晚吹 - 又要威 又要戴頭盔

晚吹 - 又要威 又要戴頭盔

集數

每集同路人以四人為限,各自戴上真‧頭盔,跟主持人林二汶和余迪偉再遊花園、一同就INSIDER SECRETS進行討論。同路人同聲同氣同仇敵愾,盡訴INSIDER在頭盔掩下難得公開的秘密。

當香港人恨不得即刻飛去日本呢個「第二家鄉」,一班日本女仔就喺香港打滾咗十幾年都唔諗住走。令佢哋留喺度嘅,係愛情、風土人情,定係另有內情? 喺度生活咗咁耐,好多以前喺日本因為文化問題而唔敢做嘅事,都已經喺香港一一解禁...

成日話日本係香港人嘅「鄉下」,但係對於日本嘅禁忌同文化嘅認識,好多人都只係BB班,一唔小心踩中地雷,就算你幾愛日本,日本人都唔會愛你。另外,港男嫌棄港女惡死,成日FF自己嘅另一半,可以好似愛情動作片裏面嘅女主角咁溫柔體貼,而日本女仔又何嘗唔

偽娘(日語:男の娘/おとこのこ Otokonoko),亦都可以叫做偽女,係日本文化入面有「女孩」一樣女性化性別表現嘅男性。

「偽娘唔易做」,除咗要承受去男性化變得「比女人更女人」嘅肉體痛楚外,仲要承受種種嚟自家人、朋友以及社會嘅壓力,如: 家人指責「她/他」接受採訪,係公開「丟架」; 各類網絡欺凌與性騷擾; 以及在感情生活方面...

一個疫情,搞到人人自危,但就算自己幾小心都好,你冇中到招,都唔代表你身邊嘅人可以甩難。好彩嘅最多畀人送入隔離營,體驗一下「有今生無來世」嘅隔離生活,但由被通知要入隔離營嘅嗰一刻開始,每一種經歷都足以衝擊你嘅認知...

全港最大的隔離人士接待中心上線啦! 一星期十幾款飯盒任君選擇,杯麵、餅乾、生果,想要幾個就叫幾個,定時送餐服務堪比酒店質素,唾液測試一步到位。十幾日隔離時間,顛覆你對「入Camp」嘅刻板印象,讓你重新思考人生,毋須去到深山野地...

主題樂園係唔少香港人嘅童年回憶,喺呢個充滿歡樂嘅地方,員工返工係咪真係咁開心?主題樂園裡面咁多崗位,以為負責維持秩序係最難頂,點知原來有個崗位都好受氣!仲有大爆遊客同吉祥物嘅搞笑互動,同埋日常工作遇到嘅搞笑客人,想知就唔好錯過啦!

主題公園每年萬聖節都有特備節目,吸引好多遊客參與!扮鬼扮馬嘅演員嚇人招數層出不窮,有人仲試過嚇到個客仆咗落尿兜?不過嚇得人多都有代價,就係被客人「招呼」返轉頭!除咗扮鬼嚇人之外,園內員工都遇過啲真‧驚嚇嘅靈異事件,聽到都起雞皮!

三個純情中女賺完真銀,密密約埋姊妹淘去夜場尋歡,闊佬洗錢請港、韓、台、菲、泰、北上俊男陪玩陪飲,親身「食評」厚過字典。就請索女們用半小時大講特講男陪坐圈嘅奇聞軼事、寂寞婦人如何沉淪喺幻愛遊戲、自己又點樣由消費者變成同男陪坐拍拖……

有人去歡場玩,鍾意明買明賣,盡興過後乾手淨腳。而呢班女人享受戀愛嘅感覺,只講心不講金,甚至驕傲自己媾到男陪坐,唔係一場金錢交易。不過終究一個鍾意蒲,一個靠落場維生,係咪可以互相接受?

快餐店係好多打工仔嘅恩物 - 無論係冇時間食晏,抑或係糧尾冇錢開飯,都自然諗起快餐店啲平價套餐。但係恩物還恩物,其實裡面都好多黑暗嘢,例如炸嘢嘅油唔係成日換、有分店曾經重用客人食剩嘅薯條、後廚用奇招對付啲無理客人等等……

山長水遠搬入離島住,係因為愛定責任?三位來自長洲、南丫島嘅居民,有人自細喺離島長大,有人因為平租而搬入離島。你以為離島生活就係悶?其實每個島民都係時間管理大師,每次出城都要計準車程船期,一旦計錯數隨時要瞓碼頭等天光…

個個都入離島STAYCATION享受假期,但對離島居民嚟講,每個Weekend都係好似打仗一樣嚴陣以待。到底喺島民心目中,咩遊客最難頂?有邊啲名勝其實伏到無人有?成日都有人話離島有靈異事件,到底住喺離島有冇第一身嘅詭異故事?

疫情下酒店業生意大受影響,究竟幾位酒店員工又駛唔駛面對無薪假、甚至被裁員嘅風險?遇上隔離客人入住,大家都人心惶惶,佢哋又有冇嚇到怕怕?

住酒店除咗想舒舒服服之外,更重要當然係乾淨衛生!究竟酒店房裡面,乜嘢設備最易中伏?有啲咩喺使用前一定要檢查得清清楚楚?早前網上流傳有酒店房間被搗亂嘅片段,房務部員工分享處理「災難房」嘅經驗!搗亂之餘,原來房內有好多嘢都會被客人偷走!

今年雙春兼閏月,本身係結婚好年。而一個疫情加n條限聚令,成班準新人大失預算。但係仲有人勇字掛心口,限聚令當前婚照結、酒照擺。

成班限聚新人好不容易終於結到婚啦!雖然口罩唔可以當人情,但疫情下用嚟回禮就大受歡迎;記得準備大隻兄弟看門口,趕走體溫太high嘅賓客;擺完酒仲要mon足一個月新聞,甩到「婚禮群組」嘅危機至叫順利完婚。

好多人細細個都鍾意喺牆壁上面畫公仔,今集幾位嘉賓都唔例外!長大後嘅佢哋唔只畫屋企幅牆,仲會走出街周圍畫!究竟塗鴉嘅世界係點?唔同種類又係點區分?

今集頭盔請嚟三種不同風格嘅「賣甜相的女孩」,講下佢哋點樣由零開始,搵到一班忠心fans準時課金,將美色變成美金!

想打開fans銀包,最緊要識得拉近距離。一班賣甜相嘅女仔,會講下同fans互動嘅奇怪經歷:有fans愈鬧愈興奮、有戀足fans只想攬實女神對腳、原味fans即場開價買起女神底底…

喺行李架上收埋成碟飯?廁所塞咗要通渠險變「屎撈人」?停機坪上遇到恐怖靈異事件?你冇睇錯呀!呢啲都係三位飛機維修員遇過嘅真人真事!

《頭盔》仝人預祝大家牛年日日歡喜!住喺香港嘅韓國人、巴基斯坦人同尼泊爾人同樣會放農曆新年假,不過就唔會跟中國傳統過節。而遠在香港嘅佢哋,又會點慶祝自己族群嘅新年,同埋其他節日呢?

三位女生分別屬於韓裔、巴基斯坦裔同尼泊爾裔,住喺香港多年,絕對稱得上係「香港人」,甚至有人返鄉下都要托爸爸送嚟燒賣同紙包檸檬茶,一解思港之情!同時,佢哋又會受到族裔嘅傳統文化同習慣所影響,喺生活當中體驗或多或少嘅文化差異。

做遊艇水手,成日跟老闆出海、接觸有錢富豪嘅世界以為好威水?原來背後承受好多不為人知嘅壓力同責任!平時要做個好管家、幫老闆打理隻艇;出海時搖身一變,集救生員、侍應、廚師技能於一身,做得唔好仲會丟老闆架,認真大壓力!

過氣女星上船「搵老細」親熱?男明星因小事發怒出手打女朋友?電視螢幕上嘅「好好先生」上船偷食、當聽到電話響即刻「笠水」要求全世界靜音?你冇睇錯!呢啲全部都係今集三位遊艇水手喺艇上嘅所見所聞!除咗見盡明星真面目,佢哋仲大爆離譜客人嘅奇幻招數..