢,捉緊市場脈摶,要有名家給力。各路財金猛人每日輪流為你拆局,了解投資秘技,背後玄機,給予力量。

港股連跌7日後,今日終於識彈,但收市係咪有得升仲要睇住,因為好多時都「衰收尾」,依家港股仍然係「升唔上,跌唔落」嘅悶局,到底個市等緊咩?幾時先會出現突破?

美國5月通脹錄得2008年以來最大按年升幅,不過,聯儲局繼續話,呢個只係暫時性現象,但其實市場兩邊聲音都有,即有部分人認為唔係短暫。睇返聯儲局3月嘅點陣圖,聯儲局官員預期,會維持近乎零息至2023年,今次嘅點陣圖會唔會有變動?

市場等緊聯儲局今晚出爐嘅議息結果,睇下有冇傾「收水」,依家市場嚴重「水浸」,美銀證券嘅報告話,客戶債務投資佔資產管理規模比率持續喺低位,反映客戶唔願意揸債券,點解會出現呢個現象?

今年至少發生兩宗虛擬貨幣泰達幣現金交易劫案,金額高達200萬及350萬港元。泰達幣嘅基本運作係點?同其他虛擬貨幣有咩唔同?市值又追唔追得上其他虛擬貨幣呢?

航運股近期升唔停,主要係喪炒需求、運費,其中海豐國際(01308)最新發咗盈喜,估計中期多賺最多3倍,刺激海豐股價今日一度升逾9%,高見30.65元。

「謎網股」隆成金融(01225)因捲入細價股風暴,喺2017年被證監會勒令停牌,由於公司已滿足到復牌條件,今日終於復牌,股價一度暴瀉逾55%,更成為半日跌幅最大港股。

近期美股氣氛有少少轉差,相對道指,納指表現明顯靚仔啲,如果睇圖,怕唔怕納指部署緊一個三頂情況,如果要跌落去,調整幅度可能會好深,難免會令部分投資者卻步。

美國聯儲局主席鮑威爾噚晚話,唔會因憂慮通脹而先發制人加息。過去一個星期,有40%標指股份跌至1個月新低,聯儲局仲未正式「收水」,美股動力已經減弱?