月巴大作戰

月巴大作戰

集數

有班肥佬只不過多咗少少嘢,就少咗好多機會約會,連踢波嘅聚會都無人叫佢。於是,某一天,因緣際會,呢一班肥佬組成一隊波,大家為咗一個目標,三個月裡面改頭換面,由攤晌梳化變咗瞓球場,減肥為名識朋友先係真,作戰過程有血有汗有笑有淚,最後大家都揾返久違咗嘅身型同青春。

暫時落後的月巴

早排有報導話BearBear身型好好攬,但其實男人最好都係無肚腩!有邊個男人,唔想有六舊腹肌、唔使俾女飛?一場改變肥人對自己、你對肥人觀感嘅大作戰-2017 月巴大作戰。頭啖湯唔好太油膩,廢事20幾人迫爆你個Mon!

輸在起跑線

月巴或者輸在起跑線,但唔緊要,最緊要肯踏出第一步。二十幾舊腩肉,油花分佈平均,散滿球場跑道。不求贏在起跑線,但求有日脂肪講再見!起動!

脂肪非一天建成

每一個月巴,都話自己肥係有原因。因為打工咁咁咁,因為屋企人點點點。俾咁多藉口,不如留番啖氣對付脂肪怪仲好...

支持 vs 脂遲

如果...有人支持,或者脂肪會遲啲嚟...可惜沒如果,正如每一個月巴都會話,如果當時唔係咁咁咁,我就唔會變成月巴啦!人總要向前望,有人支持你,其實一啲都唔遲...

我想踢波呀

練咗咁耐,都係時候開波。搵U15後生仔練兵,無奶油會輸嘅,幻覺嚟嘅!如果真係贏唔到,就...都係凡事留一線,脂肪不再見。嗶!開波!

月巴之臣

月巴之所以係月巴,因為脂肪怪真係好難擊退。而脂肪怪當中,又有啲係好難攪,我地稱之為月巴之臣!

月黑浪巴

一班U15球員,上場喺月巴身上上咗寶貴一課,今次同傳說好好波嘅黑浪要討教。分享球技當然無問題,點解唔分埋啲脂肪怪呢?

贏波脂味

到底月巴幾時可以贏波?下場對女子隊之前,教練用心良苦幫月巴加操,希望下星期大戰,到時唔好「脂脂」啦!

奇蹟「脂」誕生

月巴:我想贏波呀!阿Sir都算係咁,最後一場安排女子隊俾月巴,應該可能或者有機會贏...卦...不過,月巴好似連波都未入過,最後會唔會FF變GG呢?

最終章

人生有個真正朋友的確好極!一班月巴苦戰半年終於略有所成,搵到青春搵到朋友搵到條腰。月巴們,下次再返嚟,記住唔好成為脂肪怪呀!

更多類似影片