晚吹 - 有酒今晚吹

晚吹 - 有酒今晚吹

集數

古今中外,人類的品酒文化源遠流長!結婚時、畢業時、離別時,人們都愛以酒相伴…人生中的悲歡離合、喜怒哀樂,每一事每一物都總能以美酒作搭配。若說「美酒」能說「故事」,大概亦不假!全新一輯《晚吹》系列作品:《晚吹:有酒今晩吹》,主持人會以「一枝酒,一個故事」出發,與每集受邀請的明星嘉賓,一齊「堅飲、堅醉、堅吹水」。未醉之前,大家固然能侃侃而談,有紋有路;醉了之後,彼此更會放下隔膜,爆料講真話!

人人都愛「沙律」,但你又有冇試過同「沙律」飲酒?今集節目,3位主持會同嘉賓「沙律」張沛樂,一齊品嚐3枝別具特色嘅「日本清酒」!沙律貴為新世代性感女神,但原來飲醉酒會「主動去搞」的士司機?曾經有電影男主角對佢抽水,得出嘅下場居然相當「慘烈」?

《感應》、《花無雪》、《我的回憶不是我的》...一首接一首經典K歌,都係由一位唱得之人演繹,佢就係:泳兒!今集節目,3位主持會同泳兒,一齊品嚐3枝別具特色嘅「波爾多葡萄酒」!

今集嘉賓十分勁,請到「隔離台」嘅兩大台柱小花現身!講緊嘅係美貌更勝盤翠瑩嘅「盤菜瑩子」,以及智慧媲美唐詩詠嘅「詩勁」。主持人會同兩位飲住「南非酒」,一齊大爆毛記電視嘅猛料!盤菜瑩子會為你親解較早前「離奇變短髮之謎」!

近年越嚟越多具實力嘅偶像歌手,轉投獨立發展,當中包括今集嘉賓:鍾舒漫Sherman。今集節目,3位主持會同Sherman,一齊品嚐3枝別具特色嘅「意大利酒」!當年《給自己的信》橫掃各大流行榜,何解Sherman當初反而對呢首歌「藐嘴」?

Robynn & Kendy呢個名字,向來都係予人小清新嘅感覺。適逢組合休團,兩位成員又以新形象示人,惹起拆夥傳聞。

試問有邊個嘉賓能夠「二度」亮相《有酒今晚吹》?相信只有人人愛戴嘅Joey Tang先做得到!今集,3位主持會以一系列別具特色及歷史嘅「格魯吉亞酒」,同Joey哥一齊傾吓偈!鄧建明,守口如瓶。

法科師傅,從來都給予公眾一副道貌岸然嘅形象。唯獨是今集嘅嘉賓,無論响形象及言論上都叫人「估佢唔到」!今集3位主持會以3款「新派中國白酒」,去招呼嘉賓:七仙羽師傅。ViuTV眾多女藝人當中邊個最恨嫁?

每一代人都有佢心目中嘅性感女神。要講出一個能令到70、80後神魂顛倒嘅女神名字,一定會提起今集嘉賓:「大馬女神」張慧儀。今集3位主持會以3款「雞尾酒」去招呼張慧儀,同佢一齊傾吓偈。身為一代性感女神嘅張慧儀,當年居然被人响電視台公開嘲笑「醜樣

今集節目請到一位宅男女神,佢不時喺ViuTV出現,大派福利畀網民!但原來女神親民舉動背後,亦都有住唔少女心事!今集3位主持會以3款「德國葡萄酒」,去招呼嘉賓:Renee 李蔓瑩。Renee試過飲醉酒,第二日酒醒竟然身處男仔屋企?

今集節目請到一位男神,而且係男女通殺!無論喺電影、電視劇、MV、廣告都會見到佢嘅身影,而呢一位演員當初竟然係陪朋友試鏡而入行,從此展開「基界男神」之路!今集3位主持會以3款「隆河谷葡萄酒」,去招呼嘉賓:林耀聲。

今集節目請到兩位新晉演員,一位係運動員出身,早前已經奪得金像獎最佳新演員獎;另一位嚟自武指世家,依家已經係一位動作戲新星!今集3位主持會以3款「日本氈酒」,去招呼嘉賓:胡子彤、張文傑。

今集節目請到一位搖滾發燒友,佢同樂隊成員為香港人唱出無數心聲,作品更奪得過金像獎最佳原創電影歌曲!今集3位主持會以3款「亞洲威士忌」,去招呼嘉賓:RubberBand泥鯭。

今時今日,飲酒已經唔係飲得之人嘅專利,連酒少少就醉嘅朋友都可以。事關潮流興飲「無酒精啤酒」!今集,3位主持會用無酒精啤酒,以及兩款以此調教嘅Mocktail,嚟招呼可能係香港娛樂圈史上最唔飲得嘅男藝人:岑珈其!世上竟然有人食醉雞鍋都會醉?

本節目播出以來,有一位歌手朋友嘅名字老是常出現,更被列為「史上最慘情屋主」!今集,我哋揾來當事人:鄧小巧現身,同主持分享招呼醉酒朋友會面對嘅難題,並一齊暢飲三款「布爾岡葡萄酒」。

潮流興有機,食物要有機,化妝品要有機,就連飲酒都要有機?今集,3位主持會用一系列極具特色嘅「有機葡萄酒」去招呼嘉賓─「最有機」响今年爆紅嘅viuTV家族新成員,岑日珈Angie。Angie出道時向自己許下「6年之約」,未能大紅就引退。

人愈大,就愈希望獨立;原來唔止係人,就連酒莊都會想「獨立」。今集,三位主持用一系列別具特色嘅「獨立酒莊香檳」,去招待一位同樣於近年離開大台「獨立」作自家發展嘅藝人:麥包,一齊傾吓偈!

提起西班牙,唔止有皇馬、巴塞,同西班牙海鮮炒飯,仲有「性價比」甚高嘅葡萄酒。今集,3位主持就要用3枝別有風格嘅「西班牙葡萄酒」,去招呼嘉賓:鄭融。推出大熱歌曲《紅綠燈》之後,鄭融何解事業忽然停滯不前?

《有酒今晚吹》其中一個特色,就係嘉賓靚女多!今集亦不例外,請來兩位女神級人馬:「文青女神」林婷,以及「冰美人」陳穎欣Yanny上嚟,同三位主持一齊品嚐一系列別具特色嘅「長相思 (Sauvignon Blanc) 葡萄酒」。

自 Shirley 沈加盟本節目以來,網民好評不絕!但若然一個 Shirley 已經令大家開心,兩個 Shirley 聚首應該令大家更興奮!

要數2020年ViuTV最多人談論嘅原創劇集,《男排女將》一定榜上有名。今集,3位主持就要用一系列特色「本地手工啤酒」,去招呼《男排女將》嘅兩位演員:「黃金sir」陳宇琛,以及「安安」余潔瀅。

有人講過,人愈大,酒量會愈來愈好。但對於今集嘉賓,自稱外貌同心境都保持係小朋友嘅:「林欣彤Mag」嚟講,又成唔成立呢?今集,3位主持就要用一系列「智利葡萄酒」嚟fact check!