豆釘去旅行

豆釘去旅行

集數

小學生踏入最鍾意問「點解」的年齡,完全是天使與魔鬼的混合體,他們開始識少少扮代表,但其實行為天真瘋狂,實在是令人又好嬲又好笑。我們叫他們做「豆釘」,意思是「豆咁細粒、釘咁短」,但他們的威力可達宇宙級大爆發。主持人帶着這班對世界充滿好奇的豆釘去旅行,到底是歡笑多還是亂子多?是溫情多還是怒氣多?是友誼萬歲還是嫉妒心作崇?由plan 行程開始,今次旅行由豆釘們話事!

沖繩石垣島之旅

三位分別由5歲至8歲的豆釘楊楊、杜杜同Zoe,去到豆釘旅行社參加Regen 姐姐舉行的茶會,為沖繩石垣島之旅揀好行程,又幫隨團但分開玩的媽媽們精選三個項目。

踏上瘋狂扭蛋不歸路

一班豆釘,拎住Regen姐姐俾嘅5萬Yen 旅費,開始一連5日石垣島之旅,最初都好節制,都係買下雪糕、汽水,但去到民俗村,除左跳民俗舞、畫風獅爺同埋餵松鼠猴等等嘅正經事,佢地開始成日將銀包周圍亂放,而且踏上瘋狂扭蛋嘅不歸路...

街頭賣藝

豆釘們果然敵不過遊戲機中心的誘惑,短短一個鐘,幾乎用晒整個行程的旅費,唯有獻出人生嘅第一次街頭賣藝,舉高隻手,駛咩怕醜,杜杜除左喺街頭大跳break dance,仲大膽向小女神Zoe 表示愛慕之情

親親大自然

沖繩石垣島擁有咁美麗嘅大自然同海岸線,一班豆釘當然要去親親海豚,第一次摸海豚、扮海豚唱歌,豆釘們仲坐上玻璃船,從透明船底睇到好多海洋生物,玩完一輪,班豆釘差啲唔記得,最後一晚要上台表演,今日再唔綵排,聽晚點算呢?

隆重登場

去到旅程嘅尾聲,豆釘們決定參加石垣島一年一度嘅豐年祭,感受一下巡遊嘅熱鬧氣氛,而媽媽們就被一班豆釘安排去浮潛,因為楊楊話:「媽媽好長氣。」。

豆釘新加坡之旅

主持Leanne 帶住仔仔參加完豆釘石垣島之旅後,今次拋夫棄子,帶住晴晴、斯雅同阿Rex去新加坡旅行;3個平時喺香港坐慣私家車嘅豆釘,落地第一個行程,就係自己搵車去老巴剎晚餐

安排行程的秘密

以做「型男」為目標嘅阿Rex,雖然同旅伴晴晴、斯雅喺新加坡走失左,堅持唔搭的士唔食飯,但呢個時候兩個女仔已經同主持Leanne 歎緊老巴剎最出名嘅串燒。

3個豆釘患難見真情

3個豆釘終於黎到發夢都想玩嘅水上樂園,點知呢度嘅滑梯快到連主持Leanne都驚,個個腳都震埋,阿Rex 仲第一個逃走,運動細胞極強嘅斯雅只好搵攝影師陪佢喪玩。

為獎金可以豁出去

早餐去食咖央多,3個豆釘都搞到差啲鬧交,原來各有各怕嘅嘢,女仔就怕羞,男仔就畏高;去到職業體驗城,為左得到導演送出嘅獎金,3位豆釘要分別爬上約5米高嘅牆按警鐘,到底人大膽細嘅阿Rex,會唔會為左做「男子漢」嘅人生目標而豁出去呢?

玩到最後先不和?

黎到聖淘沙嘅戶外歷險樂園,3個豆釘諗都無諗就去左玩5至15米高嘅高空繩索陣,連平時最大膽嘅斯雅都驚到喊,跟喺後面嘅阿Rex 心知今次出事了,繩索陣上前無退路後有晴晴等了又等,阿Rex 嘅字典入面有沒有放棄呢?

更多類似影片