旅行吊靴鬼 - 台灣

旅行吊靴鬼 - 台灣

集數

旅行有好多方法,無論hea定癲,都係由自己籌劃,一力承擔。不過今次旅行,完全被動。每日主持都會搵一組當地旅行的香港人,佢地可能係單飛、情侶、幾個大男孩、一家人,跟住佢地的行程一日遊,吊靴鬼咁黐住人,主持完全唔知去邊、完全被動。當中可能會舊地重遊、或者發現新大陸。不過最好玩嘅係窺探旅行者的關係及行為

姚氏家庭

去旅行唔洗有Plan,做個「旅行吊靴鬼」就得啦,飛到日本台灣跟實香港遊客,分分鐘有意外收獲!第一集,我哋就跟主持Ranya,遇上姚氏一家,加埋都幾百歲大細路各有性格、各有特色,上一秒大聲講大聲笑,下一秒竟然要立即開家庭會議?

私房夫妻

以為第一日咁順利,第二日就可以繼續做隻「旅行吊靴鬼」?行咗成晚,Ranya都搵唔到旅台香港人,失望之際,見到一對急忙夫妻當然就跟實佢唔放啦!

中學同學

你仲同幾多個中學同學有聯絡? Ranya行行吓夜市時,遇到一對母子,仲同埋佢識咗幾廿年中學同學一齊去台灣旅行,一個負責安排行程,一個負責搵路,親如兄弟嘅佢哋,就走過幾十年友情歲月。

三個女仔

三個女人,當然就一個墟啦!到底三人行,係咪總有一個被遺棄呢?Ranya今次遇到三個台灣留學女學生,除咗行街要一齊,食飯都要一齊,連愛好非常夾!

訂婚夫婦

Ranya今集除咗係一隻「吊靴鬼」,仲做埋「電燈膽」!跟住一對就快結婚嘅小情侶由台北玩到落台中同清境,跟住同樣做設計師嘅佢哋成為咗一日「偽文青」,小倆口全程有傾有講,去邊都大家有計劃有溝通。

無

所謂「天下無難事,只怕有心人」,但更多時候唔係你肯做,人哋就會畀機會你。今集「吊靴鬼」問咗好多旅台香港人,但佢哋一見到Ranya就進入防備模式,唔通Ranya呢隻「吊靴鬼」真係咁討厭?

兩個家庭

經過一番努力,今集Ranya終於搵到兩個大家庭畀佢跟喇!唔好睇家庭成員個個都年過五十,原來佢哋對感情有一份執著,去到台灣唔行名店行小舖,就係為咗感受一份失落緊嘅人情味。

居日遊台

《旅行吊靴鬼》除咗想跟住旅台香港人一齊玩之外,最開心就係感受到每一對旅客嘅相處之道,而今次就畀Ranya識到一位旅居日本嘅香港人。

四個女仔

「等等先!相機食先!」大家平日食飯前係咪要影相,去到邊係咪都要打卡?今集Ranya跟住四位女仔,由同學識到依家,最鍾意就係四圍去玩,每個人都會負責唔同崗位,不過唯一一樣係大家都會做 -「打卡」!食飯,「打卡」!行街,「打卡」!

台灣家庭

最後一集,今次Ranya搵到一位居台港男,跟住佢去探訪一個台灣家庭,仲跟埋去一間由香港人開嘅台灣公司,跟住仲識到一隊台灣樂隊,Pisco,所謂出外靠朋友,原來想感受真正嘅當地風情,首先就要忘記自己係旅客嘅身份,融入其中。

更多類似影片