外餸

外餸

集數

外賣經典菜不得不提港式焗豬!名廚Christian率領Kathy同阿神盲食本地四間外賣焗豬,一場「厚切vs薄切豬扒」同「芝味vs番茄汁」的CP值對決展開!由豬出發,Christian今集加餸「豬仔髀」,教大家炮製自創百搭醬汁!

手工點心可貴之處在於點心師傅的手藝!今集Christian、Kathy同阿神盲食四間手工點心,逐一點評茶客三寶「燒賣、蝦餃及牛肉球」!配合傳統點心主題,Christian今集加餸「菠蘿包」,變奏出驚喜脆皮!

海南雞要嫩滑﹐就必須花時間去浸雞!今集Christian、Kathy同阿神盲食四間海南雞飯,當中一款海南雞的賣相和肉質皆極之誘人!Christian更以浸海南雞的技巧,創作出韓式醬雞!

今集亮相的四款牛丼各有不同,食到Christian都出現選擇困難症,好不容易才挑選出CP值最高的外賣牛丼!深水埗有高質漢堡包?阿神為你點餸!Christian教Kathy炮製「偽親子丼」,期間Kathy分享入行以來最大的煩惱。

茶記常見的咕嚕肉愈賣愈貴!四款價錢和製法各有特色的咕嚕肉﹐可以令到Christian同阿神同聲同氣?為了節目,Christian相隔五年再煮拔絲咕嚕肉,他坦言有機會失敗!銅鑼灣日本菜和酸菜魚,Kathy同阿神為你點餸!

下午茶恩物公司三文治來了!向來支持本土風味的Christian ,因為一個原因,給予其中一款公司治最高評價。加餸時間,Christian同Kathy聯手炮製「上市公司三文治」!

撈檬粉向來是開胃之選!Christian、Kathy和阿神試食四款豬頸肉撈檬,因為其中一款酸甜醬汁同惹味豬頸肉,Kathy竟高呼「無人明白我」?Christian獨創「峇里風鴨胸撈米」,食到星洲炒米味?

想食外賣炸雞?香港有好多選擇!試勻四款原味炸雞同甜辣炸雞後,Christian、Kathy和阿神都被同一款秘製醬汁和雞肉吸引!想在家中BBQ?Christian教你煮難度極低,但滿滿郊遊BBQ情懷的炸雞。Kathy和阿神走入荃灣為你點餸!

今集食Kathy最掛住的台灣鹽酥雞飯!到底有冇邊一間嘅外賣鹽酥雞同滷肉飯能完美呈現台灣古早味?Christian從宜蘭旅行取靈感,結合「神之三杯雞」,炮製出台式酥皮三杯雞蛋餅!仲有銅鑼灣區台式甜品,以及中環區嘅高級素食介紹!

肉骨茶各家各法,今集外餸四間肉骨茶,其中一間令Christian都讚藥材味濃郁夠正宗!為咗令大家品嚐到胡椒之味,Christian以「新加坡胡椒蜆肉意粉」為題,由Kathy同阿神試煮大鬥廚藝!Foodie路今集坐標鎖定屯門同大角咀!

四川麻辣米線向來都係香港人熱愛美食!除咗連鎖店,其實坊間仲有好多「勁辣」嘅地區小店,今集四款麻辣米線就食到三位主持憶起往事!有冇諗過擔擔麵嘅辣可以另上?Christian公開上海素擔擔麵食譜!旺角打卡餐廳同深水埗隱世居酒屋?

到底四款外餸Margherita薄餅,定Christian教大家整嘅剩食Pizza吸引啲?免焗爐薄餅令到Kathy同阿神大開眼界!Kathy仔以男友視角歎牛頭角茶記小炒,阿神就以神之嗅覺搵到深水埗自家製XO醬!

最後一集Christian、Kathy同阿神和你懷舊!由四款外餸叉燒飯,到荃灣老字號糖水,再入元朗食港式點心,最後由Christian教大家整鐵觀音蛋撻。Kathy仔嘅男友視覺故事大結局會係點?阿神最後開創出咩模式?