金剛旅神團

金剛旅神團

集數

年輕人,究竟有乜嘢動力驅使你冇錢都仲去日本玩呀?係愛吖定係心癮呀? 係識路呀! 曾經有富二代建議新一代「去少啲日本,萬五蚊月薪儲三千可上車」。但每個人嘅負擔或者對娛樂要求都唔一樣,可能仍然會有人諗及時行樂啦。一於 Yen 照唱,日本照去啦喂。不過當地消費遍高,旅費難免令人苦惱。不過只要你識捐窿捐罅去搵,其實未必有伏。呢個節目就好似個懶人包咁,一睇就明, 等你強貼留名!

今次金剛同4位「旅」神遊勻東京,介紹CP值最爆嘅食、買、玩資訊!第一集,帶大家衝去市集買日本各縣直送特產,買買吓,金剛搞咩俾旅神們耍到面紅兼投降?!之後再唞唞,由Hailey帶隊揀酒店,一次過滿足平、靚、大等等N個訴求!

咪以為旅遊區喺食、住一定搵你笨!識搵嘅,歌舞伎町晚晚即劏即送你免費吞食魚刺身! 娟姐仲教你400幾蚊就喺新宿市中心搵到正宗箱根溫泉旅館,慳錢慳時間,落去買多轉食多轉都得啦!

金剛旅神團緊係有女神啦,今晚就同你搵間有天台風呂嘅bnb, 睇吓幾抵住之餘緊係有得睇女神出試風呂啦(心心眼)。加推你一個月費法國菜新食法,單人價錢食個人享受,正呀喂。

嚟緊東京奧運,除咗plan 定嚟睇奧運緊係要玩住東京啦。今次金剛帶隊同成班少女做一日奧運選手,玩吓啲新加項目。女神濕身玩沖浪,真係一波未平,一波又起呀。

其實自己一個更開心,駛鬼你講。一個住東京洗咩仲去膠囊!Hailey 帶你用膠囊價入住高科技旅館,照顧好你行李、睡眠、娛樂、安全等等需要!未夠平? 帶你去銀座shopping, 唔洗$100位就食到黑毛和牛餐!

今集金剛同女神們會同大家去到清澄白河一個理科室上堂!Sor, 唔係真係上堂,而係呢度有間將科儀產品改裝成家品嘅專門店,好睇又實用。之後仲會同大家去用五感嘆甜品嘅新玩法,真係要兩碟THX!

去日本玩DIY就唔少人都識,不過今集嘅tailor made 你就未必試過!全港、全日本都少有嘅自訂領呔店原來原宿有間,教你由零開始搵職人幫你訂造一條日系潮Tie。

日本多出色麵包店原來背後有段辛酸故事?!今集金剛帶住2位旅神走去橫濱麵包節,同一大群日本市民試勻全日本最出色麵包!之後再食埋橫濱打工仔私藏嘅上樓「全12品海膽料理」,好食到金剛又再次不行了!

築地場內市場搬咗咋,但係場外仲有好多餐廳喺度排晒長龍,今集我哋就分享一個免排隊就食到人氣海膽飯嘅方法俾大家!另外再去一個職人市集,入面嘅店主每個都好有特色,小心荷包出血呀。

今集帶大家嚟到古董家居店,金剛阿飄的故事重現……「有故事的人」Yoshi帶大家去搵有成200年幾歷史日本木櫃、傢俱、油燈等等,竟然係你估唔到咁平嘅價錢就買到!高CP 貼士陸續有來!

Join 旅行團就帶你俾入場票去觀景,旅神團就梗係幫你慳錢,教你用同一個價錢就可以邊食法國餐邊嘆景!咁就叫抵?未算! 仲示範點用$0換過全身嘅look! 以後就可以錫住銀包去日本!

今日Hailey Shirley 兩位旅神將會為大家冒險走入橫街窄巷搵美食!放心啦,安全嘅,仲要搵到有小米芝蓮之稱嘅必比登鰻魚飯,好食得嚟價錢仲要非常抵。仲會去吉祥寺逛逛貓祭嘅店鋪買限定商品,入面仲發生咗件意思不到嘅事!

今集Shirley帶多個日本妹朋友嚟join我哋金剛旅神團!仲會太大家試一間用山水做嘅柚子拉麵店,仲有日本妹親自傳授少少健康食法!如果鍾意食味噌嘅朋友更加要留意,有間老店擺晒幾十種味噌俾你任試,試啱先買!

去得多shopping,都想行日本古城區扮吓文青。今集帶大家去到離淺草只帶30分鐘車程的柴又,回到昭和時期食、買、玩!之後再出返新宿市中心,帶大家去試地區方便到屈機嘅Omakase! 最平$120, 最貴都只係$500就食到啦!

最後一集金剛旅神團繼續同大家搵CP值高嘅好去處!你點會估到喺淺草竟然搵到間30蚊左右雲吞麵?放心~日式嘅!最後我哋會坐頭等艙食飛機餐,不過係餐廳而唔係真飛機呀陰公!