闔家學術常識問答比賽 II

闔家學術常識問答比賽 II

集數

雅典娜再度重臨人間挑選智慧王者!今輯繼續有Miss朱-朱薰、仲有新加入嘅王Sir-王貽興主持大局。

分組賽 綠組(I)

雅典娜再度重臨人間挑選智慧王者!今輯繼續有Miss朱-朱薰、仲有新加入嘅王Sir-王貽興主持大局。

分組賽 綠組(II)

嚟到綠組第二場比賽,三組喺搶答環節不停搶分又扣分、成績不相上下。

分組賽 綠組(III)

綠組最後一場比賽,Andy同Spencer各有兩個法寶、Mark哥就慘慘豬乜都冇,之但係Spencer跌到得雙位分數、孖寶必答題又追唔到分數,面對大落後嘅壓力,Spencer似乎百感交集、提唔起勁。

分組賽 紅組(I)

紅組首場分組賽驚現舊人面孔!原來上季準決賽止步的老鼠仔家庭捲土重來,希望今次退休數學老師-老鼠爸有好好操練數學啦!

分組賽 紅組(II)

老鼠仔家庭喺紅組嘅第二場分組賽走勢凌厲,搶答環節大比數拋離對手!瑤瑤都似乎陣腳大亂,計唔到條數就推爸爸出去叫佢答。反觀老鼠仔爸爸可謂大躍進,以中文題目取得不少分數,可能當年教中文會好過教數學。

分組賽 紅組(III)

嚟到紅組最後一場分組賽,老鼠仔爸爸喺數學題繼續重創!但係去到「闔家策略攻防題」,LoLo家庭傷得仲甘,雖然手上有兩個法寶,但兩次用法寶嘅時機都失誤,導致損人不利己嘅結果,更出現負分嘅情況!

分組賽 黃組(I)

黃組神盾開展咗第一場分組賽,究竟要一個小朋友解釋成語「弄璋之喜」會得出咩答案呢?可愛嘅Jothur就認為「弄璋之喜」係解「搞亂咗事之後就開開心心」,同「喜獲麟兒」呢個意思都相差幾遠喎!

分組賽 黃組(II)

搶答環節向來都係分秒必爭兼緊張刺激,黃組嘅Jothur搶答功力非常了得,快如閃電嘅程度堪比上季冠軍阿Joe,殺到另外兩組對手一個措手不及!

分組賽 黃組(III)

黃組神盾已經去到最後一場分組賽,究竟係邊個令到Jothur咁激氣,直言「唔想人哋咁高分、唔忿氣」呢?

分組賽 藍組(I)

終於進行最後一輪分組賽,靈蛇藍組亦都出現咗一個熟悉嘅面孔,正正就係上屆冠軍家庭嘅Joe爸!但係今次佢唔係帶屈機王Joe出戰,而係Joe嘅妹妹-Ada。

分組賽 藍組(II)

藍組第二場比賽要進行刺激嘅搶答環節,而P仔家庭因為意見不合而屢生爭執,往往要拗一輪先決定到答案!而P仔爸爸因為答錯唔少問題、激到P仔生蝦咁跳呀!

分組賽 藍組(III)

過埋藍組呢場比賽就會確定四組嘅出線名單,原本有兩組嘅分數到最後非常貼近、可爭一日之長短,但係其中一組嘅參賽者表示為咗唔想因為答錯而傷心,所以最後一條寧願揀容易嘅題目,最終未能擠身準決賽。

第一場準決賽 黃組 vs 綠組

嚟到第一場準決賽,代表黃盾組嘅Teresa家庭同代表橄欖樹綠組嘅Spencer家庭進行對決,Teresa家庭講到明比賽前入咗大嶼山進行特訓,Spencer家庭真係唔可以掉以輕心喇!

第二場準決賽 紅組 vs 藍組

第二場準決賽可以形容為「舊人之戰」,曾經喺上屆準決賽輸喺Joe家庭手上嘅紅組老鼠仔家庭,今次終於有一雪前恥嘅機會,同Joe嘅妹妹-藍組Ada家庭進行對決!

冠軍賽

面對「上屆冠軍爸爸」嘅藍組Ada家庭,綠組嘅Spencer家庭真係一刻都唔可以放鬆,但係愈緊張就似乎表現愈差,Spencer喺「闔家策略攻防題」堅持自己嘅答案、放棄爸爸嘅正確答案,因而無奈失分,更加影響到比賽情緒。

更多類似影片

演員及製作班底