穿衫搭正

穿衫搭正

集數

10年前行街買衫是年青人的重要節目。從太子到尖沙咀細逛每個商場,耐心和朋友研究櫥窗公仔的配搭,只為挑選合心的新裝。但今時今日 Shopping,不是網購就是大型連鎖服裝店。究竟是潮流終結,還是你放棄了潮流?其實潮流從沒完結,反而網絡發達令更多不同風格的衣著都得到眾人的關注追捧,繼而有很多潮流小店座落香港各處。

民族風十年前紅極一時,街上年輕女生都穿上長裙變身女神!十年過去,民族風發展成點呢?入門襯搭應該有咩方法?

軍服唔一定係打wargame先著嘅!其實古著一樣有充滿歷史美感嘅軍事風服裝,著起上嚟又Man又有型。店主AJ更加同大家分享自己經營店鋪要虛心求教,會對店鋪發展非常有幫助!

Cityboy風格就係要be yourself,點樣可以喺穿搭上面表現出自己獨特一面?

古著細分好多種,而美式古著屬於較容易入門的種類,有恤衫、T 恤、衛衣等等,較為中性,亦較為容易配搭!今日Jackson邀請咗美式古著店店主Koma,同大家分享如何觀眾國外和本地市場需要,為店鋪定立主題,藉此向客人推廣古著文化。

歐美女仔著衫總係俾人自信滿滿嘅感覺,服飾帶點性感,亞洲人好難carry到?咁又未必啵,香港就有個女仔兼顧讀書同時又開咗屬於自己嘅店鋪經營歐美嘅女裝服裝!究竟有咩方法可以一方面讀書又將小店搞得有聲有色呢?

講起郊遊大家最入腦應該都係「記得著深色長袖衫褲」。其實喺山系服裝世界,有各種功能性同外觀性選擇。今集店主會同大家分享日本人嘅遠足理念,以至山系服裝變化!

要創立一個街頭文化服裝品牌可以話容易,亦可以極高難度。要喺入面突圍而出就一定要有創意。今日呢個小店就加入咗香港獨有嘅語言文化融入服飾當中,令大家產生共鳴,令到大家對品牌產生興趣!

有冇諗過將代代相傳嘅古董著上身?聽落好似好奇怪,其實日本嘅古服係經過每一代人使用同修補,變成一件帶有古舊味道嘅服裝。一件看似顏色單調嘅長衫,即使有百年歷史但穿上身竟然完全冇違和感,究竟店主係點樣去搜羅,又從中又有咩得著呢?

Urban Lifestyle 即係嚟城市生活風,好虛呢?係嘅,即係隨著城市變化或潮流演變去不停改變風格。難就難在要追趕呢啲改變又可以配合大種口味,但今日店主就係有充足嘅時裝經驗,可以分享俾大家知,點樣可以做得到!

經營一門生意,好多人會不自覺地為咗控制成本而忘記咗質量,慢慢生意就開始變質。今日兩位嘉賓會分享自己點樣取平衡,一方面款式質量做到極致,另一方面兼顧到營這有道!

發展時裝事業其中貨源係最重要一環。來貨地點、價錢、協商全都睇落簡單,其實非常講究店主努力。今集佢就會同大家分享佢親自到日本傾代理,點樣先可以令對方相信自己,將代理權交俾你。

飾物唔係女士專利,銀器飾物就係男女都合適嘅好介紹!兩位店主會分享要做好一件事,除咗要搵到好產品,更加要了解佢背景,甚至製作者意念。將產品不為人知一面話俾客人知,引起他們的興趣。

西裝可以話係上班一族嘅日常服,其實都有好多變化。今次呢個店主同樣都係經營西裝店,主打復古風嘅非主流西服。今日佢會同大家分享點樣定立自己店鋪風格,點樣喺市場上搵定位!

好多人以為「肥妹」就只係可以著黑衫長褲,但係今日呢班大碼女生正正話比大家知:肥妹都可以著得好好睇!店主除咗會教唔同身形嘅女生點樣穿搭之外,更會分享創業路上點樣面對負面聲音,為客人創出自己嘅風格。

男裝女裝大家都聽過,無性別穿搭你又識唔識呢?話明無性別穿搭,襯得好睇男女都一樣咁易Carry。店主Oscar會分享同海外賣家溝通嘅時候有啲咩Tips,點樣幫品牌買到合適商品!

闊身並唔等於大碼,古著又唔一定係二手衫,咁到底咩先係闊身古著?點樣先可以著得「闊而不肥」?兩位店主將會分享點樣喺日常生活中獲得創作靈感、適時訂立長短期目標對創業又有幾重要。