返歸啦俄仔

返歸啦俄仔

集數

今次藉著FIFA 2018嘅機會,Ansheles話要盡個地主之誼帶我哋一齊返佢鄉下,節目入面會挑選3個不同風格、性格嘅少女跟住Ansheles 返家鄉,跟住暖男貼地遊三個不同城市,認識佢國家之餘仲拜訪埋Ansheles媽,行埋「伯母政策」,實行要孖住Ansheles蜜遊而返!

十年後重返鄉下

Ansheles自從13歲由莫斯科移民塞蒲路斯之後,十年都無返過鄉下!今次一落機,Ansheles媽咪已經準備咗一個大驚喜畀佢!返到細個成長嘅社區,更加有無限回憶湧返曬出嚟!

莫斯科飄雪活動

Ansheles帶Yoyo體驗莫斯科年輕人嘅冬日活動!雖然飄住雪喺紅場戶外溜冰、漫步情人橋、行冰湖係好浪漫,但室外氣溫得負十五度,真係凍到Yoyo騰騰震!都係坐定定喺莫斯科最出名嘅商場,試吓俄羅斯快餐,啱香港人多啲!

見家長 行街市 煮飯仔

跟住Ansheles媽咪走入俄羅斯最貼地嘅街市,Yoyo發現戰鬥民族嘅豬肉佬竟然係用呢樣嘢切豬肉!? 街市入面仲有得賣呢種意想不到嘅動物!?Yoyo同Ansheles媽咪互相煮咗啲嘢畀大家食,但兩個人都食到偏曬咀,夾咗喺兩個女人中間。

假如我是個俄羅斯美女

全地球都知道俄羅斯靚女多!Ansheles請嚟靚女朋友Julia帶Yoyo去莫斯科最貼地嘅髮型屋扮靚靚!咦!莫斯科嘅「髮型屋」唔只有得剪頭髮,連微整形都有!Yoyo體驗完現代嘅俄羅斯女仔嘅扮靚方法,古代嘅當然都要見識吓啦!

莫斯科的最後衝刺

難得嚟到戰鬥民族嘅國度,梗係要見識吓俄羅斯人嘅傳統武術-桑搏啦!同一班,有八十歲嘅老伯伯,亦都有八歲嘅小朋友。短短一小時嘅課堂,已經打到Ansheles Yoyo大汗疊細汗。打得咁辛苦,都係慰勞吓自己買吓手信嘅!

勁離地嘅地鐵站

Ansheles成日話:「俄羅斯人最鐘意浮誇!」睇莫斯科嘅地鐵站就最引證到呢點!Ansheles同Ceci就會帶大家用最少嘅時間,坐地鐵玩晒睇曬莫斯科最靚最必到嘅景點!仲應網民既要求,去搵吓莫斯科嘅紅燈區。

Ansheles媽媽的假期

久別重逢的兩母子,一齊去旅行,媽媽緊係好緊張啦!今集嚟到索契,媽媽第一時間帶Ansheles同 Ceci做個索契最出名的Spa。聽講要浸落啲黑色嘅坑渠水度!咁咪好臭?係享受定係要人難受呀?

戰鬥民族練膽大法

成日講戰鬥民族,到底佢哋係點育成呢?今集Ansheles帶Ceci體驗戰鬥民族嘅練膽大法, 先挑戰世界之最,出發去有《健力士世界紀錄大全》世上最長天空之橋。

俄羅斯人嘆世界

Ansheles同Ceci兩個好朋友終於有機會一齊去旅行,又嚟到索契呢個渡假勝地,梗係真係渡吓假啦,上山下海是常識吧!今集Ansheles先帶Ceci上山滑雪,喜愛陽光與海灘嘅Ceci招唔招架得住呢?

體驗戰鬥民族的日常

留喺索契嘅最後一日,Ansheles當然要同Ceci傾吓心事啦!今集兩個人會入住俄羅斯人的小木屋,感受一下俄羅斯家嘅感覺。兩個人仲會一齊煮野食傾偈,窩心到不得了!

逃出繁囂放大假

Ansheles 迎接靚媽 阿 Mo去俄羅斯韃靼斯坦共和國首都─喀山!今次阿 Mo難得放假,唔洗理屋企兩隻反斗星,Ansheles決定發俾阿 Mo享受最高級旅程。

學做韃靼斯坦家庭主婦

喀山著重農業,要深入了解喀山先要從當地農業開始。 Ansheles講話:「俄羅斯農村女人細細個一定要學識揸牛奶」。所以今次阿 Mo會走入牛棚學揸牛奶,做一個傳統俄羅斯農村女人。

闖入冰天雪地做雪條

嚟到最後一集,亦都係同阿 Mo最後一日,Ansheles決定俾阿 Mo感受一下俄羅斯嘅凍,去到咁遠旅行,一定要玩吓雪。Ansheles帶阿 Mo去雪地飛馳,完成童年阿 Mo夢想,同時帶佢去冰釣做一個原始俄羅斯人。

更多類似影片

演員及製作班底