買樓狂想#曲

買樓狂想#曲

集數

另類紀錄片,表面上唱好買樓,實際暗諷樓價太貴,樓不是單純的住處,而是淪為投資功具;問題是,住是必須的,樓價再癲,香港人只能無奈接受,並想盡一切方法上樓!強尼教導五位年輕人關於買樓的知識及竅門,包括帶他們睇樓,分享若干真實故事,並要他們接受一系列訓練,包括體能、戲劇(掩飾真正情感)、改變價值觀等,那麼樓再貴、樓盤再偏僻、中介再口甜舌滑,他們都可以接受及應付自如。且看五人經歷特訓後,將會繼續擁抱買樓夢呢?抑或覺得上樓無望?

睇樓一日團

有樓人士火火,帶領三位想買樓但欠財力亦從未睇過樓的年輕人(下稱三子),初步了解樓市,包括參加「睇樓一日團」和睇靚裝修。

納米樓

睇年輕人上車恩物:納米樓,但一子在納米樓「逼到跌死」,另請來身高150cm的Suzuki和他女友,示範將納米變複式,生活很美好,於是三子勤練縮骨功。

山旮旯盤

睇山旮旯盤,(偷拍)幾百萬住到遠遠,但可以買到的樓,質素奇差,一子願意住,接受體能操練,結果操練致死;另有年輕教師住山旮旯個案,他形容住得遠早睡早起身體好。

天生有丁權

香港人買樓難,原居民卻天生有丁權,有地有樓,公平嗎?侯志強現身說法,逐一反駁。一子投胎做新界人,但額滿翻生,隨大家睇龍珠島及長洲平盤。

澄碧邨盤

睇澄碧邨盤、市區超爛盤(石屎剝落);三子隨梁祖堯學戲,如何有錢人上身,面對中介冇有怕;另有父子情個案,爸爸畀首期兒子買樓,因而改善父子關係。

買樓靠「契媽」

火火分享買樓靠阿媽,年輕人睇新盤順便搵契媽,又拜會真契媽黃夏蕙,但求有契媽幫手買樓,並再跟梁祖堯學習內心戲,打給真阿媽要錢買樓。

潛力樓之選

睇潛力樓:找尋土瓜灣沉降樓,以及得益於蓮塘口岸效應的邊境樓;買樓專家提供潛力樓之選,另有多樓人士靠收租毋須工作卻患上抑鬱個案。

豪宅的定義

買樓加按一開二需要膽色,三子為練膽量,往公園叫唱歌大媽收聲;火火又帶他們到深水埗睇半億豪宅,到紅磡遙望億元獨立屋,癲覆三子對豪宅的定義;另有樓多到數不清的郭釗分享經驗。

買樓無望

三子覺得買樓無望想死,其中一人發現龕位也貴,嚇到跌死。私樓難買,火火帶三子睇公屋、居屋。炒散王分享如何上公屋、抽居屋,三子決定入表抽居屋。

水泉澳

居屋抽籤日,三子落空而回。轉睇公屋,訪問水泉澳居民上公屋特快要訣。另有公屋戶分享靠結婚、生仔、離婚,可以申請分戶,令公屋一變二二變三……

租屋

三子與內地女子約會,希望結婚上公屋,但事敗,又以為買不如租,(偷拍)睇租盤,發現八千元租到的樓,質素奇差。另有個案分享買樓轉租,開始時住得更好……

買樓轉租

買樓轉租個案現況,「落錯車」淪為劏房戶,妻離子散……火火與三子唱好辣招,假設以一千萬換樓,買入新單位而未賣原來單位,要多預15%印花稅,而一千萬換樓,亦找不到合符三子要求的好樓。

二百萬樓盤

睇二百萬樓盤,15%印花稅亦可接受,不過二百萬的盤只有農屋和村花,既不合法,亦做不到按揭。另有趕及2016年推辣招前坐上買樓尾班車的「倖存者」,表白為兒子買樓的苦衷,還有八年前接受過訪問的冇樓牙醫哥哥、有樓出租的地產弟弟,交代現況。

相見好同住難

如果樓市再升40%,三子計劃夾份買樓,但相見好同住難,在火火考驗之下,一子被另外兩子「殺死」。免傷和氣,三子嘗試白天留在工廈,晚上做麥難民……

Dream House

如果樓市升完又跌40%,三子可以買dream house,一間屋;睇完屋,又找來地產Top Sales分享成功之道,看看她的dream house。總結15集所學,最後三子帶火火坐高鐵北上……

更多類似影片

演員及製作班底